的士司機每日見咁多人，一定識應付呀
你班嘢丫，唔引下你哋都唔知你哋以前咁勁 
2個讚
輕生係最愚蠢既行為
1個讚
係悲劇收場…
年輕時，只要個男嘅鍾意，男嘅開心就得，完全忽略自己，唔愛自己，自我價值好低，最後個男因為香港事業無發展而去外國闖，自己都仲係接受唔到，傻到同個天講，願意將我一生嘅幸運送俾佢…… 
3個讚
好彩佢係絕望而唔係恨到要報復
大學時我同佢開始拍拖
大家畢業後 佢搵到份工 需要去外國受訓一年
受訓幾個月後 佢突然消失左一日 佢解釋話同朋友去左街但漏左帶電話
無耐就經MSN messenger 彈個message 俾我話分手 我用任何途徑搵佢都搵唔到
Common friend度聽返黎 佢喺外國識左第二個
幾個月後 當我冷靜下來後
有日喺公司收到佢send來的99支玫瑰求復合
我回應佢 如果對大家有信心 我會等到佢受訓完畢回港再重新開始
無耐後 又從common friends度得知 佢即將做爸爸了 當然等唔到佢回港啦
之後 佢同人奉子成婚左 幾年後佢地都離婚了
2個讚
好多年前遇到一個覺得好叻好有風度好好傾嘅男人，加埋算命佬講嘅野，令我以為佢就係真命天子
，點知後來發現佢已婚有仔女，當時好崩潰，覺得好罪疚好對唔住佢嘅老婆仔女，之後都念念不忘咗好耐先放得低佢。
當時入世未深，好易俾人呃，明明好多疑點自己都看唔到。
1個讚
個女仔都幾慘，不過婚前性行為真係要好好保護自己⋯⋯
我真係執返身彩
1個讚
以前有個ex成日都話結咗婚都一定要黐住屋企，有工人又唔使煩交租供樓幾好，又可以日日見到媽媽
當年細個我冇為意呢樣野有問題，幾個月後分咗手做返朋友
依家每次出嚟佢都呻老婆同自己阿媽成日都唔妥
我就好慶幸我係佢friend唔係老婆
唔使有三個小朋友都仲要同老爺奶奶住
5個讚
講慘 只有佢地下一代慘
父母只係承擔番佢哋做嘅事 而佢地下一代無辜辜有一對離異父母
1個讚
呢個簡直慘過唔結婚
你真的戀愛大過天，對方唔識珍惜你係佢既損失
係，我當時真係好傻，佢仲曾經講過，相信以後都唔會遇到好似我咁愛佢既女人。
咁又點？最後都佢係放棄我。
果陣都唔知算唔算拍拖。首先無乜人知，因為佢覺得我影衰佢wor, 仲比佢d fd改埋花名添, 果陣又無乜自信，又覺得自己無乜優點，攪到佢唔敢帶我見佢d fd
好彩果陣好快好快分手，大家都唔搵大家，我又無乜特別唔開心，人大左，見識多左，先發覺係對方唔識欣賞自己姐。我諗如果係條街到，我覺得佢認唔到我囉
（N咁多年前，唔太記得細節了
）
年青就係會愛錯人做傻事，我認為有呢啲經歷都冇乜壞，最緊要而家幸福
有段霧水情緣，稱不上係愛情，幾得意我覺得可以分享下
學生時期，有個男仔我同佢無一齊過，已經事隔1X年點解仲會提起佢呢？
1。佢同我老公同年同月同日出世，每年同老公慶祝生日，人地恭喜佢嘅message都會彈埋出黎
2。我媽咪見到佢老婆時話：嘩，同你咁似樣嘅
佢小朋友每次見到我都有一股疑惑的眼神
佢老婆對我充滿敵意
3。我小朋友同佢小朋友係同一間幼稚園由PN開始讀書，大家同級，但去到畢業應該都未試過一班
我覺得我同佢之間完美地演繹咗「有緣無份」
追加dd先
4。我同佢and我老公都係同班同學，係不同時期嘅同學
5。如無意外，大家嘅小朋友應該讀同一間小學+中學 如果唔移民轉校，有12年機會，最終唔知會唔會同一班呢
5個讚
咁當年係咪雙方都有啲意思？
錫過之後兩個都無出聲
大家都係心高氣傲，比人追慣