的確, 做醫護既, 有錢無錢都好, 要走太EASY~
走到既, 都希望佢地走…有好既將來.
我好感恩好多基層公務員，佢哋係黃當然幫到件事
但我識一個淺黃怕死都死既中高層公務員，連用HKTV MALL 口罩都唔敢，食晏去啲冇文宣既黃店都唔敢，我覺得你一日黃一日食唔表態既餐廳都冇嘢丫… 佢話唔敢
都係嗰句︰我明白佢哋為生活，但佢哋喺入面待落去，我都擔心佢哋點維持到
冇鬥佢哋，我真係擔心佢哋
1個讚
呢d人真係見唔少，為左返工第一個do 安心出行，我會一律視呢d人係藍
堅黃真係好少好少，有都plan緊走/走左
依家仲入職都唔知係咩心態
1個讚
都係一句︰我控制唔到內心，不過我表面上唔會做出面，真係唔得就咪提啦，照出黎飲飲食食或者直情少見啲
講強人話事少，要郁啲比利是先事大 
仲有摘器官
所以都係藉口咋嘛，離唔開一直以來嘅舒適圈囉。
一大堆理由比自己唔改變⋯⋯
仲要默許的.
1個讚
分享一個親身經歷。
我以前在某公司做，要做中國生意。我本來就諗，我賺佢地錢，用係黃店身上，幾好呀。
然後，我開始要過手一D中國政府既生意，有D性質都敏感。我又諗，我都阻止唔到公司做，公司唔做又係俾其他中國公司賺錢。我最多唔幫個D project手，錢我要照袋捐俾黃店。我都真係有捐到。
我覺得我坐起個位到，起碼可以阻止太離譜既事，好過俾中國公司亂黎咩都做，又好過d錢送曬俾中國，甚至我可以通風報訊。
到後來，真係要做一D我好反感既香港客。今次呢個project，我公司唔做，真係無其他公司做到。我不是直接參予這project，但我都間接要幫手。我一見到個project，就好煩惱，想起手足，爆喊。
我覺得，我起碼要拖延一下個project。不過我既能力大概只拖到一星級。然後我又諗，我應該潛伏，中途可以報料，又可以做手腳。不過我再細心諗，我係個好誠實既人，對呢個project心理壓力亦好大；搞手腳呢D野，我其實做唔黎。於是家人提議我辭職（佢本來都一直想我辭職湊仔）。
我諗一諗，發現以我既職位權力，最有效阻慢呢個project既方法，是辭職，令公司唔夠人手。大概比我留職做手腳更有效。於是我辭職。
公司多黃同事，我同其中一些人分享我睇法。有一D黃同事已聲明拒絕參加這project，不過會繼續留在公司；有一個黃同事大力反對我離職，希望我留低，因為以我既地位，我可以報料照著其他黃同事；其他黃同事都大致希望我留低，表示無奈。
我離職後，的確有對那位黃同事做成麻煩，佢最後被公司炒左，雖然不直接和我有關，但的確無我再照佢。但我自己心理平衡返，覺得無做錯。
6個讚
呢個朋友真係好驚喎，佢一定堅持唔到，底線只會一路縮到無影。
3個讚
明白你睇法，不過有時覺得世界好茅盾。如果一個公務員，佢之前次次都有遊行，又一直食黃店/聯署/長期課金，但係佢冇辭職，咁又係咪唔叫黃？
而另一個人移左民，佢講到自己好深黃，但實際做既嘢比黃公務員其實少好多，咁又點睇？
我覺得黃係一種立場，10樣嘢入面要做到幾多樣先叫黃其實冇標準。以前有句口號我好欣賞：兄弟爬山，各自努力。好可惜而家唔係咁。
9個讚
咁我有好幾個同學做左1x年公務員同中學老師。
平時只係谷聯絡，佢地係任何涉及時事議題或者笑話都5出聲。
我估佢地唔係藍掛
我自己當宣誓係一個分界線，宣誓真係唔係講玩，唔係一個你為生計簽咗就應該輕易take it easy嘅動作
係效忠，係服從，係信任，係佢叫你做乜都要做
喺極權社會，你看守一個監獄，喺集中營個毒氣室負責㩒掣，都會係公務員，都係幫緊個政府
點解大家仲係咁general 咁睇緊打政府工vs唔打政府工咁簡單？
而家係講緊良心、效忠、信任一個極權政權呀
所以我會傾向反對
2個讚
仲有一點，宣誓咗係肉隨針板上，宣誓係連份工作，如果你到時唔遵從指令，我估計(唔肯定，但有可能)就算你辭職，政府可以告返你違反宣誓，輕則追糧追公積金，重則告你犯國安
