我講得唔清楚
我意思係，某國人平時言行舉止太差
外國人對華人印象變得負面
佢哋未必識分香港人同某國人
所以會一併對所有華人印象唔好，甚至歧視
3個讚
明白你感受，我老公都係大陸出世，20歲先黎香港，都係之前因為移民問題傾唔掂，最近佢都無再出聲，我諗我老公同你老公一樣，大家價值觀完全唔同，南轅北轍，佢地係大陸都無自由慣左奴隸制度，係香港佢地巳覺得好自由，唔知外面世界係點，我都係因為香港既情況變左有情緒問題，不過無小朋友。
而家係香港唯有努力搵錢儲錢，第日移民既話，調轉係我去英國搵工，老公做唔做都得。
同時，我覺得你要不停增值自己，讀多啲手藝課程，我巳讀左醫護，剛剛讀完咖啡，會再進修，識多樣嘢起碼去外國咩工都做住先唔使咁傍偟，就算唔移民都要兩手準備，同埋你要為自己打算，女人一定要經濟獨立唔好依賴男人，因為感情既野好難講，從來都係女人有獨立經濟能力先最有保障，萬一有乜事都唔使睇老公面色。
12個讚
係! 我聽過佢講細個返學，老師會帶佢地睇紅劇，成班同學仔睇得好開心
你好勤力! 我都睇緊啲兼讀課程，想一星期抽啲時間去上堂! 就算唔移民，咁第時小朋友讀書出嚟做嘢都多啲選擇!
大家加油!
加油，當興趣咁去讀會開心啲，我對咖啡有興趣讀完唔覺悶，搵下自己鍾意既嘢去讀下進修會有恒心啲架
但醫護真心好厭惡，做過兼職唔想做，只係拎張證書旁身無諗住做
咁誇張，我老公果陣無咁癲喎，不過佢認知既野就一定同我地知既兩回事
價值觀差咁遠點做夫妻呀
我老公唔會同我嘈架，所以相處都ok
同埋明知有啲嘢講左會嘈咁當然唔會講啦，費時贏為左場交輸左頭家
同埋唔可以咁單向只用價值觀去睇，兩公婆相處仲有好多因素。首先要欣賞對方優點，唔好放大缺點。
5個讚
好多夫妻結咗婚好耐，係近年先發覺大家對政治嘅態度南轅北轍， 淨係政治取態方面唔同，其他嘢冇問題，係好老公/婆，好爸/媽。
唔通離婚？
3個讚
講出我心聲，好難搵到perfect Match 既人，就算價值觀一樣，唔代表個人品一定好，都唔代表相處無問題。
巳協議同先生唔講政治，費時傷感情
2個讚
正解。
就算大家都黃，都有分程度。認真得滯，都會嗌交。
5個讚
我當日都係單拖帶小朋友去讀書, 係外國無人無物，搵daycare搵左成年先有位, 之後搵到工，星期一至五都要抱住小朋友搭車番學，再揹住部laptop搭地鐵番工，有時番到屋企攰到頭暈都仲要煮飯俾個小朋友食
辛苦到慘絕人寰，但係我覺得好值得，同埋係會有回報，就算留番係香港，都無可能番去以前咁架啦
我係加拿大住左幾個月，暫時唔覺歧視好嚴重，之前成日推住bb車出街好輪盡，好間唔中會有‘吱’我既人，都係華人大媽同大叔，其他人見我帶住bb都好friendly
我番左一個月工，公司有大半都唔係local，白人上司都好nice，當然我只係初嚟報到，可能底個浸未睇到
今朝番工途中有個唔識既女仔走埋嚟話 I like your outfit，勁開心，我之前係香港番工時仲成日俾阿姐笑我著衫寒酸
樓主除咗可以睇多啲資料之外，有冇同自己屋企人或者朋友傾下？如果唔係日日video call阿爸阿媽，我可能都捱唔住，家人嘅支持真係好緊要
16個讚
都幾認同以心情決定好/衰運
不過移民=衰運有啲唔太合理，冇理由一概而論
睇過三位師傅都話我老公條命去外地發展（離開出生地）會更加好wor ，有個仲叫佢即刻申請添 
三個師傅都話佢而家行緊廿年打工運，本身一直都想移民。
1個讚
喺香港辛苦+壓力大係一世（樓價、職場文化、人口密度、小朋友學習、政治），對比移民辛苦勞碌嗰區區一段時間已經蚊同牛比。
而且你話某師傅話睇心情好壞=行咩運，咁如果移左民/想移民嘅心情比唔移民好嘅話又點計呢？
所以唔認為移民一定=行衰運
人始終要有分析能力，再勁嘅師傅也不過是人，都有機會出錯。
5個讚
呢句好啱
就算唔係怕老公失業或者偷食
呢個世界真係唔知下1秒會發生咩事
你老公喺大陸落嚟，唔係咁樣先會更想移民咩？大陸人永遠嘅心願都係去英美澳加
我會因為政見離婚，絕對會，政見講到黃藍點止係原則人格問題？係良心問題，同支持殺人犯無異
對方藍，有朝一日一定推自己去死而自保
你話內地，北韓新聞封鎖都算，香港資訊透明，見到一個二個細路比人推落街，721，大把新聞報導，佢可以話唔係作惡嘅政權錯，係啲人收錢搞事或者係fake news，直情係天生智障x後天人渣啦，瞓喺我隔離，我會恨不得對方死
拿我冇叫大家離婚，我只係講我自己
8個讚
咁又未必既，擔心去到搵唔到工
有都要調轉係對方立場諗，唔好只用自己既諗法，咁有時候調轉諗都有佢既顧慮
2個讚
啱嘅
始終去到外國如果父母唔開心
小朋友都一定感覺到
你真係好勇!! 真心佩服你! 完全係堅強媽媽!
當地可以同埋小朋友一齊返學? 見你話搵咗成年daycare.
暫時未同朋友講，家人就有透露少少，佢地覺得一個女人帶住咁細嘅小朋友去第2個國家讀書生活，又冇人冇物，唔好。仲話就算去都應該同老公去，一家人要齊齊整整。(我冇同佢地講同老公嘅關係差咗，淨係話老公想留香港搵多啲錢) 同埋覺得難得買到層樓，就乖乖供完喺香港生活算啦。買完冇耐幾年又賣，貪過癮
(家人偏向不問世事)
移民，人人都想移，現實係唔係人人都有條件移。
移民放棄苦心經營嘅一切，從頭開始。
基本條件：
- 開放態度，唔好太敏感於歧視
- 語文能力
- 搵工/謀生技能
- 積蓄
- 最壞打算嘅準備
樓主不妨代入先生嘅角度唸唸，都有唔少考慮因素：
- 太太現在ftm，去到新地方可否好快投入職場？（語文、技能、人際等）
- 佢自己專業牌照transferrable issue
- 佢自己語文
- 積蓄（尤其呢三年內走，既要供樓，去到新地方支出，仲可能有長老）
- 湊仔（當太太番工，邊個湊？您提及佢麻麻地湊仔）
俾我，可能趁呢三年努力裝備自己，改善夫妻關係。
到時自己有能力，頭家如果都冇曙光，起碼自己有能力帶埋小朋友走，而生存到。
3個讚
唔係。佢好驚歧視又驚搵唔到食。我話其實外國冇香港咁易搵錢係事實，但喺外國就算拎最低工資都有生活質素過香港啦。