我自己冇啲咩好專業嘅技能，過到去我讀書加兼職超市收銀，或者侍應之類。湊B有sis建議day care, 咁老公都可以出埋嚟做嘢。
我英文唔係native，但簡單溝通都ok嘅，當然超深入到政治呢啲就唔得啦。。。。
佢自覺語文好差+好介意歧視+唔捨得香港份人工(其實唔係話好多，但佢捱咗好多年先得返嚟)。過到去全部零開始，所以佢唔想走
至於層樓，其實都唔知到時賣唔賣好。賣咗一定多咗資金，頭幾年唔使太驚青。唔賣就留返條路俾自己。但如果定落嚟先托人賣，要交一舊稅。
多謝你地嘅留言其實，提點咗好多要考慮嘅嘢而唔係死衝。
唔好介意，我再follow up問落去，太私穩就留個答案俾自己，只係拋磚引玉。
你target個個地方，Day care一般幾錢？
兼職嘅人工一般有幾多？
讀書番學都放day care? 積蓄/收入上可以應付到嗎？
丈夫可以做嘢，係咪肯咩都做，定有自己一套要求？
丈夫自覺英文差，同小朋友齊齊睇英文卡通可以嗎？慢慢建立語感詞彙，同時又係quality family time。可能一步一步釋除丈夫疑慮，會令佢覺得移民係可行。
問咁多，唔係要ban您，只係個人覺得唸得越仔細，之後可能會順利少少。移民後，一定有困難要面對。大家冇傾同唸清楚，好易兩頭唔到岸，到時更加進退失據，分分鐘全家怨自己。
所有嘢，冇所謂好唔好，只有當下現實限制下作出最合適嘅選擇。
777應該搵呢位網友出嚟叫大家唔好移民
笑死
其實意思係咪指當事人行緊衰運, 所以要移民. 就會轉運?
認同你，政見唔同唔係問題，道德底線唔同我覺得好有問題，呢Ｄ應該係拍拖時了解清楚先決定結唔結婚，否則拍拖來做乜
個理論簡直神奇到。。。
聽下算，唔使甘認真
政見唔同無問題，但無良知就好有問題，慶幸另一半唔係咁既人，如果去到冷血埋沒良知真係唔會一齊到
想請問醫護 和COFFEE 邊到有得學?
請問係讀護士定醫護助理?
醫護助理咋，邊有咁叻讀護士
醫護係ERB 不過出面都有機構讀
咖啡係一日班係啲機構讀，坊間極多
再有興趣可報sda 或city guilt 美國同英國認可既咖啡師課程
都唔係咁講嘅
助理都要識好多野，又要細心
而且英國果邊應該有需求
又係我嗰句：出身冇得揀但後天努力可以補償，唔好認命先改變到命運
其實讀多啲技能旁身都無壞，就算唔移民都有個技能轉行啊
咪係，仲幾個月無見，大仔完全正常操作
我都知道要過去… 但係佢的考慮都係我好明白的事
因為過到去真係"冇人冇物" 而且我都擔心如果過到去, 小朋友都會變成貧窮家庭成長… 會唔會滿足唔到佢的想法/要求/學習/基本(OR多少少的)物欲呢…
其實講到最尾都係錢… 真心… 大家而家可能好有感覺…但係過到去會唔會因為距離遠左, 加上生活問題, 而冇左呢個FEEL 呢…
不如未過去就由細教小朋友先啦… 唔好"大愛"囉… 因為要敵我分明…
唔好意思，我聽過另一個講法。
行好運唔一定stay係原居地（如果原居阿富汗咪大鑊？），應該係去繁榮既地方先可以將個好運用到。有d專業人士或者生意人去到新地方反而有更大作為。要睇返每個人個命盤，先知道去邊個方位有利，同佢行緊咩運(五行)。
我反而理解你所講「想去移民嘅人，應該係行緊衰運」，因為一個人行衰運，所有事情都覺得唔順，好想尋求改變；反之，如果行好運生活安逸就唔想離開？咁都有人係行緊好運去移民撈到風山水起；如果行緊衰運既人去到唔適合自己條命既地方會過到好辛苦。
其實有冇心/會唔會移民，命盤好易睇得到。
我老公信命理，佢之前上緊一個占卦班，我叫佢揾cfu幫手算下個仔中學響邊度讀（佢嚟緊year 3，學校無中學），cfu算到佢去西方讀書，仲話有兄弟一齊去（但佢係獨生子），唔知有幾真？我哋一向打算送仔去外國讀書，但老公覺得year 7去係太早，我哋未有共識
我覺得信命理既先決條件係common sense，有時風水師講d野唔make sense就冇理由死跟。咁你個c fu有冇解釋點解係獨子但係又會有兄弟一齊去？係朋友定親戚？
好多人會year 7送小朋友去boarding school，但係有個老前輩同我講佢好後悔送兩個仔去讀書，因為小朋友成長好需要父母陪伴同支持，佢兩個仔大左雖然乖仔，但同佢始終有隔閡，所以佢叫我千奇唔好咁做。我都唔知佢講得岩唔岩，咁你自己又有咩睇法？