所以都係果句，小學係名次緊要過分數。
就算係寶校，次次考到全年級第一，中學都係入到band 1嘅…
此言差矣！有寶校係考第一名都唔係 band 1 架！
校內名次同分數都唔係重點，重點係「呈分排名」，校內第一但區內同全港排名都係 Band 2 嘅話，一樣冇運行。即係三私一直嘅中游都值錢過某寶校頭三名。好殘酷嘅事實，寶校個小朋友未必資質差，但香港升中就係有呢個玩法。
呢個都有可能嘅，不過應該係寶校中嘅寶校先至有，或者我地應該叫佢地做“爛泥校”？
我識得唔同嘅幾個家長，小一不幸被派到“xx網三寶”或者“xx網四寶”，扣門又失敗，就讀左六年。所幸小朋友夠努力發奮，最後中一都派到band 1。
據我所知同有限嘅觀察，大部分坊間所謂寶校，全級前三或者前五都仲係有得出頭嘅，不過有少部分就真係點都唔得…
你話大部份，即係 not all，咁所以「就算係寶校，次次考到全年級第一，中學都係入到band 1嘅」呢句就唔係必然。信以為真嘅話，可能最後一場空歡喜。
寶校因為分數偏高分，所以小朋友一個唔小心出錯，可能就跌 2-3 名，咁樣就可能變 band 2。加上，呈分排名唔係「你考得幾好」，而係上屆師姐師兄考得幾好。假設之前師兄校內第一名，但佢 Pre S1 排名只屬於 Band 2。今次你考足曬 100 分，你最多都只係 Band 2，點都唔係 Band 1。有啲就好彩，區分 Band 1 學額充足，加上有部份學校做分流，咁有啲寶校就有機會偷雞入到 Band 1。咁呢個學生只係派到 Band 1，而唔係自己係 Band 1。又或者，間學校其實只係 Band 2 水平，但被誤會為 Band 1 水平 (e.g 大埔某書院、中西區某英中、觀塘某英中)
仲有一個學術上嘅問題，寶校課程銜接 Band 1 學校困難度好高，正常資質係唔夠，落後左人地 1-2 年，英文甚至可以落後 3-4 年。一落後左，士氣都差埋，就好容易越讀越差。見唔少都係正常學校入讀傳統名校，但入到去明顯吃力，要比傳統小學嘅同學花多 2-3 倍功夫先做到同一樣嘅成績。寶校嘅學生就更加要畀更多心機去追上。
1個讚
呢個你講得好正確，小朋友嘅士氣好緊要。
與其做神校隱形人，不如退一步做一線中上遊，老師同學校比嘅資源都多好多。
同樣，如果讀寶校又有實力，應該小二小三就申請轉校去二線試下，如果得嘅可以再轉入一線小學。
小朋友都係搵到自己嘅位置，保持住士氣最緊要。