你話你老公唔鐘意湊仔，佢一定怨你，第二，你小朋友咁細，最需要媽媽嘅時候走左去，呢啲時間以後追唔返。
我覺得你開始轉牛角尖，真心，留係香港，都總會搵到出路，等小朋友大啲先出國，或者之後外國又有新方式移民。
3個讚
其實我好建議樓主去望下胡杏兒d新聞
為乜原因都好，離開自己老公+小朋友去追尋自己嘅夢想/好d嘅生活，真係啱？
你提下你老公唔好咁講，或者你獨自同小朋友一齊先提，佢咁講，小朋友會以為真
1個讚
佢都幾變態下… 不如同佢搞翻掂d關係先, 如果係為小朋友著想唔會話咁唔講道理,
(但你最好都要準備下自己可以獨立既能力先
係，好記得佢話大仔嬲左佢定唔跟佢，好傷心所以湊埋二仔去返工，真係好本末倒置
我記得樓主，估唔到會擔心到開多個post.
1，點解一定要移民？冇人講過移民一定好，冇響外國生活過，完全係新世界嚟。如果家庭有擔子，仲要一個人做嘢養全家，你老公唔兵行險著好合理啫。移過去一程飛機，但點生活係講緊下半世呀。
2，正如你有權揀移民，你老公都有權揀留港，將來嘅嘢冇人知，冇話對錯，只能當下揀最好選擇。以你情況，比我都唔會揀移民。
3，你講到留港死緊咁，唔洗咁灰，就算擔心小朋友被洗腦，家長其實好多嘢可以做。退一步講，我相信叫你老公比小朋友讀國際學校易過移民。
4，我覺得你好易受周遭同社會氣氛影響，失去獨立理性判斷能力。移民要考慮屋企環境，唔係人移我又移。如果暫時能力唔許可，你除咗鬧、唔開心同煩，其實應該搵可行出路，唔係轉牛角尖。不如你出返嚟做嘢，一來有需要時可儲錢送個小朋友出國讀書，二來你自己都應該接觸社會多啲睇下呢個世界發生乜事，擴闊生活圈子同諗法，對你自己都好。
16個讚
分開就真係唔建議… 頭家會易散, 就算唔散關係都好難維持
好似其他人回覆咁, 如果真係移唔到就唔好強求住
其實大家都明而家係呢度好辛苦, 唯有學下苦中作樂啦
可能過多幾年情況有轉機呢~ 加油 
1個讚
係。。所以我最後都係話咁做嘅頭家會散。博唔過
因為可能發生嘅事破壞而家擁有嘅家庭值唔值得？
人最大嘅恐懼係唔知將來有咩發生，但唔需要將呢種恐懼無限放大。
2個讚
某程度上胡都幾傻
自己一路唔係大仔身邊，返黎後expect小朋友覺得mummy you are the best
太天真啦
工人負責照顧個大仔，小朋友一定係痴住工人
生娘不及養娘大，其實香港人對英國vs中國已經係咁
1個讚
唔好話佢消失左咁耐，係香港住，父母要返工嗰啲小朋友都痴工人喇
2個讚
呢啲位要即刻話老公，佢唔應該咁講嘢，和同小朋友澄清。
2個讚
多謝你記得我，我個人好負能量。有時都會留言。
我未生前有做嘢，係生咗之後先全職照顧同埋會等小朋友讀書就出返嚟做嘢。希望到時我會有好轉。
佢自稱黃絲，講到為左d仔女要離開香港，又講香港幾地獄呀咁。
然後睇完阿富汗新聞，又暗示而家仲在港的人遲早同而家d難民一樣走得遲，真係好Q仆街。
題外話，在港做老師過到去英國可做乜？
走咗仲成日喺度暗串留低嘅人好乞人憎
早幾年走咗又入咗藉既，唔通又要笑班連PR都未有嘅人咩？
我都有同樣情況. 2019年後同老公關係直線下滑.
其實都唔係移唔移民既問題. 係大家價值觀唔同咗. 我有我既良知, 佢有另一套良知標準.
唔帶走細路, 你地話可以自己教佢分辨是非. 我唔會. 佢識得分辨, 但留係一個唔能夠發聲既地方, 咪製造緊另一代既我地.
1個讚
呢個係性格，好難一時三刻改到。但負能量都要提自己唔好轉牛角尖。移民唔會解決晒生活嘅問題，你仲要同一家人走更長遠嘅路，所以諗咗自己控制到嘅嘢先，控制唔到嘅你點諗都冇用。
加油呀
即係你覺得留係香港嘅人良知係，不被你認同？
如果你覺得良知就係要做d嘢，不如你今時今日去政府度示威？
走去其他地方，你套良知有幾高尚？
小朋友以後大就算可以發聲，都唔會幫香港發聲
因為係外國大嘅小朋友，大部分根本只係care自己個community+country，所以香港對佢哋黎講根本係nothing。佢哋未必會認自己係香港人，亦都未必識中文。睇返d加拿大港人第二代就知，其實佢地由細到大都會同d大陸人玩，china vs hk who cares？反正佢哋d best fds/boy fds都有機會係大陸人。
如果另一半真係藍，我覺得作為老婆係會好難留低，呢d就真係價值觀差異問題
如果大家都係黃，深黃淺黃，都要鬥邊個套良知比較啱，比較高級？
我覺得好無謂
1個讚
如果諗住讀書移民，點解你唔合資格？中學畢業已經可以申請讀dipolma
出返來做野拎返D主導權先