10歲女竟然咁狠毒…
學校單方面包庇對家，係咪有頭有面嘅人個女？
呢d 咪名校law
有咩事只識冚
仲叫其他人封口
(好似早幾個月都聽過類似事件
唔記得邊間名校)
唔理後續點，學生響學校被欺凌到受傷都唔通知家長，咁已有問題。仲好意思話一路都知？
以前讀書都試過差唔多嘅野，投訴完之後班主任鬧人叫道歉，咁欺凌嗰啲人就收斂左。
呢度得一個家長講，應該睇埋其他「目擊證人」嘅說法。始終父母關心女，有啲位可能講多講少唔係真實情況。
封聲明真係堅九唔搭八
點解個女仔咁暴力學校都唔處理？
如果個段「老師知情，但未有通知家長」係事實，學校/老師處理手法好差，難怪呢位家長想搞大件事！
學校係咪神得太耐，完全冇危機意識，marketing 又差。封聲明重點，就係保護自己，怪家長搞大件事同認定受害者企自己對立面，我只感受到傲慢、隱瞞同冷漠。出封信都出成咁，可想而知佢哋係點處理件事。
首先個標題咩事？香港幾時咩都用信息呢個字？資訊，資料，消息之類一大堆
名校？ 可笑
批評有家長發佈有關學校及員工的虛假信息，又譴責涉事家長未經授權錄下與老師的談話內容，並在社交媒體上發佈經剪輯的錄音，校方形容行為不道德及涉違《個人資料（私隱）條例》（第 486 章），已將此事報告給警方和個人資料私隱專員，也保留採取其他行動的權利
只係指責家長錄音同放上網, 冇否認校園欺淩 
錄音係邊到？想聽下
唔知神係邊。
睇封聲明直情發爛渣，唔係一間學校應有的態度,仲話人違反基本法，混淆視聽。
成封信隻字不提學校做個乜。個阿媽抓爛塊面去到咁，相信真係忍無可忍
呢D新聞要睇定D，等多幾個唔同消息再落判斷 …
如果根據阿媽所講，佢只係要求調班同個欺凌者道歉，但學校都處理唔到。咁真係唔好怪人做足手續「搞大件事」，係個校長廢唔做嘢。
呢單嘢做人父母點忍，欺凌事件處理得咁差，個校長退休吧啦。
睇定啲先下定論
身為名校家長咁多年，分享一下，無傷殘無入院，一般打交，係大事化小，even 幾十年前我讀書嘅時候都係咁，特別係家長有背景，但通常件事點都會有人跟，唔會當無事發生，呢啲公關問題做得好差，應該有人要被照肺。 女校仲要係小學，咁打法好少見，學校可能已經罰左學生，但可能被打嘅一方條氣唔順，玩大佢。
通常一出新聞上報紙之類，無論幾出名嘅學校，無論學校係啱定錯，都係校方係驚過家長，但篇言詞咁堅定，我覺得真係要睇定啲。
家長火遮眼咩都做得出，呢段嘢睇來係被打嘅家長唔滿意「判決」，通常舊生放個女返母校讀唔會玩到咁大，有無八卦新聞講下呢個家長背景，一般香港人咁難先考/派到入來，就算係外人入得來讀都唔想間學校衰。
我直覺上覺得好有某國人嘅風格。