肉類唔好啦…寧願買急凍肉…
1.鮮豬肉放得耐都會唔新鮮
2.外國嚟嘅一定係急凍肉解凍，預你唔洗解凍，即買即煮。放係4度雪櫃咁耐都係唔好…
3.再計吓價錢，真係平？
我依家1至2星期訂一次，慳返好多時間
我住新界東，有$25/兩餸飯，勁大盒多餸。可能男性客比較多，會塞爆晒成個盒，好多男性去買，貪佢勁大盒，所以我成日派我隻佬去買
。佢地見我女人，應該細食d，會整細盒少少，但無可能一餐食晒，一定要分2餐
1個讚
我試過超市買特價肉，返屋企打開又嗅又“叔”，成盒掉左
一定唔會,我多數用急凍肉(都貴架),如果買新鮮就會買正價
我間唔時會買馬莎，taste 果d 到期肉或者意粉，一黎抵d, 二黎唔好浪費食物，so far 都無問題，我腸胃唔好但未試過食完肚痛
2個讚
「資源錯配」呢幾年更深感受
所以成日提自己，唔好亂買嘢，cash is king
少至幾蚊一支水…我都唔會亂買…
9個讚
試過3幾次臭左，仲要唔係到期減價貨
底褲都算啦~
著響入面自己舒服衛生就得
面褲穿窿就明顯左d
除非係牛仔褲本身都爛爛地果d 設計
除咗食係最主要支出外，我好少買其他嘢。
自問無乜物欲，就算去12蚊店買嘢，我都要諗幾日…
2個讚
唔會，
對自己好少少，唔會慳食
住新界見人帶啲衫去山溪度洗,又見啲人帶曬水樽去山溪裝水
整體比起以前廿幾歲時慳咗好多，因為開始煮飯後變得會價下格
但工作太攰太忙會照買嘢，唔諗
呢啲人咁做又唔好，一來污染環境，二來山溪水可能有寄生蟲。
2個讚
洗衫的確污染環境
但煲滾應該可以飲用…最怕啲人用山水洗面…寄生蟲會由眼/鼻/傷口走入身體
以前住村屋好多阿嬸都會咁做，我都飲過唔少
山水煲出嚟嘅水真係清甜好多～
我慳，不是為經濟壓力，因為真係覺得需要才買，我同老公都會每月捐款給慈善機構
衣： 夠穿就可以，夏季出街衫5件內， 褲5條內，鞋：家中拖鞋、游水拖鞋、波鞋，共3對
食：不會慳， you are what you eat!
住：雖然有自己物業（十分方便）， 但會搬去公司宿舍（十分不方便）
行：盡量公共交通，一年都坐唔到一次的士
我仔執親戚衫（超新淨），書包用緊第五年
我覺得除左慳到錢， 其實仲有環保因素， 太多人過度消費了！
8個讚
應慳則慳，有啲嘢慳嚟好無謂，有啲嘢使得豪又好無謂，當然每人對每樣嘢睇法唔同
例如我從來唔會搭的士及 uber，我覺得冇乜嘢需要咁急
我又極少食buffet，我自己食唔到咁多嘢，好怕浪費
但係本地有機菜貴三倍，好味又促進到本地農業，會買
護膚品如果好用，搽落去有分別，貴亦無妨
衫我曾經著得好光鮮，而家就喜歡簡約樸素
書我已經八九成買二手書，既然平咁多，鍾意就掃
捐助方面，我好認同某啲良心機構，我一千一千咁捐
睇醫生呢，我份人怕死，所以一有小問題就睇專科
所以好唔同情況，我唔敢話自己慳家，不過係好有原則囉
10個讚
我金牛座，一D都唔慳家
欣賞呢種使錢原則
因為後生太使，而家痛改前非 