講緊唔係因為無錢而慳，純粹係唔想洗咁多錢而偏向慳家。
我自己覺得叫個外賣都要40幾蚊，之後寧願就會返屋企煮，咁樣算唔算太慳呢？
9個讚
應該講 worth for money, 啲錢用得值。
外賣 vs 自己煮，睇自己有無時間，和 time cost, 慢活人生當然係自己煮.
11個讚
自己煮其實都唔係話平架，而家買野都貴，不過係健康，少油鹽糖零味精，同埋自己控制食材同份量。有時出去買野食都真心覺得貴
我都唔知自己係咪慳，唔介意接收屋企人既二手衫，佢地唔啱著又新淨就會比我。不過我有時鐘意買零食，浪費錢又肥…
我以前比而家仲大洗，月光族，開始覺得驚無錢退休，老左無人養又無錢，同埋要學斷捨離後就開始學慳錢。最緊要係有目標地慳，同埋慳自己而唔係慳人地，唔係做守財奴
PS: 而家依然會亂洗下錢，但會儲起一部分先，淨返既先係用黎揮霍，平衡下心理
6個讚
前幾日發現一個街坊伯伯
馬騮架做運動，去公園沖涼，跟住斟埋一大袋水先返
躺平典範
PS我等緊斟水，佢同我開心些牙
7個讚
呢D似金牛座會做嘅嘢
1個讚
如果一家幾口，成日食外食的確係條數好大，如果2個人出去食同自己煮價錢唔差好遠。
我成日都夜晚買個$2x既飯盒，食一半，淨返個半第日帶飯，慳返唔少。lunch最少都$60-70一餐，真係賺埋都唔夠洗
而家儲多個錢比自己傍身緊要d，隨時著草
8個讚
以前我都似樓主咁,但自從有左小朋友,同埋爭取多 d 時間相處,都會係平衡底下,出去食或外賣,小朋友都鐘意!因為出去食或者外賣,講緊都係一星期幾次咁,唔會多!例如夜晚出街,行行下會食埋飯先返屋企,就唔會返屋企煮啦!
除咗新年著新衫新鞋傳統吓之外都唔會點買衫褲鞋，幾年前嘅衫都仲著緊(襟睇款)。
電話唔介意用老公二手機，部機跌過落水都整返乾照用，touchwood 跌落水後仲用到年幾，而家仲用緊(有一段時間冇買新電話)
同朋友，家人出街食唔慳。但自己煮嘅，一包通心粉都會分兩次食。
online shopping會搵優惠code, 旅行會搵平機票，短程廉航都ok.
簡單講我唯一唔慳嘅就係同朋友家人食嘢同旅行中嘅洗費。
4個讚
邊度有咁平嘅飯盒？
大西北仲有25蚊燒味飯，30蚊兩餸飯，仲要多飯俾足餸。
其實平嘢唔係冇，但要花啲時間搵
我覺得我都係。
成兩年無番過工，40幾蚊一個飯買番屋企食太浪費錢。
睇YouTube 學下煮野食。
啲人番工放lunch無辦法先要出街食。
1個讚
會唔會買超市特價既肉？未過期但就快過期嗰啲
我覺得自己煮係平好多， 因為會買啲好品質嘅食材回家， 價錢係同出面差唔多， 但出面料又唔足料，又整得求求其其， 多味精 ，又唔新鮮
2個讚
有次去超市見到個阿蟬攞住舊青青哋色嘅三文魚柳，諗住盡下人事同佢講聲，點知佢話揾d重味d嘅嘢醃下佢就會好好食…吹x脹
4個讚
我會㗎, 唔只肉, 罐頭同乾貨我都係咁, 因為best before過咗都仲食得㗎。
我屋企有個大冰櫃, 所以好少喺街買凍肉, 直頭訂批發, 每樣幾磅幾磅咁買, 平好多㗎!
家品廚具一定問咗娘家有無先, 無嘅就上price.com.hk 格晒價先買。
我衣櫃仲有幾件20年前嘅衫, 如果唔係肥咗著唔落, 我估成個衣櫃都係十幾二十年前嘅衫。鞋只會喺旅行時去outlet買。
就連生日同結婚週年都係食平價放題。
但生活上唔係樣樣都慳到, 慳得嘅地方就慳咋…
4個讚
會呀，需要儲錢比我個女讀大學呀
2個讚
我都會一個飯盒兩日食，一來自己食量真係唔大，二來返工嗰度好難搵食
呢啲真係過哂火
都唸唔起自己上次幫襯些粉係幾時既事喇
2個讚
躺平 對抗社會的不公義
我都要減少消費
盡量儲多d錢去外國
5個讚