我唔會諗點洗呢啲錢，會繼續儲或投資，到自己老左或患左咩癌病就拎呢啲錢做治療。
好彩最好用唔到啦，唔好彩一病纏身啲錢好似倒落海咁好快無晒。
同埋我有錢會捐錢幫有需要既團體。
明白你講既，不過我有另一個朋友走左極端，所以俾我就會取個平衡咁。
呢個朋友又係好鍾意搵錢，太搏搞到唔煙唔酒都有兩個癌症。於是佢睇化左，死左錢都係無用，就每個月都去旅行。
我覺得其實係無個人興趣…每日剩係返工既生活雖然充實但疲累
2個讚
你朋友明明想做好多野
但比好多藉口自己唔去做顧慮好多野
驚呢樣果樣
又唔太敢用錢
生活比好多框框圍住
1個讚
錢點會使唔哂，返辛苦工我怕有錢無命使，我舅父就係一個好例子，三十歲出來創業，40歲公司做到上市，45 生 cancer, 未到50就玩完。
如果我有佢身家，一定即時退休，親自俾多啲時間陪仔，走去歐洲搵個靚得來又治安好嘅城市長住。去到歐洲就大把短 trip 可以去，同小朋友親子幾年囉，一齊去，上到高中，啲仔未必想跟，到時可以去遠啲玩。
3個讚
會唔會根本係小朋友需要特別教育方法
旅行果度唯一解決方法,就係等小朋友D
係，佢地搵曬全香港最貴個幾間特別教育機構，加埋轉國際學校，老婆全時間教育，終於由sen小朋友變左做成績中下差。
佢地移民選學校都好得意，唔敢揀outstanding ，但選最差既又怕學壞，又未去到選特殊教育學校，所以特登選一些good既，仲要睇埋成績要中游先揀。
朋友既心態覺得人地小朋友做到d乜乜乜，又期望自己小朋友做得到，有依個諗法小朋友會好辛苦，父母又成日都失望。
轉新環境既話應該更加要去返特殊教育學校。
太幸福既煩惱啦
要教下佢前財爺金句、駛既錢先係自己既
聽落佢係唔捨得多過唔知點洗、搵錢就係佢既樂趣
而家冇得好講、無得飛係香港去下五星級酒店過下二人世界食餐勁都好啦、人一世物一世咩都見識下嘛
我唔富貴、但今年反而肯駛錢左、人生無常、用到錢買下方便同家人開心好值得
我諗起以前有個家長fd,佢肯定好環境過我好多、但入主題樂園就一定自備野食、左塞右塞覺得入面貴唔抵、咁我又覺得唔係成日去、叫過兒童餐呃like又好、負擔到小朋友開心下冇所謂啦、而且而家大佢哋都唔多肯同我哋去了
除左返工乜都唔曉
2個讚
生活各方面壓力大到都已經唔識體會咩叫「生活」
移民啦
-
賺夠咪唔做囉咁簡單，
有個親戚50幾已經退休，未有疫情前已每隔二、三個月去一次旅行，今年仲要去英國收樓俾個仔住。 -
可能遣傳
，
唯一解決辦法係去保良局領養個讀書叻嘅小朋友做養仔改埋自己姓。 -
佢太太仲要餵人奶？
苦果唔係真係睇唔到點解唔可以兩公婆旅行喎。
冇錢就懮柴懮米者
話時話、佢係唔係真係有錢㗎
1個讚
錢係用來洗，唔洗嘅佢只係一個數字
明明有錢有好多way out，偏偏就係唔捨得洗…
佢所講嘅煩惱皆因佢唔捨得洗錢去解決
我係佢我會轉去做一份hea工或者做吓小生意
小朋友會比佢去讀自然學校，成績唔係真係咁緊要
比佢接觸唔同嘅嘢開發佢其他潛能好過
睇到呢度
覺得你個朋友煩膠多啲
乜都ban
點enjoy life?
咁有$又唔叫工人去
我有啲朋友，帶兩個仔女帶兩個工人
去旅行見到朋友嘅朋友，三個仔女帶兩個工人
不過我同意品味係要自小培養同埋要有個藝術sense嘅
見到啲人間屋咁多擺設裝潢，又整得靚，好羨慕
自己因為冇呢方面sense 所以家徒四壁咁 
1個讚
睇到呢度
都知你朋友係乜嘢人啦
守財奴
有啲婆仔都好有錢，但仍然日日去執紙皮
食個飯都慳住唔捨得，可能命格就是這樣
唔知小朋友幾多歲，如果小學或以下，
其實有錢嘅，到中學都送去外國讀書啦，
小學名唔名校有咩所謂，咁當然要係好學校啦，
最緊要老婆睇住個細路，打好個底，將來去外國都搵到間好學校丫，呢樣緊要啲，為咗面子夾硬入間哎呀國際學校，有乜謂呢
（不過呢個只係2年前嘅做法，而家有細路嘅快快帶佢哋走啦
）
至於兩公婆去旅行，都係唔知小朋友幾多歲囉
小學嘅話，無辦法啦帶埋去囉，二人世界就忍埋個小學囉
暴發戶多數冤枉來瘟疫去
1個讚
徐淑敏都係公屋女
人哋又識享受喎
1個讚
多謝各位意見，大家既說話我會化為精句點俾佢聽。佢話左會移民同轉工，我叫緊佢快D行動，費時佢再變卦！！希望新國家和新工可以解決佢問題啦。
不過佢想小朋友讀書好D，又唔係為面既… 佢想小朋友正常D，大過可以自力更生。小朋友本身又無咩一技之長，如果果成績又太差，大過好難養自己。如果剩係食爸爸資產，就會變成廢人，呢個先係佢爸爸最唔想見到既。
佢都唔想小朋友入名校，剩係想佢入主流學校。因為小朋友情況改善左，評估已經話佢地無問題。好彩而家小朋友入左一間適合既國際學校，程度淺，讀得開心黎又學到野。希望小朋友去到外國都找到咁好既學校啦。
其實我真係唔會咁出力勸朋友轉一份低人工啲gei 工. 如果佢轉去低人工, 一樣咁唔開心, 我真係孭唔起, 邊個賠返啲人工俾佢. 佢自己的人生佢自己負責啦.
佢做得唔開心, 但係錢令佢有安全感, 有啲人中意留在不舒適的舒適圈, 我唔會咁出力叫佢走出去. 我至多講一兩句就算, 有啲人同朋友呻, 純粹係想搵情緒垃圾桶,
到佢真係頂唔順, 佢自然會走出舒適圈
1個讚
搵一樣興趣去發展，
例如：我朋友鍾意釣魚，佢就買遊艇，方便佢釣魚，
其實香港本地都好靚，天氣好出海玩，好舒服！