記得之前自己係美國旅行時識左個海岸防衛隊，又係佢屋企住左一兩個星期，個一刻覺得自己好鐘意佢要留低，仲係咁問佢要唔要同我結婚。後尾我繼續去下個城市，但成個心都心心念念掛住佢，結果過左一個星期左右我又飛番去搵佢。
不過其實佢係我地相識時就話我聽佢本身同另一個女仔曖昧緊，雖然佢地係兩個唔同既城市，但仲有keep 住一齊打機。我個時真係盲左完全唔理係都要搬去佢到住…
到後來就覺得佢只係要我既肉體，佢要就得，我要就唔得；佢番工壓力大，番到屋企就只會打機完全唔理我。個一下我好驚惶失措，好似自己做錯野但又唔知可以做D咩，唔知要繼續留係到定去下一個城市。
到後來佢收到上司電話，有兩個大粒高層會去佢個城市，要徵用佢間屋，佢立即趕我走去住Hostel。結果我係Hostel 到住左一兩日又飛走去下個城市，然後就再無見過佢了。
宜家諗番轉頭，真係覺得自己好傻，因為喜歡佢，又去買佢用既番梘、學佢鐘意既直立板、飲佢鐘意既Kombucha ，但明明我地只係個一晚傾得好投契，根本係Holiday Romance，就算咩都無發生都覺得好似命中注定咁，但大家價值觀、生活習慣真係好大差別，就算我當時係美國有份工都唔會走到落去。
個時我係第二個城市時佢係咁問我會唔會再飛番去見佢，宜家諗番轉頭，點解佢永遠用最小功夫去同我相處，我就下下搭幾個鐘頭飛機咁去搵番佢。大家既付出根本唔平等。
佢係我臨離開佢個城市時俾左件番工既T shirt 我，因為我覺得好有型，而且真心用料靚、著上身舒服。番到香港我唔捨得著；但過多一牌，我連拎番佢出黎都費事，覺得自己曾經咁付出好魚——係一個token of shame lol
