多數要幾耐先學識 好想今個夏天KO佢
我覺得會比較難 因為無細個咁放膽
正如我一把年紀唔洗旨意學得識踩單車 成日怕PK…
不過都祝你盡快學曉, 因為係救生技能 
我嘅經歷，仔之前學游水，反正入泳池，我就係另一個池游。用咗一個暑假時間。
我由唔識游至叫用到自由式游來回一個塘。
無教練，姿勢應該唔好，但總叫游到。
之前去沙灘游到出浮台。
2個讚
好叻呀你, 我都諗住每次帶阿女上游水堂, 將佢交比教練之後我就去另一個池練習, 不求快, 但希望可以提升水感.
唔叻，只係覺得反正俾咗錢入場唔好蝕
我開頭係淺池用浮板踢水，對眼就偷師，
到覺得可以試下就游兩下，游到就到學呼吸。
慢慢嚟，一定一定要係救生員附近/池邊練。
我學緊蛙式，我覺得難過自由式好多。
你好勁，我識游水但唔夠氣游出浮台
我有用浮板，亦有朋友傍住我。
游到過去真係好似完成一件大事咁，好開心。
呼吸要有節奏，快吸慢呼… 一下一下。游游吓就會夠氣
3個讚
你用咩方法學呀？
我當年由怕水到識游（蛙式）用咗一堂咋
搵1對1教
我覺得大人學游水先易，唔好講游得好游得快，放鬆就識浮，識浮就識慢慢游，識慢慢游幾下就識唞氣。我以前教女友一次就識，依家教幾歲仔都係玩幾次就識。最重要3個字，放鬆，慢。
我同個fd30歲果年去左工聯會學游水，學左自由式同蛙式，學到正確姿勢，游就唔太叻，始終無時間去練習，如果唔係疫情同生第二個小朋友都會再報
我同你一樣，跟小朋友上堂落水，聽得多阿sir講理論，又郁下就識咗
唔難，重點係唔好怕，放膽就得。初學既唔會去大池，一定到地，有乜野咪企起身，唔會浸親
我係油麻地Y記學，本身只識蛙式，改良左技巧後，再學埋自/背，自由式8堂內一定學到，識自就會好快識埋背泳。學左基本野先再改良技巧。最難係要連續踩水1分鐘或以上同轉池，不過轉池係額外野，唔一定要識
我2年無游過水，應該生疏晒要再train過
我好多朋友把口話想學，但就只係企係池邊睇住仔女游，話減咗肥再學，到我學識佢哋仍然原地踏步。
佢哋真係諗多咗，根本無人留意你身材。
我一去到水深高過自己嘅池就會好驚 可以點克服
好勁呀，我係康民處學過3次，完全唔識，同朋友去泳池玩，救生員全程釘住我，因為我唔識游又走去去深水個池 
我記得我抹住池邊行，其中一下失手 slip腳，全個頭跌入水，我已經9秒9彈起，望下救生員已經望住我企左起身
但到宜家我都好怕d水過鼻，唔識游水呼吸 
我學極都唔識踩水，多年前我老公教過我，我學極都唔識 
先學識游水，初學只會係細池學，通常係1.2米深（有錯請指正），唔會沒頂。游多d，習慣左其實就唔驚
我都係，最多只可以踩到1分鐘，之後會開始沉，好難放鬆踩水同好攰。唔知其他人點解可以好似無野咁踩好耐都得