名校係連團體到校向學生宣傳反吸毒等講座都唔准許的
1個讚
Blame the victim既完美示範
2個讚
呢間學校其實幾包容學生，係一間快樂學校，我個女都認為係個家長誇大。
我唔係好認同，入得黎可能就係因為個名，對佢有期望，發生咁既事以為校方會處理得好，但竟然咁樣冷處理法，反差咁大，作為家長當然失望。
沒聽到錄音，但睇新聞報導係話家長更無意間發覺原來校方一路都知道但係冇通知佢，而且唔係單一事件，家長肯定嬲。
上面話可能家長誇張，但諗下，我覺得佢最多誇張個傷勢，或者校方點樣處理得差，但係人哋事實係去咗醫院驗傷，冇證冇據都唔會報警，亦唔會去拉人。
而且校方將聲明淨係一味喺度怪個家長公開錄音等，冇否認有欺凌呢個事件，好明顯就係有發生左，仲要處理得唔好，而加比人公開咗，就轉移視線，更加突顯佢哋既傲慢。
咁樣既校長同管理層，就算係在校家長(唔係話你 )都唔應該為校方搵任何excuse，要知道上樑不正下樑歪，咁樣嘅價值觀，就會請啲咁樣嘅老師，最終影響既係班學生。
7個讚
你個女又唔係當事人又唔係目擊者，點認為到個情況？有聽段錄音的話，個媽媽其實已經好冷靜同斯文喇喎
1個讚
完全同意，聽段錄音我覺得個家長已好冷靜同斯文，俾著其他人應該已經拍枱大罵。
佢應該俾人hea左好耐俾人冷處理先把心一橫搞大去。
剩係有整親唔即刻通知家長已經好大問題。
佢封聲明先好笑，拎埋基本法黎講想用法律撻人，點知youtube條link仲未remove喎。神津喎，多數人都會諗住吞咗去算啦，佢搞到咁大實要走人，都仍然行呢一步。
而且睇東方張傷勢圖，喺正脊椎可大可少，如我係個阿媽又得到咁的冷處理可能仲癲。
1個讚
名校嘅在校生或畢業生，一般都會blame the victim保間學校，因為學校聲譽受損，會影響佢哋。
3個讚
你係有道理，但香港神校，一向都係咁，只係家長有太多幻想，神校 prefer 收舊生仔女係有原因嘅，就係知母校嘅「文化」，知道就知點攪呢啲問題，公平得來又保到間學校，所以我已經講呢單野係公關災難，雖然對外戰狼，internal 一定有人俾人照肺，邊會咁做嘢，無同雙方家長講掂數，呢個係低級錯誤，攪到其中被打家長攬炒出招，單嘢揚左，兩邊都會想辦法 discredit 對方自保，一定有一邊係唔係講緊事實之全部
我想講香港名校，特別係男校，都係咁做法，但只係中學先係咁，學生打交真係好平常，學生打神父再俾神父 一拳 KO 我都見過，女校打得咁勁咁我有啲 surprise，仲要係小學，我可能都跟唔上時代。
在大部分人觀點，當然係錯，我都覺得校方做得唔夠成熟老練，但呢度就係咁，最後當然可以用法律途徑去解決，呢啲神校，大把舊生律師幫手，家長應該都有返咁上下實力，外人只可以食花生。
亂入：係咪講緊「刻在我心裡的名字」
該主題在最後一個回覆創建後30天后自動關閉。不再允許新的回覆。