話說一直都有同老公講移民，佢可以申請加拿大owp。但佢一直唔肯，最後佢仲係香港買咗樓(我知呢個決定好錯)
我眼見香港愈嚟愈差，唔係一個宜居地，我亦有share新聞俾佢，同佢講香港唔適合小朋友成長。勸佢提早申請owp(之前睇到資料話申請成功後，可以2年內入境。到埗先起計3年owp) 然後過咗ssd就平手賣。
佢堅持話去到搵唔到食，會俾人歧視，排華問題好嚴重，英文唔好，話小朋友會鐘意香港嘅教育方式 (我內心真係爆哂有生以來識講嘅所有粗口)，去到冇人冇物，搵唔返呢個人工。
即使我離婚都冇能力帶走小朋友(未到讀書年紀)。一直都好壓抑，好唔開心。我地兩夫妻已經冇溝通可言(除咗小朋友嘅嘢)亦冇嘈大交，每日冇電話，冇msg(除咗屋企嘢)。佢收工返嚟，大家都冇傾計，食飯都係默默食。而家同老公分開訓(小朋友細要跟我，房唔大)，每晚早抖都冇講，直接各自訓。回想返對上一次擁抱同錫面珠都唔記得幾時。
我曾經有喺其他post透露少少，有人都鼓勵我照準備可以做到嘅，機會嚟到就可以把握，或者計劃定如果有咩事要點應對等等。好多謝佢地嘅意見。
但我負能量真係爆哂登，需要個出口發洩。而我知小朋友係feel到，結果我對住小朋友點都係笑，趁佢訓咗先唔開心，好愁。其實好辛苦。
*食緊控制情緒病嘅藥，但似乎冇乜用。2個月後先覆診，唔會睇私家，太貴。
多謝肯睇到呢到嘅人。Thank you
29個讚
去同留都無對錯，你先生擔心嘅都係大部份人嘅考慮，相對移民問題，你地夫妻關係亦都需要正視，處理好對你對小朋友長遠都好緊要
7個讚
其實一個完整的家庭, 融洽的父母, 比起香港的教育制度更加緊要。你地應該多溝通, 如果我係你, 老公唔肯咁咪唔好走, 每個人適應力都唔同, 如果係老公去工作, 佢要面對好多新環境, 係一件好艱辛的事, 唔係人人頂得順。你見移民版個個都表面風光, 其實轉環境真係唔係人人承受到。
香港都唔係話真係咁差, 你鑽緊牛角尖, 認定小朋友係香港一定會死。咁樣唔會搵到個出路。要知道最後留係香港的人其實會比走的人多好多, 唔通果啲人就全部都會變成有問題的人? 所以你要諗清楚其實自己係咪太過鑽牛角尖, 同埋迫緊自己伴侶去做一些佢唔想做的改變。
27個讚
我知應該要正視。我明到時係佢一個搵錢，面對壓力一定俾我多。可能我太緊張小朋友，情緒差起上嚟，直情覺得佢自私，淨係諗自己，唔肯跳出去。。
係理解佢同怪佢之間，無限loop…
我覺得你哋夫妻關係嘅問題嚴重啲。
你老公做咩架？係咪一直以來香港土生土長？無出國讀過書？
其實我幾同意樓上所講，如果去到主要係老公做嘢，而你屋企湊仔。咁佢真係會大壓力+面對職場適應問題。
既然老公唔肯走，都無辦法，有啲嘢真係逼唔嚟。就好似細路仔唔係讀書材料，但你係咁死谷。
3個讚
我有時唔睇新聞，玩吓電話嘅game，想做返隻港豬。情況好啲時會諗個個都想走，唔通個個都走到咩。
但情緒一差就不得了。
3個讚
佢唔走，逼唔到，既然逼唔到，不如疊埋心水留喺度，修復夫婦關係，而家情況係走唔到，亦破壞感情，雙失
8個讚
你老公係咪去過加拿大留學,所以唔鍾意果度呀??
我有朋友澳洲留學返香港,佢都話唔會去澳洲住
我老公做工程。佢係讀小學先落嚟香港讀。以前有機會出國生活，但佢阿媽話過到去冇人冇物又唔識英文，最後冇去
我明嘅，但好驚小朋友做小粉紅，或者十年嘅本地蛋入面個肥仔咁。
冇呀，佢一直係香港。
唔好話出國讀書，就算以前冇疫情，去旅行都係我提議我計劃，佢冇興趣㗎。。
即係你先生係內地移民？你話你奶奶當年阻止佢去外國，會唔會呢樣嘢係有少少影響到你老公移民嘅諗法？（阿媽話有歧視呀、無人無物呀）
我有個朋友都係做工程，今年4月過咗英國，8月頭都有工番了。
5個讚
係內地落嚟㗎。我覺得唔多唔少都關事。
最緊要係佢份人本身冇乜自信 。唔好話搵返本行，佢直情覺得唔會搵到工。
你會唔會將留係香港諗得太差？
如果你話驚小朋友第時返學接受教育會變小粉紅，點解又唔諗下教育其實唔係淨係學校同老師嘅事。
家長都可以教可以灌輸更多正面/識得點去思考判斷正確嘅能力俾小朋友。
講到尾有能力移民同工作果個係你先生，佢唔願意點解你又要用小朋友嘅將來黎迫佢？
而將來更加係個未知數，無人知係會點架
最重要嘅係，移民係要你同你先生兩個人去面對處理，如果淨係單方面嘅，到時佢真係心軟移民，去到面對更多嘅壓力的話，你地嘅爭拗到時咪仲多
19個讚
其實都係，我好恐懼。
其實淨係買樓呢件事已經好多爭拗，覺得唔應該買，買嘅過程都有爭拗。最後佢堅持，咁冇計，人都係要住。
呢啲爭拗加埋移民問題，結果關係直線下滑。
無人有水晶球，假如香港情況會再惡化落去，到時你老公可能會改變主意呢。呢幾個月走左幾個朋友，有d之前都係唔理政治，突然醒覺殺到埋身而走嘅。無論走定留低，都可以做定最壞打算同最充足準備。bno同特區護照都續左先，儲定錢（外幣存款甚至開離岸戶口），睇下有無機會送小朋友去讀書等等。
移民一樣會面對好多問題，到時屋企人唔係身邊，兩公婆日對夜對，感情差日子更難過。所以無論走定留，都先解決同老公嘅關係先，最緊要面對任何難關都互相支持。
8個讚
樓主唔需要諗得太極端，去到外國唔一定好，係香港唔一定差，我地係要重新適應，其實香港係好好地方, infrastructure, 環境，氣候，經濟發達等等，將自己抽翻出來欣賞呢個地方，當政治穩定後，應該好多人會回來。
1個讚
其實佢唔想移,根本無得逼
不如大家一人讓一步
eg唔移民,但比小朋友讀IS,大個再送佢出國
咁會唔會好d?
5個讚
一樣, 我剛賣放租樓走資出去, 只留自住樓(呢part當Sunk cost 唔理),
而家走唔倒, 都要隨時預備定俾個細既出去
2個讚