七月一日前的機場，擠滿大批急於前往外國渴望呼吸二等公民清新空氣的香港人，最近我也有中學同學離港，餞別宴後，我和中學同學馬仔兩人站在街上談了良久，話題不是同學離開香港後如何生活，而是留下的香港人的前途和命運。
馬仔在金融圈打滾了三十年，經歷公司由康樂廣場移師交易廣場的風光，也見證著近十年由金鐘輾轉撤到九龍灣的折墮。馬仔近年主力做中資國企生意，發覺內地人對香港金融人的態度，出現「noticeable」的變化 ，「幾年前都還算客客氣氣，但最近兩年他們開口埋口都會話：你們香港這一套不怎麼樣……不知道你們香港人怎麼想的……意思係你班香港人廢。」
而隨著越來越多香港人離開而留下的職位將會由內地人，或者有內地背景的人填補，馬仔預視未來香港人會無碇企，香港人最終會成為四等公民，「第一等人是內地直接空降的黨員，你看看幾多大企業的董事局都放一兩個黨員，而這些黨員總與北京有條線連住，從企業的角度，重金禮聘黨員做個獨董好必要㗎，只要你仲想在香港這片中國土地搵食，董事局有人知道北京想法，可保全家呀！」
第二等人是海歸派，他們一方面明白內地的遊戲規則和思維，同時在外國讀書浸過鹹水，識講英文，十分適合在香港的企業做高級管理層。第三等人是「港漂」，他們比海歸派欠了國際視野和經歷，但做事絕對中國風格，符合當今的國情，他們比香港人多了一分拼搏和飢餓感，香港人不敢、不肯做的，他們通通會做。最下一等就是本土香港人，馬仔說，「香港人論能力、視野本身完全冇問題，事實上比起那三等人也不會輸蝕，你知道香港人成為下等人的原因是甚麼？因為大陸人而家唔信你囉！」
看看最近政府用紀律部隊取代政務官，明晒！
from AM730
[筆務政業: 徐懿]
留下來的人
8個讚
其實都冇辦法。
總有人覺得唔移民係黃極有個譜，冇膽，特別有小朋友但又冇走果啲。更加俾人鬧到體無完膚。
但。。可唔可以貼地啲? 移民係好重大嘅決定，唔係working holiday，唔係旅行，係走得就預咗唔返嚟。
仲有啲冇BNO，冇學歷，冇資金，同另一半意見分歧。。當然有啲係想留低同香港共存亡。
就算呢個作者朋友所講嘅真係成真，留低嘅都只能硬食。
11個讚
一樣米養百樣人。移民即係放棄香港，逃兵，當手足condom… 唔移即係唔夠黃，有小朋友都唔移係冷血，冇考牌嘅父母，等俾自己嘅仔女批鬥變小粉紅…
講就容易，移民真係好簡單就做到咩?
其實有啲係冇能力呀…
10個讚
所以大家早d知咪好
唔好天真覺得，有人移民自己會上位
中資愈來愈多，香港嘅核心價值會下降
自己又學唔到大陸人/腥港人果種無底線
6個讚
Hope for the best, prepare for the worst
5個讚
Aim at High
Achieve the Best
Prepare for the Worst
4個讚
對。
我都好想走，但藍老公唔肯。
離婚都唔會俾consent 我帶小朋友走，我都係無可奈何地要留
其實兩公婆都係黃算係另一種"幸福"，最少同聲同氣先。我老公自稱綠色…
佢都係唔會走(佢可以坐加拿大救生艇)。因為要由零重新開始，怕受人歧視等等。然後犧牲我同小朋友…(但係佢眼中唔係犧牲，係為我地好
)
利申: 冇學歷冇資金冇BNO…(另類三無人士)。就算離婚，我都冇辦法單拖帶小朋友走。
每個家庭情況唔同, 留和移民都要好大勇氣, 大家互相支持。
9個讚
人人情況唔同
做決定都要考慮埋家庭
唔應該用自己把呎放落人哋度
6個讚
如果身邊有Nancy朋友, 仲要有小朋友嘅
我一定會力勸佢哋唔好移民
2個讚
Nancy d仔女先走得快… Sad.
然後自己繼續係香港搵錢搵到最後一刻家庭團聚…
3個讚
