香港地 幾百萬年薪唔係低
但一個family洗起上黎又唔係好高
我覺得只係中高產
唔算超級有錢
1個讚
係架 享唔享受肯唔肯洗錢係天生
就算計肯洗錢 都有分洗係邊 有錢洗係邊每個人都可以好大分別 
不過每個人每個階段都唔同 可能佢遲d有d野會諗通或者移左民發覺有另一片天地都話唔埋
唔識搵錢，又唔代表係廢人嘅
佢小朋友唔識搵錢既意思，係無法和人正常溝通，無法打工養活自己。變成離地二世祖，剩係識攞錢玩既啃老族，就係朋友為之既廢人啦。
頭先趕住煮飯無好好講清楚
我嘅意思係，搵錢唔係一切，你朋友太受原生家庭教育影響喇，如果佢嘅錢夠埋小朋友食過世，或者好好投資令到小朋友長大唔使為口奔馳，未嘗唔係好事。
代入咁諗，屋企有錢我使嘅話，我有機會考慮創業呀，或者做其他同樣有意義嘅事，都好架喎。
我咁講係因為好怕你朋友咁樣灌輸小朋友，覺得搵唔到錢就係無用，人生失敗者。
父親嘅肯定對一個人嘅成長有幾重要，大家都知。
我有個朋友做醫生，佢父母都係，以致到佢都灌輸自己小朋友必須要做到醫生，做唔到醫生就等於乞食⋯⋯（偏偏佢小朋友又係sen邊緣）
好慘架！唉！可惜我同呢個朋友唔係好熟，都不便多言…
好羨慕 
明你既意思，我朋友都被人誤會過好多次。不過佢唔係你擔心既情況黎既。
你朋友覺得做唔到醫生就無用故然唔岩，不過我朋友只係希望小孩做下速遞/收銀就已經好滿足啦。我朋友唔係想小孩搵好多錢，只係想佢自己養到自己姐。
因為我同佢身邊係有另一d極端例子，父母好有錢，仔女唔洗點做野，搞到性格好離地二世祖，不知人間疾苦，又好易被異性呃錢。
人生經驗唔係應該推佢去社會做野咩
自己老豆公司比經理佢做爭d wor
大把劍橋生出黎做私補part time 
冇乜爬文，睇到呢度，好想講俾你朋友聽，神已經俾左恩典佢，佢有錢有事業有健康妻兒，已經比世上我估8成人幸運。
唔好再礸牛角尖了，真係要感恩惜福。
我3年前都會為左個女成績唔好而煩惱，青春期更加睇佢樣樣都唔順眼，後來可能神俾考驗我，我以家只希望一樣嘢，小朋友能夠健康長大成人唔做廢人已經好滿足。
人總係要失去過先會珍惜。
1個讚
抱抱 諗起台灣有個細路女派卷成績差驚媽咪鬧佢
個女女靈機一觸同佢媽講：
「勿忘初心喔，當初我在你肚子裏你只希望我健康喔」
好cute 好真！
1個讚
佢都係基督徒黎既，所以佢既諗法都係一樣，只希望小朋友能夠健康長大成人唔做廢人。
大家又唔好一睇到要成績好既就係怪獸家長，其實佢既「成績好D」，只係希望小朋友可以在普通學校升班，唔洗留級，健康長大，大個有能力可以做下速遞收銀姐。小朋友成績就算唔合格，全級包尾，個朋友都無罵小朋友，都係鼓勵佢既。
對呢個朋友黎講，佢向神既祈禱係，寧願唔要錢，都希望可以換返小朋友既健康開心成長。佢既煩惱係，無論佢點用錢都換唔到，小朋友都係身理心理都有問題，無法完全過正常小朋友既生活。找了好多醫生輔導，慢慢有起色，希望佢地去到外國可以好返。
1個讚