我都係一直拖話考話考又無考，而家覺得有咩事去到外國識開車好過唔識所以去學，大家一齊努力，我以前係外國炒過車之後其實一直都驚驚地。
1個讚
我預自己pass咗都係要再多練習㗎喇，就係聽過話有d學院d師傅會hea教，等你唔pass再比錢嚟過，所以問下大家有咩經驗。我會參考下，thx!
呢個好認同！
我成日見到啲學神揸得好衰。
實際上！其實係師父衰！
例如我見好多師父，都冇教學神讓車(有時候應該讓比後面車過先，自己再慢慢摸!唔習慣讓人既話，咪好似啲「篤油」人！係駕駛態度問題，學車都唔讓、考左牌仲唔飛咩?)，有好多又冇打燈(師父唔係應該提醒架咩?)
學壞師都係馬路炸彈。
學車唔係淨係手車，仲有駕駛態度！
駕駛態度真係好影響安全
ViuTV節目睇陳嘉倩揸車就知咩事 
我廿年前第一次學車就係呢啲師傅，當年在大球場附近練車，開得好慢，俾後面車呠呠，師傅話，唔使理佢，由佢呠到痾血。
撞車嗰次就係小路出大路，車頭伸出左界，刮花左大路的士，師傅零意思踩停，撞到先至知。廿年後我都記得好清楚，因為剛畢業真係冇咩錢，肉痛到依家仲記得。
我在街考，街師傅。
考左三次
不過頭兩次。。。都是考官太嚴
1）轉線時間不好
2）轉波時間太早
講真，俾的士佬玩，真係要睇你好唔好彩 和師傅九冇教你點應對
1個讚
原來學車撞都要自己賠架？我以為師父都有啲負責添！
佢咁樣好不負責任喎
你係學神，係唔識架嘛！靠哂佢提醒！
呢啲師父真係好差
累死人！
其實好唔岩囉！因為我覺得咁樣好有壓力，好影響學習！而且，人地可以真係趕呢？
有條件讓係好應該讓！
依家就算考左牌，有時去到唔熟路既地方，我都會讓開比其他車過，自己慢慢摸！
唔會心急做錯決定!
係一人一半，行規嚟架。
1個讚
所以學車和揸車係兩個世界，現實中真係望下鏡就 cut , 冇咩司機做足打燈擰頭。自己要醒定啲。
去民居屋邨窄路考車，大媽行出少少馬路，foodpanda 左穿右插，學神要停要讓，唔呠得，但現實生活係呠佢提醒佢。
的士小巴係最無耐性，等客就行下停下，有位就爬頭，之後學神就衰太近物體。
1個讚
點樣係轉波時間太早？而家學梗車，一起步就差唔多轉二波，另外的士佬會點玩？突然cut入？請指教。
的士，VAN 仔佬 常見招數，依家仲要小心電單車，經濟唔好，又唔方便出食飯，多左好多 panda , kangaroo ，有啲仲係 P 牌。
1。扮死車，等客等call 停係度，當你要當佢死車咁過時，佢燈都唔打就開車，你就衰太接近物體。
2。巴士埋站上落客通常學車會停低等佢開車， 的士通常唔會等，連過你和巴士，望盲點唔夠快壓住你身邊而你開車，考牌官一定踩停你。
3。踩住雙白線，影線過你頭
4。出路口，如一邊轉左，一邊轉右，一般左線車係唔會轉右嘅，的士佬見你無膽出，就入左線同你平排，之後你轉右時，佢又轉，你又衰不注意路面情况。
1個讚
咁真係好賤格
講到咁 即係仲考唔考好 
考！因為呢個係現實你要面對嘅嘢
我唔識開車同埋覺得要眼觀四面都幾有壓力，但為將來打算都考慮要學，電單車同4個轆都有興趣，邊個會容易D？ 
點解的士司機好似專登整蠱學神咁？!
未到危險，師傅唔會整停你。
而學車中，師傅正常會提你小心，但你都要出意外，點解唔係學生負責？？
轉波太早，
有次考油塘，大直路轉上山，我預早由3波轉2波，可以不用太急停車。但考官就覺得太早減慢，其實都係30米內的事
大部份，有一些會在你細路出大路時，佢在大路加速或減慢，影響你出車時間。一出車就。。。
但當然，有好的，會在你前面正常行或慢少少來幫你。但。。。機會好難
你有冇睇返我覆個位 jm既原post？
佢就係話師父冇意叫停佢導致意外發生！