如果有一百萬積蓄(股票/現金)，想盡量自給自足唔太影響老公嘅情況下做6年full time mom，之後做返嘢預計可以搵返份2到3萬嘅工，大家覺得點？
你老公點睇？
1個讚
做FTmom 有老公支持,同埋自己預備好教養小朋友係最緊要,我冇咁多$,但係都做到
2個讚
要睇你每月洗費幾多，一百萬話多唔多手，話少唔少，另外，唔知你現時幾大，6年後咩世界無人知，到時係咪真係搵到都未知
未咁深入探討，暫時都係好天馬行空想睇下個plan得唔得
我自己個部分一定自己負責返，小朋友洗費就兩份咁啦
6年後4x架啦
咁我自己又冇咩洗費娛樂嘅，所以就想膽粗粗探討下可能性，因為積蓄真係話多唔多
絕對夠錢，可以一試
老實講，4x搵工真係唔易，不過，首先你可以計下如果得老公一份人工夠唔夠應付到屋企開支先，如果夠，基本上可以做FTM, 咁你手上個一百萬就係backup
2個讚
我試過，但真係唔enjoy, 生活重點放曬係小朋友度，好似無左自己。雖然都有上網課、睇書、上討論區，等自己無咁脫節，但梗係欠缺左D，最後都係揾返工。
3個讚
錢好難計….可以睇餸食飯，俾我會睇老公收入同埋大家理財態度係咪一致
如果公一份婆一份時佢都斤斤計較，又唔會理家務做得好唔好，做ftm後有機會拗撬多咗
1個讚
使唔使比家用？
最緊要老公支持，做ftm即係會唔用工人係嗎？
唔講財政（你都計好左數），老公放工預左一定要接力湊仔，你湊左成日都要抖啖氣，家務亦有可能要佢分擔下。
有啲男人口講支持，但行動上只想放工做大爺
2個讚
諗清楚自己屋企情況適唔適合。
FTM 因為冇其他牽掛，所以特別容易過份緊張小朋友學業，小朋友做得稍微唔咁理想都會特別激心。有工作寄託嘅話，起碼係精神係分散左。
FTM 情況好多老公就覺得「你一日到刻係屋企好得閒，我要返工好辛苦所以放工之後我唔會做任何野」，但要湊小朋友仲要煮飯做家務，你可能要接受老公完全唔幫手反而覺得你好得閒。（利申：聽左好多年阿媽嘅「成日叫我做 XYZ！你真係覺得我好得閒！唔洗煮飯洗衫吖！你大爺返到黎乜都唔做只係睇電視，叫你幫手煮下飯洗下碗，你話出街食飯賣外賣。成日出街食好平吖？？！」
）
另外就係 100 萬雖然依家看似好多，但亦唔算係大數，未計通貨膨脹，要諗下夠唔夠用起碼 7 年。呢個就要睇返你家庭情況，有啲家庭開支大啲，要請工人，小朋友讀私校又要上興趣班之類。而且一冇工，對錢用度會緊張好多。突然覺得樣樣都貴左好多，唔可以亂 fing。
3個讚
其實都唔算backup，因為我自己洗費同自己屋企人家用會自己比返，平時屋企開支我同老公3:7咁上下，我唔打算將家庭開支完全轉嫁比老公
可能到真係做左full time mom我就會知死
要，但唔多，都係飲茶錢
如果我full time 就唔要工人
1個讚
睇帳面就冇問題
你平時鍾唔鍾意買嘢？ftm可能會冇乜錢買好多衫
係呀，100萬唔多唔少，6年每個月除開萬三架咋，同埋我唔會諗住呢6年用盡呢100萬，都要有錢傍身