你可能誤會咗我意思. 我意思係我同先生睇而家係香港發生既野觀點唔同. 同移唔移民既分歧冇關係.
即係你呢個情況
“如果另一半真係藍，我覺得作為老婆係會好難留低，呢d就真係價值觀差異問題”
2個讚
得罪講，老公唔同意下，你留仔老公係香港，自己先過去讀書，我係你老公會諗下搵第二個算。
1個讚
icic
sorry我都有d激動
因為真係見好多家庭因為去留發生問題
而最可憐嘅係小朋友，因為佢哋無得say
尤其係好細嘅小朋友，可能個政權係點佢地無所謂，只係想爸爸媽媽同佢哋一齊
係呢個咁複雜嘅世界辜負咗佢地
其實我比大家幸運. 係我先生係典型藍絲. 真心覺得細路仔應該去外國讀書. 
讀完再返黎
所以佢都接受我帶細路仔過去讀書既.
3個讚
希望樓主深入思考下
留在香港接受愛國教育，將來發聲會係為香港定國家？
離譜，唔係個個走到，比著我只會擔心同路人，一定唔會話人將來好似阿富汗難民
老師可以讀返張cert，不過當地學校未必會請香港人，都要睇個老師本身
仲要粗口爛舌，以侮辱方式鬧人又恐同。唔係話老師唔比講粗口，但睇佢內文無營養之餘仲拉低晒香港老師質素，真係好核突。
難怪係香港只能做ta做唔到老師，亦好彩已離開香港唔再誤人子弟。
到時記得同小朋友講讀完就唔好返嚟啦…
咁呢個人本身都應該撈唔掂先走，你放心，品格差嘅人去邊都會被性格所累
呢D, 到時先算啦. 見到而家總加速師而家全速前進, 希望到時光復咗啦.
我講果個係我認識的人，唔係果個TA，不過都一樣X街啦
所以睇餸食飯啦sis，老公都會希望你理解佢。
對小朋友黎講，家庭環境，點都重要過外面嘅環境。
1個讚
其實睇樓主回應，對申請owp都仲係初步認識，對喺加拿大生活都仲係唔太清楚，咁不如多d刨文、入移民group了解多d，做下功課，睇下行呢條路會有幾難、適唔適合自己？
其實關於自己人生路向，真係冇話路定錯，只有啱唔啱自己同家庭，你了解多咗，同老公傾時又可以俾多d information support, 自己又多d世藝，未嘗唔係好事？
之前我好似都reply過類似post, 呢個加拿大救生艇確實係賣大包，可一不可再，唔駛俾一千幾百萬，只要喺嗰邊工作一年（任何工種，part time都得）再pass ielts (score 5) 就可以申請pr, 之後想再返香港都可以。與此同時，配偶同樣可以申請工簽，可以工作，小朋友亦免費入讀公立學校。
而且呢個pathway不限地方（Quebec除外）加拿大咁大，你可以選擇近似香港生活方式的溫哥華/多倫多，亦可以選擇周邊城市，甚至係偏遠少少，較安靜嘅生活。人人都話加拿大悶，我個人覺得其實係另一種生活方式，你要做功課先知自己嚮唔嚮往。
最後，你可以上indeed.ca 睇下嗰邊工作、請人要求，根本唔駛靠聽人講
利申：等緊出發
10個讚
你之前有提過你老公當年可去外國讀書 但佢媽話無人無物去到 所以你老公最後無去
咁睇你老公咁聽佢媽話
再加上佢媽可能係想個仔留身邊
所以佢依家未反感 同D細話你趕佢走
追咗咁多 comments
感覺你老公同你價值觀好不同
互相逼大家都無好結果
方法係
只得一方可遷就另一方
應該唔係唔合資格，只係我冇諗到呢方面。我淨係諗owp. 我會再研究吓。thank you
意思係佢留港搵錢？
我無留意呢個plan, 樓主自己讀唔讀得？要推一個唔願意既人好吃力呢
請問係咪讀完先考ielts合格？還是ielts合格先可以申請讀diploma? 因為剛上網睇2年diploma 2022年1月前申請，但ielts 5先得。擔心趕吾切考。謝
你上網睇嘅意思係指睇邊度呢？要小心而家有好多人血agent.
我講嘅考ielts 5係之後申請PR嗰部分, 係移民局睇嘅，考嘅係ielts general卷，基本上係唔難的。
而你講嘅係報名讀書嘅入學要求，係學校睇嘅，考嘅係ielts academic卷，咁就間間唔同，要逐間睇返每間學校每一科寫嘅要求。但照計無論邊科，都應該唔止要求5分，多數係6、6.5分。不過學校多數唔止承認ielts成績，仲有其他英文評估方式，譬如多數谷友選擇duolingo, 話易達標D
加油