其實男既都算好？照直講冇可能，係個女自己傻要「等」男！
好心個女執下，潮啲咁或者有轉機，起碼唔使死守
老實佢冇理由唔知架？
應該見過下男既ex架啦，相信係啲比較女人味既女性！
明知唔係自己（自己點都學唔到）點解咁傻
只可以怪自己
一個女仔同左一個大自己13年既同事一齊，拍左3年開始聽到其他同事都話男既係有老婆，但個女仔唔信，同自己講無證據而就算係真既都唔捨得。
男既間唔時都要去第度開會，開頭女仔覺得無問題，後來女仔職位高左睇多左公司內部通訊，男話要去開會其實根本無依個會。女仔呃自己唔好問唔好理，男既開會返黎又係表現得好愛佢好緊張佢，再拖拉多2年，男既對女仔突然冷淡，女仔努力想撻返著個愛火，無效。
大家繼續O係公司間唔中撞見，女仔用酒精忘記個男既，每晚放工都會應同事邀約去酒吧，用酒精麻醉自己，唔出去飲就O係屋企飲，飲到訓得著教。
過左半年左右，女仔開始拍拖，佢心入面知道D男仔只係純粹係肉慾同唔想寂寞，又再過左半年，男既開始搵返個女仔，女仔同自己講唔好心軟，一次兩次三次，到有一次佢地去酒吧飲野，果晚佢地再一齊返。
今次女仔覺得男既唔同左，比之前一齊更體貼，比之前一齊既行為更加俾外人確定佢既身份。女仔諗，可能男既O係依一年處理左需要處理既事，女仔諗，今次佢係佢既唯一。
過左2年，男既準備申請調職去東岸，佢一直都無同女仔講，直到調職前一個月，男既放一個月假，女仔去佢屋企發現搬屋工人搬緊野走，工人講俾女仔知東岸個地址，星期六女仔跟個地址搵個男既，結果係佢太太開門。
女仔話係男既同事，見佢調左職又過開黎玩就黎探下佢，太太請女仔入去坐，傾計時發現屋入面有D裝飾係男既同佢一齊去街時買，一直都無擺出黎，原來係買俾佢老婆。
女仔無喊，淨係覺得個心好痛，無等到男既返到屋企就走左，應該係佢唔想再面對依個男人。
女仔覺得自己好傻好低能，任何人呃自己都無自己呃自己咁痛。
女仔返到自己屋企如常工作，今次分手無人關心，地下情既好處就係散左都唔洗同人解釋。
有日接到個陌生電話，係佢太太，太太叫女仔唔好留戀個男既，搵個好既都好過繼續為依個男既唔開心。
電話講完，女仔喊左好耐，初時覺得男既係衰人，佢太太都係受害者，之後發現太太其實係示威。
女仔以為以後都唔會再有力去愛人，直到遇到佢老公。
5個讚
我同過我EX講依句，依家淨係想同佢講DLLM
2個讚
呢句真係好治癒 
最後都有個好結局，人生就係咁，要係啱嘅時間遇到啱嘅人
1個讚
可能大家都習慣比人追，無人肯行多一步
又或者，就只係霧水情緣
大家都無上心
1個讚
18歲一條友係法國阿爾卑斯山學滑雪15日
第一日遲到調左去第二班
係slope度見到同班個靚仔法國仔對我回眸一笑，個笑好charm，到依家都記得
最後一日先開始傾計，佢住Strasbourg & colmar (哈爾移動城堡靈感來源）
有隊友問如果我未返巴黎住不如跟佢去玩下
我話noooooo (果陣有隊友車我地幾個返巴黎，因為雪山返上去都幾煩下，唔想耽誤車程）
但對佢念念不忘，原來大家都對大家有意思
返左香港先正式開始long distance拍拖
有時佢飛黎香港，我又飛去同佢屋企人住下
嗰陣連佢啲遠房親戚都見埋 相處融洽
佢親戚又飛去香港見我家人
我諗全世界都以為我哋會結婚
但果陣太年輕，work唔到段關係
咁啱一大學畢業就有公司請咗
最後係不歡而散分手 都幾傷下
社運期間佢有關心我同家人安唔安全
佢順便道歉，話當時唔成熟令到大家錯失左
佢覺得當時有一線之差係可以令到感情開花結果
我話未必，everything happens for a reason
And it happens for the good
我係一直都想早結婚早生BB既人
佢同我差唔多年紀，我做嘢時佢仲讀書讀到2046
(依個moment仲讀緊）
都感激當時work out唔到 + 遇到下一個極品先遇到依家老公
要經歷過先真正了解自己需要乜
最後我都係早結婚早生女 生左兩件
待續
13個讚
續：
同法國同胞分手後遇到個強迫症燥狂症極品
不過依家唔係講佢
有一位係我住法國時friend介紹左個當地法國人朋友照應我 （但一直冇見面）
其實佢一直表現出好似好鍾意我
但又冇進一步
年輕既我好衰咁當左佢係兵
分手
喊苦喊忽、悶先搵佢
當時我冇主動出擊一黎真係見過鬼怕左黑
唔想再晒青春玩long distance
二黎因為佢金牛座黎講都幾煩
好地地一個法蘭西人同我講蝗語、打简体字
深夜傾電話同我講論語
問我人生有咩目標
喂真心頂唔緊呀！！（不如你一槍打死我.jpg）
最好笑係都成十年喇
我地都係一次都冇見過
我估真係有緣無份，當我去佢city附近佢又travel左
佢想黎香港搵我我果期又飛左法國
今年佢message我話一直有follow我「life evolutions」、congrats下我、佢本人仲未結婚、覺得一直冇見過面好可惜，「I often wonder how it would have been」
我就覺得如果當時仲係18 22 都會玩下
都適婚年齡又想生兒育女就唔好浪費時間啦
5個讚
睇到好心痛，我個朋友都係咁，仲未醒
眨吓眼就七年，無試過查清楚個男人背景，無上過佢屋企，無見過佢屋人，試過迫婚失敗，到依家佢變到覺得唔結婚都無所謂，好驚到揭穿嘅時候我明朋友會好傷心…
好多年前上網識過個女仔，做佢老闆第三者已經五年，佢老闆有老婆仔女，佢覺得如果佢老闆為咗佢而離婚係好無情無義，唔會再同佢一齊，佢覺得個男人係全心全意愛佢就夠
真係傻痴痴⋯
我自己呢，曾經有兩年無朋友嘅生活，每日lunch要報到同邊個去食，夜晚多數上佢屋企食飯，星期六就陪佢去街，星期日就同佢屋企人飲茶+家庭活動，曾經以為將來結婚都會係咁將就吓啦，之後被好耐無見嘅朋友鬧醍，先覺得咁樣落去唔掂，佢唔係愛我只係想控制我，分手後佢仲要好憎我咁打來鬧我
1個讚
個太太成世都會有呢條刺，佢打比你正正係佢不安的表現，站在佢正印的角度，你當日踏上佢屋企也是一種示威，最無恥都係個男人，兩邊大話連篇，有老婆仔女，出面仲要欺騙感情，浪費別人青春，分手也打算無聲失蹤！
好彩jm 你最後都抽到身，有段幸福婚姻！
證明愛係冇得施捨, 憐憫, 亦冇得勉強
1個讚
佢佔有欲好強, 其實心裹喺對自己冇自信
悲劇悲劇
我都冇人追
中學同學, 純純的愛, 移民之後分開咗。
知佢有搵過我, 但係冇再聯絡佢, 往事如煙, 留個美好回憶算了, 無謂見面時大家都有關節痛。