英國都好多窮人畀唔起錢衣食住行，政府有 subsidies，咁所以大部份食物都可以好平咁賣，例如牛奶 4 pint (2.2L) 2 鎊一定有交易 (香港 $20 1L 奶都買唔到)，麵包一整條可以 40 p （香港 4 蚊乜包都冇，買到一個包都偷笑）。好唔好食就其次，但對呢啲貧窮家庭可以養到一家人食飽就已經很好。
好多英國人 Youtube 上面示範過點樣 1 鎊買一人一日嘅食糧：
香港冇可能 10 蚊一日可以維持到生活，三餐只食一塊方包都做唔到。就算超市大平賣都冇可能 10 蚊。
另外英國清貧家庭有 Healthy Start food vouchers，每張 voucher 總值 4.25 鎊。初生到 4 歲可以享用，0-1 歲就 2 張，1-4 歲就 1 張。大肚婆都可以有一張。確保所有 BB 都可以健康長大。
仲有 free milk for school children，嗰陣 40 年代啱啱戰後小朋友容易營養不良，但到今日都仍然有呢個政策。
