點解要將黃色大門有咁高set咁高？
出過集會嘅公務員仲係咪手足？
有出過但家陣又冇辭職嘅人要鄙視佢哋？
用吸納代替對立啦
5個讚
好感激佢哋，一定係自己人
但宣誓係大事，起碼對我嚟講係。你黃宣咗，我明白，甚至擔心，但我唔會尊重
而我唔覺得呢度討論區有人鬥緊黃公務員
1個讚
唔想同你嗌交。
但我想講： 國安法立法起，當局已經運用佢絶對嘅權力，將反對聲音消滅。立咗好多框架，針對唔聽話或者立場不相同嘅公務員。
無人需要你擁抱黃公務員，正如我憑良知做人，唔需要人讚賞我一樣。只係話，係依家政治高壓嘅環境下，有公務員已經對自己的何去何從思考緊時，我哋應該求同存異，唔需要再將踏上一腳。
6個讚
冇人同你嗌
個個都冷靜咁答樓主問題，自己表達定位
係你哋起槓，話唔同意黃公務員宣誓嘅JM鬥緊黃
不如你一早講唔比唔同意啦
1個讚
真係覺得呢個時候，唔需要急於出腳踩。
3個讚
我真係明白你，但你由頭睇返，真係冇人踩
有你拎出嚟講下邊字邊句踩緊
又或者你覺得樓主出題已經唔啱？
純粹share己見：某程度上公務員(哪怕係黃)比藍店更應被討伐，因為前者係直接間接壓迫者，後者只係做生意，起碼冇制訂及執行政府政策
咁點解黃絲冇鬥前者反而鬥後者？某程度上係於理不合
我希望到香港封關封網有教育營集中營出現時，你哋仲可以拎出今日嘅氣量出嚟，而唔係今日只係對佢哋宣誓有微言嘅JM 咁指責
因為到香港末日，一樣仲會有黃公務員有供樓養家問題
前者係直接間接壓迫者
真係不敢苟同，而且好驚咁嘅思維。
我之前都問過你：十幾萬公務員內，有幾多有決定權/決策權？
仲有，好多政府部門非政策/政治部門，而係民生部門，佢哋都係壓迫者？
今日公務員要宣誓才能繼續做政府工，難保他朝香港人要效忠才能攞特區護照，到時係咪所有自認黃嘅都要離開香港？
4個讚
咁係我哋對公共政策嘅理解唔同，因為我覺得喺國安法下，所有大小政策已經有政治色彩，哪怕係街上設一個垃圾筒。而你就唔係咁睇
咁我上面都有強調我自己只係針對現行決策緊嘅中高層公務員，你睇返
特區護照要宣誓，係黃都應該離開香港，我真係咁諗。但走唔到都冇辦法，我唔會鬥(不過你可能覺得我唔認同已經係鬥)，等如我一直都話為生活要宣誓亦冇辦法。
況且：SAR passport holders佢宣完誓唔係參與政府政策喎，又唔係公僕
咁我又問你：如果有一日香港有教育營有集中營，由公務員決定details(上面壓落嚟)同埋執行，我作為普通市民係咪喺討論區(假如仲有)一樣唔可以反對，一反對就係踩公務員一腳？
我哋對社會現況理解不同啫
我可以同你列晒全港政府部門出嚟，講下佢哋啲大小政策點樣受國安法影響政治化，而involve嘅公務員點樣幫緊忙
其實納粹同中共咪又係
不過樓主會斬我 
好擔心咁嘅思維同氣氛。公務員之後，誰是下一位？
美心員工？中原員工？港鐵員工？定係所有中資機構員工？
1個讚
之前特區第一屆就係因公務員政府立場係中立而有政治任命嘅三局十一局。
唔好忘記，之前公務員入職時，係政治中立，依家係俾政府逼take side，可能有人會話，你唔簽，冇人逼到你…但現實是否如此呢？點解我哋嘅矛頭唔係向住政治任命嘅高官，或為虎作倀嘅人，而係全部公務員？
香港人係咪應該團結。如果有人做咗違心之事，咪等佢承受惡果囉。
2個讚
有可能係：教育界 公營機構 甚至乎係受政府資助嘅NGO
到時唔辭職嘅手足又要被踢出黃圈了
2個讚
我覺得係你哋鬥緊多啲囉
上面冇人講過話踢出黃圈，唔認佢哋係同路人
只係話叫佢哋繼續撐黃店、未入就唔好入
我話我睇唔起不過唔會做出面
你哋就撲晒出嚟話我哋鬥佢哋
1個讚
已解釋：唔係政府入面
而且唔好類推到時我呢啲會鬥埋佢哋，咪屈得就屈
你答我第時有教育營、集中營你會點先啦？黃公務員有份嘅話
我明。有幾個朋友做老師，有人已辭職遠走英國，有人仲繼續教緊。
有非教師嘅朋友，會將兩者比較，覺得邊個比邊個黃
我只有對留低繼續教嘅朋友講：小心！加油！
1個讚
首先你自己諗清楚乜嘢叫矛頭先，呢度答樓主嘅幾時有將矛頭指向全部公務員？
你哋已經上綱上線了，不如冷靜下先
冇人屈你。我唔興屈人，亦唔興回答假設性問題。
咁你唔好要我答咩第時美心、港鐵、中原等問題
你都係假設緊