今日學校老師打電話黎，話我小朋友係課堂時坐唔定成日郁嚟郁去，專注力比較弱，除咗班主任，仲有其他老師有同感，建議我哋可以去健康院或者搵機構做評估⋯⋯有冇同路人傾下。
我又反而覺得老師對得多小朋友，經驗多，而且而家好多學校/老師都有呢方面training
如果佢地有呢個建議就真係不如去做吓評估
如有真係有的話，早發現同埋有專家人士跟進係好事
2個讚
K1 仲細，6 歲都冇，大部份都係 K3、P1 先會診斷到。
照做下評估，係嘅話就可以多做治療，唔係嘅話咪當老師太敏感。
（利申：以前讀書啲老師，個小朋友唔似石頭咁坐定定加上成績唔夠靚，就會話佢哋係 ADHD、自閉之類。如果間學校係嚴格守規嗰隻，咁佢哋真係會少少都覺得係問題）
其實我覺得老師覺得有啲唔妥，去做下評估當做參考，睇下點幫個小朋友，我囡個同學3歲去做左評估，之後好早開始訓練，真係進步得好快
2個讚
我都會相信老師建議，同埋老師都係講少少…唔係嚴重。
快啲安排做評估，無事當然好，如果係有既可以及早開始治療，因為排治療都要排好耐。
可以上網搵協康會睇下佢資料。
4個讚
我地自己對住小朋友，一對一唔覺
但老師一個對一班，有邊個特別唔同一睇就知
1個讚
同意呀… 去check 吓都無防… 之前有個同事小朋友讀初小時, 老師已經叫媽媽帶佢去check吓係咪有活躍症, 點知個阿媽無理, 之後個女情況越嚟越差… 今年升中, 唔知派咗去邊間大西北… 唉…
去健康院排左先，因為你預排一年半載才見到醫生。見完都仲要排智能中心評估，搞搞下都k3,然後同你講過左六歲無學前服務，等小學見教育心理學家
我都希望係老師太敏感
應該會去健康院排期
我小朋友嘅問題係成日郁嚟郁去或者跑黎跑，唔知係唔係呢排活動教學多所以咁…
你小朋友係邊種問題做評估？去邊評估？
打算叫學校填左表再排健康院，已經同小朋友溝通咗，叫佢唔好上堂時郁黎郁去，希望佢自制到。
我自己真係唔覺，只覺得佢太好動，鍾意係屋企跳下跳下咁…
咁可憐
希望唔駛等太耐
始終老師對得小朋友多
樓主可以試下帶小朋友去評估
老師有冇講咩具體例子睇到小朋友專注力不理想或過於好動？
1個讚
我見有過度活躍嘅小朋友特徵：
- 偏瘦，無論食幾多都難肥
- 就算鬧佢坐定，佢隻腳都會唔知點擺好，會棟上去屈住成個「N」字咁樣坐
- 隻手會唔知做乜好，要捏住啲野揸住啲野甚至個嘴含住啲野
同其他比較活躍但正常嘅小朋友分別：
- 其他小朋友跑完一圈放電出一身汗會攰，集中唔到，但對過度活躍 or borderline 小朋友，反而運動完之後係集中好多。
- 細個開始已經好少午睡甚至唔需要，幼稚園如果返全日的話，午睡時間會明顯有困難。
- 就算係沈迷睇電視、打機，佢手腳都會不由自主咁移動，會發生上面 2 同 3 嘅徵狀。反而其他小朋友沈迷睇電視，係會坐得定。
- 企好耐都唔會覺得辛苦
- 叫佢集中坐定，反而佢會攰，唔夠半個鐘就會散。
呢啲只係我個人見過 6-7 位有 ADHD 嘅小朋友共同點，有啲要食藥有啲 borderline 唔洗食。當然唔同小朋友有唔同症狀，但上面嗰啲係我自己發現到然後再問係咪有 ADHD，個爸爸媽媽先講佢哋係。
4個讚
係呀，會去健康院先