老師只係話佢係課室走黎走去，唔集中上堂，個人郁下郁下比其他小朋友多，因為仲有其他老師都覺得佢郁得比較多，所以建議我哋去評估。另外，老師會問佢食乜早餐，如果佢朝早食比較甜嘅野，例如朱古力包，佢上堂都會特別興奮。
-
偏瘦，無論食幾多都難肥
佢係瘦，但因為有心漏，所以生長線都係偏瘦。 -
就算鬧佢坐定，佢隻腳都會唔知點擺好，會棟上去屈住成個「N」字咁樣坐
係屋企會M字腳咁長 -
隻手會唔知做乜好，要捏住啲野揸住啲野甚至個嘴含住啲野
佢有時都會咁
同其他比較活躍但正常嘅小朋友分別：
- 其他小朋友跑完一圈放電出一身汗會攰，集中唔到，但對過度活躍 or borderline 小朋友，反而運動完之後係集中好多。
呢個冇留意
- 細個開始已經好少午睡甚至唔需要，幼稚園如果返全日的話，午睡時間會明顯有困難。
返半日要午睡
- 就算係沈迷睇電視、打機，佢手腳都會不由自主咁移動，會發生上面 2 同 3 嘅徵狀。反而其他小朋友沈迷睇電視，係會坐得定。
會坐定
- 企好耐都唔會覺得辛苦
成日扭抱
- 叫佢集中坐定，反而佢會攰，唔夠半個鐘就會散。
未試過
呢啲只係我個人見過 6-7 位有 ADHD 嘅小朋友共同點，有啲要食藥有啲 borderline 唔洗食。當然唔同小朋友有唔同症狀，但上面嗰啲係我自己發現到然後再問係咪有 ADHD，個爸爸媽媽先講佢哋係。
謝謝你嘅分享
咁應該係比較輕微，borderline 嗰隻。
可以照去做評估，borderline case 醫生姑娘都會有介紹去行為治療之類，總好過無從入手，可以幫助小朋友控制情緒同行為。遲下 K2、K3 要讀書寫字你可能就更容易發現是否有 ADHD。
希望行為治療可以幫到佢，佢會搶答問題或者中途打擾人講，仲有難以細心聆聽別人的說話。
我都算係同路人，不過行早你十幾年。
當時我個仔仲係K1， 考到入名牌幼稚園，但第一個星期老師已經話佢係過度活躍症，又要罰企，我一個月之後幫佢轉校，好彩佢遇到肯接受佢坐唔定嘅老師，十幾年多都睇左唔少心理醫生去解決呢個問題。
依家佢已經準備 DSE, 考大學，只選心理學，真係好神奇。
其實而家嘅老師唔會隨便講呢啲敏感字眼出口
早啲check早啲對正下藥好啲
要排隊做治療係講緊以年計
唔係你想做就做
所以加油
積極面對
愈早愈對你小朋友好
咁你小朋友都好叻呀，我明白要接受小朋友嘅不完美，只想佢活得健康快樂。
老師打電話俾我都唔敢開口講ADHD，係我自己feel到講出口佢先認同，我知佢都係想幫我小朋友。
係呀等好耐架，所以有懷疑排左先
如果見完發現無事更好
有識人之前覺得個仔難教以為過動去排
最後醫生話係管教問題小朋友無事
我自己小朋友就高功能自閉症k1暑假排，現在k3畢業才安排見醫生。我中間等唔切自己私家做左評估趕得切學前服務
咁你覺得自己係邊方面嘅自閉？活躍症定專注力不足？
高功能自閉即係點？資優？
無大小肌肉或語言發展遲緩的自閉譜系，與資優無關
但有社交情緒缺陷
即係識唔到朋友？
他輕微 唔係識唔到朋友，但未訓練前唔識妥協，次次玩完發脾氣收場，慢慢唔願去公園寧願在家吽同同大人玩
自閉人士患有 ADHD 嘅機率都高啲。但自閉有好多種，而且症狀會有相似之處。比較明顯嘅分別係自閉對排序/規律嘅執著性更高，ADHD 比較少有呢種問題。
我係小朋友K2 個陣，去幼稚園家長觀課，就發現自己小朋友比其他小朋友坐唔定，唔太專心，之後發覺佢係屋企做簡單功課都專注唔到，去到K3 就同班主任講，班主任都有咁既觀察，如是打算安排見教育心理學家（EP)，點知就爆疫情停課。咁岩我又WFH，如是我就決定train下佢專注力，同佢摺紙、砌puzzle Lego等，玩board game，結果復課後，老師都讚佢定左好多。
但升上小一，都係比其他小朋友坐唔定，試過上堂除鞋或偷食野
，又係被識別懷疑係ADHD，班主任幫我問過EP意見，EP就建議要定時日日放電，於是就日日去公園玩成個半鐘，又學游水同打籃球。今次暑假前見家長，老師都讚佢定左好多，成績都keep到係中間，但好明顯體育就好突出。
我問個EP同SEN老師意見，其實ADHD 應該係小二先得做test，因為早係分唔到佢係未識太指令，定真係過度活躍。我打算呢個暑假出去搵私人做評估。我好好彩，我覺得自己小朋友應該唔係嚴重，不過真係要諗方法train下，小朋友實會有進步。早啲發現，就可以早啲諗方法。
個小朋友去協康會，詳細做咩就唔知，因為係我囡個同學
我仔k2尾由健康院轉介去政府智力中心做評估，醫生評估佢疑似adhd加讀寫，再轉介去聯合兒童精神科，排左幾年到升小三前先被政府確診adhd，病徵唔算嚴重，但醫生都建議食藥，其實佢上堂可以坐定，但成日遊雲，當緊張時（尤其面對功課）又會坐立不安…
其實而家adhd/sen好common，唔好太擔心，坊間支援已經俾以前多，早啲正視搵treatment仲好
咁好彩你發現得早可以幫到小朋友
多謝你嘅分享。越早發現越可以幫到小朋友，我都要帶小朋友出多D街放下電，同train下佢專注力先。