已到嘅朋友，覺得呢個駛費合理嗎？
1個讚
住或車方面，唔同地區/車既價錢差太多，無參考作用。
食方面，每月 800鎊，應該計埋會出街食下飯。
雜費(水電煤日用品)每月 500鎊，我係香港時係每月三千到水電煤費(7x24冷暖氣)，屬重度用戶，就差不多哩個數。
用片中筆直的話，大概係去超市唔使睇價錢，隨便網購日韓食品。出街食飯計唔到，因平貴差好遠。
雜費要重用戶，多電器長開，沖涼沖半個鐘，暖氣鍾意就開咁。
所以哩個數既生活水平 (只計食同雜費)，基本上係無慳過。同樣既生活方式，係香港時係每月兩萬到。
即係預香港的使費，打個七五折，就差不多係英國既使費咁上下。
結論係，片中的受統計對象，平均來講無咩慳過。
5個讚
如果唔出街食飯餐餐住，識得去 Aldi、Costco 或者等啱時間買野，唔會買日韓或者特別亞洲產品，一家四口唔洗 800 鎊咁多。之前有個 po 計過一日食乜同用幾多錢，800 鎊係好豐盛下（定係貧窮限制我思想？）
暖氣都係最凍嗰幾個月先要用，依家全球暖化，近幾年英國熱到甩肺嘅日子長左，應該都係呢個 budget 太豐盛。
2個讚
咁即係預到好鬆下
正確！我去附近Morrison 超市, 成日下午特價, 5p一個菜（完全正常的、沒有爛/壞）都有。我冇特別慳住用,一家4 口400-500 已經有突
計過，我煮一餐，唔計水電煤，人均食左£3左右。
我一般既四人餐：
意粉20p四人食
意粉醬 £2左右
一份肉£3.5，半份夠煮一餐
菜£1
燒粟米£1
蒜頭，油，調味料，當50p啦
聖誕後 20p 一包 brussel sprouts，又新鮮又靚。
有時候 Tesco 都有 20p 一大袋蘿蔔、蘑菇，唔係特價都呢個價錢。呢個價錢係不論南下定背部都有。如果好彩屋企近 wet market 嘅話，就更加平更加新鮮更加大袋。
去冰架嗰邊經常有特價到期貨，10 鎊都買到一檯食物，試過 45p 都有醃好嘅羊排，我以為我睇錯價錢。2 鎊一大盒雞髀，一隻 2kg corn fed 走地雞都只係 5 鎊咋，住過香港就覺得英國超市係放題大平賣。
除非去 M&S ，否則其他超市都一定買得好爽。
1個讚
唔計屋租，一家四口衣食行 £1500 - £1600
£800 食。每星期食一次 take away
一個月出去食一餐
一個月出去食一餐唔係因為慳，係疫情少出街 + 冇乜好食。懶煮 take away 重方便
我自己一個人晚餐嘅大餐，全部正價：
新鮮野生蘇格蘭三文魚排平均一塊 3 鎊
西蘭花 45p 一隻，蘑菇 90p 一盒，當我大食只係分開兩餐食，平均 70p
意大利粉我食靚啲意大利來貨 spaghettoni 一 pack 2.5 鎊，分開 10 餐，平均 25p
番茄醬料嗰啲 10p
再加個甜品心太軟一件 1.65 鎊
再加杯薄荷茶 20p 一隻
6 鎊咁豐富，諗起都開心。當然唔會日日咁樣食 
人口越多越可以 bulk purchase，一定唔洗 800 鎊咁多。英國政府有資助先可以食物價錢咁親民。
係架，本地食物同香港比較真係平好多。
不過全家都鍾意/慣左日韓食物，所以每月都定期網購 200~300鎊的急凍烏冬/拉麵/豆腐/泡菜/大醬 etc，好似以前定期係一田補貨咁。
否則就算大魚大肉，飽死都未食到 800鎊。
(唔計出街食飯)
仲有原味汽水打糖稅關係，貴過飲酒。
無特別鍾意飲酒，但慣左日日都要飲罐汽水。
好在戒左煙，否則煙錢先最勁。
弱弱一問：兩夫婦冇小朋友，一個月齋煮唔出街食，會格價，£300-400得唔得？
當然唔計水電煤嗰啲
1個讚
只兩夫婦，本地食物連埋水電煤 400鎊都得了，唔熱忱電子產品唔時不時浸浴的話。
有朋友兩夫婦就係咁。
3個讚
咁好好喎，謝謝你
你唔專登買亞洲食品，其實可以好平咁生活到。
想心裡有個譜，上Tesco網站睇下d物品價錢啦。
2個讚
好方法 
1個讚
英國咁多樣洗費中，食係最唔需要擔心既。教育都好平，無書簿文具費，校服好平又有二手。
不過要擔心既係稅，交通費，水電煤。
點解有資助？
我見人分享食係平、係水電燃料貴囉….
電煤其實同香港差別不大，係水費因排污費關係，隨時係三樣中最貴的。
交通費，一家人搭巴士，車費同直接搭的士無分別。
不過自己揸車後，交通費就好平。
若果成日搭，可以考慮月票吖
剛開始主要係搭來返放學，計過數。
團體日票分日買，都平過一大兩細月票。
但巴士最麻煩係唔準時及時不時有維修車飛站，冬天企係度淋雨好易病。
揸車係英國真係必需，雨水太多了。