呢樣ok既
1個讚
如果從佛教角度出發
食白飯魚真係唔係咁好，因為每一條命都係一個眾生，冇分大小，一次過食幾十條，同一次過食幾十隻牛冇分別
不過就算食牛肉，一年都唔會淨係食死果一隻牛，所以每食一次牛肉，都當佢係一個眾生咁樣合理啲
1個讚
我當年第一樣戒的肉都係牛。原因係有次去旅行，突然覺得食完牛好唔舒服，想嘔，就戒左。
如果你本身鍾意食，好難迫自己戒。
呢 d 嘢真係要隨緣
2個讚
令我諗起地藏經：
光目答言，我母所習，唯好食噉魚鱉之屬。所食魚鱉，多食其子，或炒或煮，恣情食噉，計其命數，千萬復倍。尊者慈湣，如何哀救？
我唔係特別鍾意食，係貪佢同時鐵質高啫。
如果鍾意食 or 需要食，好難戒。
係呀…或者搵第二啲代替。
係呀，睇地藏經學到好多嘢
仲有魚籽、蟹籽，都係少食為妙
1個讚
豆要浸幾鐘，豆衣有輕微毒素，有利食咗種子的動物肚屙屙返粒嘢出嚟播種，所以我哋食咗豆成日話胃氣脹/胃痛，果隻毒素係水溶性，浸就甩，洗一洗再煲就可以了。
另外奇亞籽，黎麥有超高蛋白質，比肉類更容易被人體吸收。一般素食者比較容易缺vitamin B complex 和鐵質，只要每天食返多種顏色的植物蔬果種子，也可以食得夠營養。
1個讚
係，我就係睇完唔敢食。
謝謝，長知識了。
奇亞籽我都有聽過，不過唔記得咗，原來藜麥都高蛋白質。食多種顏色的植物蔬果種子，呢樣對我嚟講比較難啲，我會選擇食supplement.
我意思係，每日食多啲唔同顏色嘅蔬菜/生果/植物/種子
最緊要係新鮮，whole food
果啲假嘅植物肉，加工太多，不建議常食代替植物類的食物
就係咁先難，每日喎… 
我都係prefer whole food，亦盡可能揀。
我係好鍾意食牛架
但係之前備孕咗好多年都冇小朋友，所以發咗個願，如果有小朋友嘅話，就以後都唔再食牛
過咗幾個月就有咗，一知道自己有咗果日就唔再食牛肉
到而家冇食牛兩年，見到人哋食都仲係覺得好正
但係自己就一定唔會食
其實真係難戒，佛教話呢啲叫習氣重
1個讚
我朋友食素多年，最近醫生檢查話部份指標唔合格，身體差，supplement 都唔夠用，一定要食肉。佢話食任何肉都想嘔，但健康問題唔可以唔食。
我自己係想清腸胃健康啲食多啲素（唔想戒肉，只係想多啲日子食清淡健康啲），但蛋白要靠豆類嗰啲，但食少少都會放好多「毒氣」，好尷尬，所以都唔知點做好。
食蛋都嘔?
樓主成年人一日可以食兩隻蛋，你奶蛋素ok嗎？
如果OK，兩日兩隻蛋，無糖乳酪（greek yogurt），奶，cheese，呢類食夠應該都會夠蛋白質
你身體差食多d nuts（raw almond，Brazilian nuts）都會好有營養
我之前試過食一個星期奶蛋素，其實我覺得好舒服，唔係太會想食肉，但因為平時我要煮飯比家人，長期keep住煮肉但食素我就覺得有d麻煩
因為我食素食得超級有營養，一餐會整好多款食物，長期食素我覺得無問題，只係食素又煮肉，我會頂唔順d味，個感覺差差地
所以暫時黎講我都唔會食素住
所以真係唔係人人適合食素…毒氣如果唔臭唔響唔大問題，因為放咗都無人知。 
食豆類係會好容易消化不良
我學風水個師父佢自己食素N年，都話食素從來唔可能健康，因為真係好難食到健康，會好依賴碳水化學物（好容易有糖尿），出面又多d加工素食
為健康食素，根本無可能
就係好臭嗰下先尷尬，平日晚飯就諗住可以食下豆同洋蔥，結果成晚訓覺成間睡房都係 
依家返工放飯都盡量揀啲「低風險食物」，唔敢隨便食，揀左都可能再揀黎食。