本身都已經打算同小朋友拎passport。 我地冇bno. 所以先話得加拿大owp走(老公好抗拒讀書)，而owp去到2023年2月。如果呢個機會miss咗，其實都冇機會可以走。外國讀書好難呀。。買咗樓，難儲錢啲。最少頭幾年係難儲。
1個讚
我明呢個道理。只係諗埋一邊。。外國教育同環境對小朋友成長更加好? 
不如你諗吓如果過到加拿大，你有冇一技之能可以搵到工幫手分擔下？
如果冇，做吓research 搵吓方法，俾佢見到你都有做足準備去移民，唔係佢一個人搵錢
你老公講得冇錯，加拿大owp條路唔係咁易行，香港嘅工程師過到嚟可能搵到工，但預咗錢會少好多，長遠要做返p eng.要讀書（識人咁樣做但你預咗要花時間花錢），一個人搵錢壓力好大，稅又重，依家啲樓價仲要升到痴線，一日pr未到手個心都唔會安樂
我係支持走既，但以樓主既情況，你說服到佢走都未必係好事，要去適應另一個地方唔容易，一定會出現問題，一有問題佢就會埋怨你，到時你只會更難受，可能情緒比而家更差，同埋小朋友係有好既讀書環境，但家庭問題都會影響小朋友，佢都未必會開心。
首先樓主處理好自己情緒，再處理好夫婦關係，關係好既時候，要傾計都容易啲，佢都會容易啲接納你既意見。
4個讚
唔好以為移到民就一天光晒
去到事事不順生活艱難，你怨我、我又忍你
再引發身體狀況同情緒出問題
可能先係悲慘既開始
7個讚
我係短期內都必定走唔到嗰一班人, 都有同老公商量過, 大家最後都覺得, 無論變成點, 都會一家人陪伴住大家, 唔會丟低任何一個 (唔做太空人) 同埋每個人際遇唔同, 冇話邊樣係必贏同必輸架
AND 好贊成上面有人講話教育唔只學校, 老師, 我哋做父母都要教佢哋對錯 
7個讚
其實唔好諗到全港走剩樓主一個。
我相信好多家庭都有人想走但另一伴唔肯走（包括我）而無奈地要留係香港。
既然走唔到只能繼續平常心去生活，俾小朋友開心咁係香港讀書認識朋友。
3個讚
除左叫老公讀書搵工外，其實樓主自己為移到民, 實際做左咩去離開comfort zone? 既然你覺得移民不難，好多野好易，你都應該做到，你咪做比你老公睇去說服佢，你自己都無做到，當然說服唔到你老公?
4個讚
我本身冇一技之長，而家睇緊啲兼讀制嘅會計課程或者物理治療，醫護之類嘅證書(其實唔知有冇用)。如果有幸過到去，起碼都可以有返少少證書見吓人，未搵到工時咪做收銀或者執貨之類，但前提係小朋友到返咗學先。
係呀，其實都冇得揀。開post都係想搵個出口舒發。而家就咁睇我小朋友都ok, 最少仍然好愛笑，食得訓得玩得。
先搞好夫妻關係先，唔可以唔睬唔睬㗎
移民冇共識係唔work嘅
其實父母唔和睦，小朋友會feel到㗎，我都係因移民問題同另一半有矛盾，但而家叫做接受咗
走的話我相信對小朋友嚟講係好處多過壞處，但我老公同你老公一樣都係好抗拒移民，一個人搵錢養成頭家，仲要收入大減，對佢哋嚟講的確係好大壓力，我老公亦擔心搵唔到工或覺得唔適合，感覺就無回頭路，作為佢太太如果已講曬自己諗法出來，都改變唔到對方，唯有尊重同接受
老套啲講，走同唔走我相信都各有利弊，如果短期內唔會離開，唔好再因呢樣嘢鑽牛角尖，影響夫妻關係，最唔好係影響埋你情緒
10個讚
無問題呀！唔開心就呻下啦！講左出黎會舒服啲，你肯講已經好叻女，加油呀！
我身邊都有唔小人有你呢啲另一半唔願走既問題，佢地都會唔開心，問題雖然未必解決到，但舒發下係好事！
1個讚
我老公有話如果真係去嘅，就淨係我地2個去，佢寧願一個留喺香港到退休。。。
我而家努力緊叫自己接受。只係情緒喧洩唔到，又唔想表露俾小朋友知
我其實都好想調節心態，不過眼見香港一天比一天差，其實好驚，好驚有乜事保護唔到小朋友。🥲
係社運最嚴重既時候，我一樣覺得非走不可。然後亦因為有2個b，身邊朋友不停關心幾時會移民，言談間講到唔為仔女走就係不負責任，搞到有段日子我壓力都好大。
同樓主情況一樣，我老公都係唔肯走。同佢傾左好多次後我尊重佢既決定，因為移民對佢既影響係最大，仔女係重要，但老公開唔開心都好重要。生左小朋友唔代表要忽略另一半感受。
至於小朋友，兒孫自有兒孫福，唯有見步行步，必要時候會賣出租樓俾佢地外國留學，或者可能過幾年老公年紀大d又會改變睇法都唔出奇。
7個讚
應該移民之後先生小朋友
或者有冇睇過失敗例子
你諗嘢有D偏向一邊(可能係你嘅病情影響到)
依家你最重要嘅係醫好你嘅病，有情緒病會令人負面，悲觀。
你小朋友仲細，仲有幾年先讀小學。可以乘呢段時間，睇下自己有咩嘢可以做。
互勉！
2個讚
JM 抱抱
呢度好多同路人，你唔係孤單一個
大家都係好媽媽，想離開都係為小朋友著想
早前同你一樣經歷，不過暫時我都放下
呢排人人走就自然我都想走，但for自己未必係最適當時機
真係移民唔係快閃旅行
暫時走唔到，就趁呢3年ssd裝備自己
學一門手藝，做定英國資訊功課
最重要係儲錢，同戒掉港媽性格
他日真係要離開，就自然有齊準備啦
或者最終兩公婆留低，就換番間細價樓折現送小朋友出國讀書
3個讚