係咁嘅，其實我想食素好耐，但我一直唔知可以點樣補充蛋白質，直到宜家都未開始。
因為我身體一直比較虛弱，有脫髮情況，蛋白質補充對我好重要，個人亦無乜力氣，啲人以為我講嘢音聲細氣好斯文，其實係因為我唔夠氣。
我知豆類好高蛋白質，但我個胃唔太受得咁多豆，要比較長時間消化，變相會胃脹。
豆漿又唔飲得多，因為寒涼，所以好想知食素嘅人係點補充蛋白質，等我可以參考下。
謝謝。
其實好多蔬菜、大豆類、堅果類入面都有蛋白質
仲有啲未來肉，都係模仿肉類嘅營養成分，入面都有protein，但係好多都係大豆做，唔知你個胃能唔能夠接受到
我食奶蛋素，會飲奶食芝士，所以冇蛋白質不足嘅問題
如果你好多嘢都唔食得，身體又比較虛，不如直接補supplement
1個讚
我有 3 次經驗
第一次全素，一有病傷風咳好難好。可能營養唔均勻，身體差。維持左幾個月食返肉
第二次蛋奶素，身體 ok
而家只戒紅肉同雞，會食魚柳蝦蟹，已經一年有多
1個讚
大豆做嘅仿肉都唔敢食太多，咁可以補充咩supplement? 蛋白粉？
我又係怕營養唔均衡，我諗住全素就咩肉都唔食，因為唔想殺生，食肉我多數食牛，因為補充鐵質，諗諗下或者我由減紅肉開始下手。
我已經差唔多廿年冇食牛，但出去打便爐，d人放牛我冇問題。
可能可以試下一開始逐樣肉戒
呢 d好難迫，越迫越戒唔到，隨緣
1個讚
我覺得就算你有心都唔好一下子戒絕，慢慢減少觀察住身體黎調整
1個讚
向iherb搜尋植物蛋白質，都幾多選擇，有粉，有膠囊
1個讚
如果你身體對果類食品，唔太接受到，又冇必要一定要素嘅話，勸你都係唔好食住，先運動加強身體機能先，待身體機能強化咗之後，你先再考慮食素啦 !
1個讚
多個原因導致，找出問題
1個讚
我試過有一年食素，都係食碟邊菜，對我嚟講無問題。
屋企少食魚，我自己又唔識，其餘海鮮中醫話濕唔好食，變相只淨禽牛豬，咁我慢慢逐樣嚟，再睇下點調節。
謝謝，我搵下。
多謝，都係喎，做運動加強返身體機能先，再睇情況。
其實問題我知，而其中一樣我蛋白質吸收有關。
我唔係食素嘅，但你講緊身體虛弱及脫髪情況，
可以考慮吓 ( 北芪黨參南棗煲湯)，補氣補血，
一般嘅會加瘦肉，因為你係食素，可以用 合桃 或者 腰果 替代。
(芝麻糊) 對 頭髮有益。
我個風水師傅係食素N N N年㗎啦，佢仲要係佛教徒，佢對大家食肉有一樣comment我覺得都幾得意：
其實食牛無乜問題，因為牛好大隻，一年都未必食到一隻
最唔抵係食白飯魚，一次過幾十條命
樓主我覺得你反而可以戒曬所有其他肉，只係食牛，畢竟牛營養好好、蛋白質同鐵質都優質
唔知點解好多人戒肉一開始覺得要戒牛先，覺得會好d，其實事實上未必係咁㗎
3個讚
哈！你個風水師傅又幾有道理喎。
你完全講中晒，就係因為牛鐡質豐富，所以我好多時選蛋白質類都係以佢首選。
牛…可能因為牛有靈性，而好多信觀音既人亦係戒牛，所以好多人都傾向戒牛先。
點解我成日按回覆某個會員，都顯示唔到出嚟架…
呢樣嘢有人問過師傅，師傅話唔需要考量呢樣嘢
佢係一個佛教徒，唔鼓勵人食肉，但又唔會係咪都叫人去食素
佢覺得食牛無問題，相信一定有道理
以殺身角度去諗，食牛的確係好過食其他肉類+海鮮
所以我覺得你可以戒曬其他肉類，淨食牛，一年犧牲一條牛命
畢竟如果你為咗唔想殺生去食素，犧牲自己條命，其實本未倒置咗。
照顧好自己健康，先能夠去關愛其他眾生
認同！
不過，我食既牛肉，唔會係來自同一條牛喎。 