有無話邊間會好d? 同埋有無人近嚟有申請考，而家要等幾多年啊？thx!
上月中路試肥咗，排到8月尾補考。你而家先開始，又要先排筆試，pass咗先可以排路試，我估都要等到出年。
分享：幾年前考第一次肥左，晨早7點起身搶快期跟住大概3星期後再考pass，唔知而家有冇咁快。
1個讚
因為前幾年聽話要等成3年所以我好驚愈嚟愈耐
乜原來有得咁，等我留意下，多謝你個tips
啲人話香港駕駛學院易啲pass不過貴啲
1個讚
朋友1月中左右報路試 6月初考
又唔算等好耐 可能要睇考邊個場 
香港駕駛學院
1個讚
其實運輸處網頁有講各類型駕駛考試排期到幾時
咁又算好快wo
係？!等我望下先，以為係跟唔同學校tim
我都想學!! 諗住駕駛學院,
不過要俾左錢先, 但又唔知排到幾時
1個讚
我一年前左右報, 因為疫情SUSPEND左筆試, 等多左幾個月, 前日先第一次上真車學, 排6月考路試
1個讚
我拖咗好耐，覺得唔可以再拖落去
咁都算係快，祝你一take過！
1個讚
駕駛學院最方便，但最少補街鐘。
1個讚
我40幾歲人，諗住都唔渣車，為左未來去英國生活，我今日剛剛考完車，乙部 pass, 丙部肥。
係街場師傅平過駕駛學院一半有多，但今日考完車，以我性格唔覺得我路試可以 pass 到。
我廿年前考跑馬地，學車時撞過一次車，之後考試肥左，之後就無再學，心理有好大陰影。
今日考完忠義街，俾的士佬 fake 左我一野，之後又俾路人行出行入又 fake 多次，玩完。我直路大圈都開到近 45km , 平時學車會由何文田，返旺角狗屋落車，去攞實戰機會。 跟師傅有樣好，係技術，和膽量。 呢啲人多車多地方考車，真係好講運氣和耐性。
我補考丙部路試應該去鴨利洲駕院考，我知貴好多，但我真係無時間去磨，以後有機會去英國先補鐘。 條路好直好濶，點都無九龍咁多車。感覺係易啲。當自己俾多啲錢去買條易啲嘅路線，個心會好過啲。我諗如果我又跟師傅，下次要考培正或石蔭，平一半都無用，我多數都要考多次。
1個讚
去apleichau 考好似最易
睇你想易pass 定想真係識揸車 （利申：係鴨駕考第左兩次pass 咗）
駕院d 師父好參差，好睇彩數，但好處就係泊位係場內，多機會練同埋個位比較闊。加上鴨脷洲條考試路線無燈位，考少樣野
缺點就真係貴，同埋考完都唔一定敢揸出街
1個讚
我初時都係咁諗，所以搵師傅考街場。
師父參差最大鑊，因為先入為主，壞左手勢以後好難改，但好彩考場要求唔高。
駕院場內考乙部係易好多，同埋鴨利洲條路好濶，跟本唔可以跟忠義街細圈，和石蔭啲死車陣，公屋班馬線，黃格呀婆亂過馬路，加對頭車比。 所以，考完唔補鐘，之後又無咩機會揸車，就好似嘉倩BB 手車 咁驚嚇。
但考街場都未夠經驗上 highway, 都要補鐘。考培正已經係最接近現實生活嘅技術。
2個讚