知唔知初小神小班頭平均分？是否全部99-100
神校份卷程度都好神，點會咁易比小朋友全部9字頭。
唔係間間學校嘅平均分都係按 100 分為滿分
唔係間間學校初小都有披露排名
加上名校，點會咁容易畀你攞滿分？作文嗰啲可能會 cap 左唔會畀 9 字。反而越淺嘅學校先越多滿分。
1個讚
神校好多都教淺考深，好似默書咁，就算你溫晒，都唔會有一百分，因為會有一part unseen, 等你無得溫。 一般攞80分已經叫好好，老師唔會比學生咁易攞高分，等家長學生更加努力
你講邊間呢?
如果你小朋友返嗰間，佢環顧四周都大概知道同估到。啲小朋友都八卦，自己班甚至隔離班有人滿分佢哋都會知。
如果唔係返嗰間嘅，咁知嚟有咩作用呢?
我自己就唔係好care 級頭唔級頭，as long as 真係學識咗，唔係唔明白就得。
老實講我自己細個成績好好，但我又覺得以前考十幾廿幾嘅同學有啲中學或者更遲都追咗上嚟，精算師、律師，去ivy league深造都有。
而且作為一個成人，我唔覺得自己智商有高過佢哋。或者過咗某個位，智商嘅重要性根本就唔係咁大。
所以我唔會將成績睇得好重。 
大器晚成都好多例子，有好多人係中學後甚至大學先開竅
1個讚
尤其男仔，好多中學先有目標，一追上黎成績好好
係呀。
每個人嘅pace 唔同！
排名呢啲，我覺得有啲學校唔公布都係好
有啲小朋友真係為嗰一兩分坐立不安
又或者唔出色嗰啲見住自己個排名會變得冇自信
老套啲講句，自己同自己比較，今日的我好過昨日的我就很好了
其實係，我讀書成績真係唔多好，但算係乖學生
正正常常讀完大學，我夠膽講而家賺錢唔會少過讀書叻過我嘅同學，超精英嘅就唔計啦
做個好人，有良善良知就可以了
讀書真係盡咗力就好
Agree，越淺嘅學校越多高分。
用我個仔為例，之前小三中文作文，全年級第一名得82分。
香港嘅中小學教育，排名永遠比分數重要。
想考插班，唔知要有乜程度
如果係普通小學入直私神校，咁中數高一級，英文高兩級
所以點解會有黑店土皇帝，個新校腸見學生分數唔高，解決方法係出淺d？超級智將，俾你全部9字頭100好無？
我舊同事好自豪咁影佢女D分數出黎,科科80幾90幾,一睇學校名就知咩事啦…
咁考插班就另計，要谷成績先爭取到入場券。
不過考插班又唔係同該校精英比，而係各路精英，要喺自己校級頭。
即係插小二會考學校未教嘅嘢?
我以為係該級程度但理解透徹考到高分就得。
識人係一線中文私校插入另一間頂級私校，英文係要高兩級先應付到，數學因為中英轉換問題，水土不服就所以就唔合格但校長覺得佢英文分數高，只係適應嘅問題，所以照樣收佢，結果年年考頭 1/3，今年升中學部。佢嗰陣有考另一間頂級英文私小，但三份筆試卷都難，佢都做得吃力，所以無緣。
如果係插小二，簡單啲就係中文做到三年級上學期練習，可以一條大題目自己作文，數學乘數表一定要全部搞掂，英文一定要搞掂 past tense 自己寫到一篇 100 字左右嘅文。（此範圍只係一線有教深嗰啲大熱學校，唔代表所有一線學校）
「該級程度但理解透徹考到高分」係冇錯，但插得班嘅個個都做到呢樣，你點樣突圍而出就係靠學術程度同面試。
聽落好難
難怪小一面試大家都瘋狂
小一入唔到嘅之後啲學術真係要超班
小一叩門都有學校要求筆試，要十拿九穩就一定要操到做到街外普通練習嘅二上程度。
所以我好佩服到啲家庭可以操筆試操到咁 fit，一來仔女要乖乖配合，二來唔係個個咁細個就谷得起。
我都係，好多小朋友其實K3未定性，根本就唔受谷…