我從來冇提樓主喎。我仲like 樓主po嘅內容。
係你三番四次拖樓主落水喎。
睇嚟你需要冷靜多D
1個讚
係呀，咁做唔啱
咁借問上面喺你話我哋鬥黃時有邊個做緊類似呢？
冇人要你答。我問問題啫
1個讚
冇嘢丫，我覺得大家仲係 ok 嘅
可能係我唔覺得我係鬥黃(我問心無愧)你覺得係
又對政府政策理解不同啫
我答緊另一個會員，唔好太敏感。
1個讚
好好好
其實大家緊張香港啫，有呢啲討論係重要
3個讚
點解要宣誓？ 就係喺有需要嘅時候有個"理據’'去搞你。另一樣，就係某程度上防止渗透。
2個讚
可以睇下呢段片
3個讚
我識人好黃，但做緊tvb；都識黃人打緊鄭弱智老公嘅工。你話佢哋係唔係冇咗份工唔得，未至於。
“為五斗米而折腰”
如果低下層, 唔係直接落手攪手足/香港下一代
為生活keep住份政府工都情有可願
如果中層或以上, 或直接會攪到手足/香港下一代
而keep住做政府工, 唔好話自己黃啦
我真係接受唔到D人一邊話自己黃一邊豆住政府D高薪厚職
1個讚
真係識幾個本身黃公務員，高薪厚職家庭支柱， 係朋友圈到俾人串得多而家完全唔出聲嚕。其實香港人本來大部分都政治冷感，係2019年太離譜先令好多人覺醒。當set 得愈多道德標準時，佢話自己係黃但佢xxx, 呢堆本身淺淺黃既好易變番港豬，黃營就愈黎愈少人嚕。
所以其實我覺得，黃絲係可以繼續打政府工。
7個讚
我知道係有,不過唔係深黃
只係睇在份糧上而做…
聽住先
有邊個唔係，咩色嘅人都係咁⋯⋯
即係咁講，我唔認同某部份人針對公務員既言論，例如我尋日見到一個公務員想辭職去英國問兩句都俾人圍剿，咁人地都肯棄暗投明，點解我地要批評同路人？
如果一班公務員已經入職一段時間，咁人地入職時香港都未出事，點解我地要針對佢地呢？其實依家香港政府，連AO都冇話事權，連777都係，所有重要指令來自"北方"。其實依家係做政策既時候，你係會看到有一班暗黃既高層幫手頂緊，但真係好難頂，因為依家係一個指示落泥就即刻做，係人治，完全冇左以前既理性，一步一步瓦解香港政治。有良知或者知驚既高層/中層已經走緊人，有辭職潮係真既，出現緊，但唔會好誇張，因為好多年紀較大既公務員都係藍C，係好L多藍C！
將來大6會換血都係事實，所以我最睇唔過眼係一班扮黃，日日吃喝玩樂，上面叫做咩都衝去做，呢個時間仲諗緊樓市go go go既公務員，好似活係平衡時空咁，不理民間疾苦。
其實一直都有真正既「公僕」服務緊市民，例如郵差叔叔、醫護、甚至康文署book場d姐姐。所以，如果佢地選擇留低冇所謂，最緊要佢地記得服務緊既係市民，唔係政權！
8個讚
我自細就明白”所欲有甚於生者”
就算會得到好多錢
有D野過左底線就係過左
況且而家唔做政府工姐
又唔駛死
高薪厚職個班都賺左咁多年啦
人工已經高過好多私人公司
揸住一兩層樓, 唔大洗都可以退休啦
養家我明白, 但搵幾多先叫夠養家?
人人standard 唔同
但我會睇唔起自稱黃但幫政府打工, 為自己享樂又唔幫手足
1個讚
如果走唔到, 為生活…我認同~
就算唔打政府工, 香港地, 香港人公司, 藍既多, 有幾多黃?
大公司, 而家大部份都係國企扮外資咁響香港生根, 避到幾多.
你可以迫我扮紅扮藍, 但你改變唔到我思想, 鬼叫我生於現世~ 可以點.
2個讚
係咪佢本身係藍或者港豬呀﹖咁佢走又係lam盡著數喎
如果係黃咁去英國好正常，啲人圍乜鬼﹖都分唔清楚
咁講香港話既醫生係咪越黎越少…
遲D睇醫生都要講強人話…唉…
因為醫護比較團結，佢哋早兩年見證好多年輕人被打到不成比例，政府又抹黑佢哋，明明佢哋合法罷工，政府又喊打喊殺
醫護容易走，我係佢哋都唔宣啦！我入行係為救人，唔係向呢個政權獻媚
4個讚