分享下？
我試過兩個人一齊唔得點都唔放手，拖拖拉拉，好痛苦，最後好核突咁分手收場
當然再冇同嗰個人聯絡
會唔會詳細分享吓？
2個讚
年輕時，我估人人都有故事。
我同身邊嘅朋友都幾搞嘢。
發生朋友身上，中學時男型女索，個個都覺得天生一對，但男嘅唔讀書玩樂型，女嘅文才武略樣樣得，升中四果年鬧分手，根據女方講法係男嘅有機會要轉校，想個女一齊走，女仔響學校勁開當然冇理佢，後來好似同另一讀書男一齊，跟住男嘅睇唔開自尋短見。
下!
男的咁心靈脆弱
即係不停嘈交，各自有其他人，又唔肯正式分手，擾擾攘攘成年先分到
1個讚
細路仔，拍拖好似係佢全世界咁囉。
呢件事傳到去訓導果度，好多同學都比老師請去問話同睇下要唔要心理輔導。
所以你依家都重記得
朋友有外遇，仲話係真愛，偷偷摸摸恩愛咗超過5年，呢2年話感情淡咗，拖拖拉拉分手，喊苦喊忽又話要復合，到而家都仲糾纏緊，聽到都覺得累
真係真愛就離婚同真愛一齊啦
2個讚
呢啲真係好痛苦。
我自己就遇到分咗手都不停咁搵藉口見你，又不停送花，送禮物去公司嘅男人
當時一見到D花同禮物就好厭惡。
但嗰個男仔個樣我肯定而家面對面都唔會認得
有冇走到？最緊要冇事，留返條命以後乜愛情都有啦
我最癲嗰個搞到最後要報警🤦（想當年仲係會保護市民嘅）
分咗手仲不停响我住同工作嘅地方跟蹤我,有次放工行出公司門口就見到佢,嚇到我即刻上的士,點知佢欄住㗎的士唔比開,最終的士司機提議我報警,當下應該係唯一安全嘅方法
最後佢好似被落禁制令唔可以响我屋企同工作地方出現,好彩之後冇再見過佢
幾年後聽返我哋common friend講,佢話我親手報警拉佢令佢對我完全失望
所以之後都冇再搵我
事後諗番,好彩我真係有報警先令到佢完全死心
9個讚
哇，佢攔住的士，唔報警點得呀～
1個讚
試過做part time 嗰時識左個男仔，一齊左之後成日有人打電話黎唔出聲，有一次我忍唔住話你打黎做咩，玩夠電話喇，佢先話佢係個男仔嘅女朋友，仲要大左肚，我即刻同個男仔分手，仲要好內疚，一二個月之後見到佢地結左婚
1個讚
14歲初戀，個男仔問我會唔會同佢結婚，我心諗你係咪痴線架
(唔係我唔認真，只係我覺得咁長遠嘅野唔會果刻就諗)，但呢個男仔係一個好虔誠嘅基督徒，我當時未信，佢成日push我令我好反感，覺得佢如果咁堅持但明知我唔係都仲同我一齊，好似玩我咁，最後得四個月貨仔
16歲時第二次拍拖，個男仔本身係想追我個fd，就成日問我有咩計，點知我fd無啦啦落閘(可能因為佢地家底同成績都差太遠，我個fd自卑)，個男仔勁hurt，我就諗住繼續幫佢，點知身邊啲人個個以為我對個男仔有意思
，係我撬我fd牆腳，跟住杯葛我同個男仔，最後我地兩個互相扶持，捱過會考，然後驀然回首大家先發現原來對方咁重要，就一齊左
但呢個男仔好痴身，加埋勁媽寶，阿媽話讀書時期拍拖影響成績，佢就一路要玩地下情(which is佢阿媽一早已經知)，拍左兩年幾我地兩個大學都入埋，唔會影響成績啦掛，都係唔肯公開，我覺得完全無尊重過我，加上入到大學見識多左，發現大家步伐唔同
1個讚
當其時我真係驚到乜都諗唔到,好彩的士司機食過吓夜粥
3個讚
唔使內疚，係個男仔呃你之嘛
而家大個就知係個男仔衰，都好彩嗰時都識即刻分手，唔係真係傷害到嗰個女仔
1個讚