你移民，亦可以話你違反宣誓內容，因為你辭職即係唔效忠啦
我公務員friend問過佢上司宣誓係咪跟一生定跟到離職日期，冇人答到佢，冇人肯答佢，根本個個都驚緊
咁即係宣誓係有機會跟一世
有冇信心一定有骨氣到尾？嘔返晒由宣誓開始啲糧真係唔驚？坐監都唔驚？定係為自保屈服？
只怕到時係身不由己跟從大局走，為虎作倀咋
我明白好多人簽係迫不得已，我冇話佢哋，但可能好多人根本未諗到後果，到時會被迫做違心事，被迫迫害香港市民
1個讚
明白，你覺得宣誓就代表要效忠政府，到時好多嘢好難say no, 變相要暗住良心做衰嘢。但我既睇法係大部分公務員既工作性質其實好民生，圖書館理員/文員/稅務/水電/渠務etc, 佢地極少要處理敏感政治事件嘢，如果係做警隊/政府律師呀呢d就唔同講法。
再者，打政府工既黃絲除左公務員，仲有醫護/老師同半政府機構黎緊都好大機會要宣誓，私人市場好難容納咁大堆人。
個人覺得正常打政府工係ok, 到真係要你為虎作倀做傷天害理既事就quit 囉，唔覺得會唔俾辭職，例如辭職原因係想做ftm湊b, 想照顧家人，好難唔批姐？
4個讚
係，你好明白我嘅意思
除咗一樣，大家一定要醒覺：一個極權政權係所有方面，係所有! 都會有滲透及政治搞作，所以你講嘅咩民生為本，非政治化，係以1997前為本嘅AO公共體系，可以好肯定咁講，共產黨係會逐步消滅呢個體系，佢就係睇呢個政府唔順眼，要將佢變成共產黨
其實呢十年香港大大小小嘅政策已經滲滿政治色彩，又或者我對你講嘅政治敏感term都真係極度敏感，你講嘅
圖書館理員/文員/稅務/水電/渠務已經絕對政治化，唔係咩民生嘢
點解醫護呀老師會企得硬啲？係因為佢哋個專業方向會清楚啲，好快睇到宣誓點樣衝擊到佢哋行業核心價值，例如病人權益(vs特權關係)，自由思想(vs洗腦教育)
我覺得好多公務員就係覺得唔關自己事，做嘅嘢係民生，係面對大衆，所以宣誓得好安心，亦好樂意接受：為搵食啫呢個原因冇晒堅持同戒心
當然，我咁講唔係話咩要佢哋quit呀，要去私人市場，我係想話你要選擇宣誓留喺一個咁有政治色彩嘅體系，唔好咁天真，唔好好快咁原諒自己：為搵食啫
你今日可以為搵食，他人條線愈踩愈過時一樣會為搵食。香港地個個都為搵食
1個讚
只要堅持初心，一定值得同路人支持
我只係冇辦法睇得起啲中高層黃絲啫，佢哋有份制訂政策
1個讚
我諗起葉問1既李釗(林家棟), 我覺得佢由始至終都係走狗, 你覺得呢?
李釗：你自己以後小心點，我不知道三浦會做什麼。
葉問：（打李釗）走狗！
李釗：我怎麼是走狗啦？他們的死關我什麼事？我只是個翻譯！我不用吃飯啊？！我要吃飯的！
葉問：要吃飯？你看着你同胞被人打死，你有沒有尊嚴啊？！
李釗：我沒有，你有，你有很多啊。你行你去打呀，把他們都打死！打死十個一百個！打死一千個！我是一個翻譯，不是一個走狗！我是一個中國人！（最後一句用日語說，很好地體現了李釗的個性。）
1個讚
我都係有偏見、公務員同老師果類、係體制入面太耐已經成為一體、思想比較離地同象牙塔、我會明白基層既選擇、但收得高層份糧就真係唔好再話自己係黃了
1個讚
如果真係要比較，個人覺得老師情況嚴峻過普通公務員宣誓。教育局俾本’毛語錄’落黎，老師跟唔跟住教好？之前已試過教師’講錯嘢’而被釘牌，如果佢地唔辭職又係咪幫政府將港孩變小粉紅？
醫護確實好專業難取代，但當初我亦有深黃朋友指責佢地點解唔罷工唔團結d, 未講會點追究就全部縮沙唔善用佢地工種既牙力。當然我好唔認同呢個睇法，我覺得道德綁架左佢地。
見到有其他jm話收咁高人工就唔好話自己係黃，現實我d 醫護老師公務員朋友最近就真係唔再話自己黃喇。講真，話自己黃除左被批鬥或被人心入面不恥，又唔係有獎分，何必呢。
1個讚