試下先，唔使一開始就set6年做timeline非行不可咁，比3個月自己試下適唔適應到，你同老公都覺得work先諗6 年大計。唔得咩出返黎做野lor.
我覺得個100萬好flexible, 唔係做ftm考慮既重點黎。如果有需要做，無100萬都要做ga la~
我覺得100萬ok,因為老公仲有份工，你都係計自己駛幾多，同埋樓上講得岩，唔駛一定要set 6年，中途有咩事咪再轉
試下冇壞，唔試過 將來可能後悔
1個讚
我都同樓主差唔多情況，100萬現金唔係一下就洗哂，其實可能70％可以用黎投資下先（買藍籌股之類）同埋唔知樓主係咩行業，可以番下part time, 咁hybrid既模式下對我黎講係work
數，自己計得掂就得
做ftm 錢係重要，但更重要係你同老公嘅睇法，有老公支持係好重要，可以話比錢更重要。
另外樓上都有講，做ftm 要面對部分老公嘅期望（可能係家務之類），想分享下，係做ftm 之前諗清楚有咩電器可以幫到自己，例如洗碗機、吸塵機機械人等等，會幫到你唔少，同老公都可以嘈少啲。
1個讚
就好似樓上已講，乜都假最緊要老公支持
係真心識得appreciate 你體諒你果隻支持
不過好多嘢唔試過真係唔知，趁呢個機會可以睇吓自己有冇嫁錯人
同埋可以加深對自己既了解（例如冇自己想像中咁有耐性等等）
做啦！比幾個月自己，唔鍾意又可以出嚟做番嘢
2個讚
唔知你日常駛費會點
會唔會消費好大改變？
好同意
FTM要媽媽好扺得悶，真係唔係每個人都做到
樓主可以試下放一個大假體驗下FTM生活先
係網上睇到嘅例子，財政唔夠鬆動，做FTM壓力會好大
同埋同大家講嘅一樣，老公支唔支持好重要，就算你依然負責返部分屋企開支，老公覺得你有無「需要」做FTM都好緊要
唔知樓主做咩工種, 但6年空窗期… 有D工種想入返行會有D難… 如果你好想, 另一半又穩定, 可以一試… 不過, 我個人覺得地球好癲, 我係盡力揾多一分一毫, 希望屋企同小朋友都多一分保障… 雖然錢唔係大晒…但好明白, 無錢真係好難生存…
1個讚
辭職未？份工暫時有幾多日假？
小朋友幾歲？
不如試下請盡大假體驗一下先。
超同意老公支唔支持，仲有閒時老公肯唔肯幫手。
有時間坐低計下一個月你俾嘅洗費。
1個讚
FTM湊小朋友同返工唔同
返工仲可以有少少自己私人時間
1個讚
係錢既角度諗，我覺得要影響到先生既情況下佢都仲支持你做ftm咁先好做。如果要我消自己積蓄，老公唔俾家用，咁我應該唔會考慮。
另外會睇下自己人工幾多，如果本身好高，咁我會情願請工人，賺多d錢俾小朋友有好d 既物質生活。咁當然份工亦要work life balance，狂ot冇哂親子時間又唔ok。
係情感方面諗，我聽過一d 極端睇法係做唔到ftm學咩人生bb，但事實真係個個性格唔同。有d人淨係湊仔會覺得好迷失好冇成功感。唔認同做媽媽就等於要自我犧牲哂先叫好媽媽。
6個讚
同意呀，兩公婆做啲乜嘢都會影響到對方，只不過係老公介唔介意姐。
呢條數真係冇需要計，因為有啲乜嘢唔好彩呢筆錢係可以短時間內用晒⋯⋯我當年淨係同老公講我戶口度仲幾多錢就辭職做ftm了，而我老公根本冇理到
到依家都係食佢嘅住佢嘅
唔知樓主老公係咩情況，但我有朋友一開始問佢老公係話支持，點知傾到要佢加家用就突然變得唔支持，數到好多問題出黎。
做ftm對女人既影響大好多，過多幾年4x歲出番黎揾唔揾得番都成問題。而小朋友小學全日制番到屋企都4pm，去到中學直情有自己生活。我黎緊都有諗一係轉part time/同公司傾早d 放工，希望成事喇~
2個讚
因為好多男人根本無思考，唔想煩，只係老婆話咩就答ok，以為老婆做FTM=老公唔使做家務，唔使理小朋友嘢，老婆會搞晒，返到屋企咩都唔使理，正！
到嚟真，要講錢，先知道大鑊。你朋友老公喺嚟真前“醒覺”，開始思考再反對，已經算好㗎啦。
2個讚
所以ftm真係未試過係唔知，錢好重要但都係其次。
各網友都分析得好全面。
我只係睇錢果度啦
我當你100萬現金同股票無產生被動收入
100萬除開六年, 即係一年可以用16萬左右
如果你唔需要負責住屋開支
一個月$13000左右當然夠自給自足
但如果要俾埋BB 開支就難講d
唔知你地會唔會幫佢供保險呀, 教育基金之類
第時想佢入邊間幼稚園
俾咩興趣班佢上
係呀~
上一代都見過唔少父母係咁
拎少少錢番屋企就當自己大爺
然後當老婆係工人咁使
做老婆既因為真係無幫手搵錢番屋企
家用唔夠又唔敢出聲
對，因為見到原生家庭係咁，我完全無做FTM嘅諗法，一定要做working mum，喺屋企先有say
2個讚