醫生都話"應該就唔會再點樣變大",而且"行路郁動關節同肌肉都ok"
咁都唔係急到要即刻做手術
只好等多5個月
反而開解下小朋友
同埋教佢要多d留意自己身體變化
有咩唔妥就即刻同你講 (佢阿媽係廢, 旨意佢就死得)
你會幫佢
同埋下次有咩事就睇私家
呢d靠急症室都幫唔到佢
雖然小朋友嘅情況好嚴重
但對急症室嚟講, 呢d真係唔算急症
佢睇電腦見到兒科有覆診期跟進就算
急症室醫生唔係兒科專科/ 皮膚科專科
唔會幫到小朋友太多
既然都搞到咁大件事，政府醫院應該唔會hea你，可能仲有快期添。
有時塞翁失馬，焉知非福呢
你呢個亜姨真係好好。
2個讚
我諗都應該真係啲相影出黎太恐怖先嚇親人以為係虐兒，同埋啲人又一知半解咁睇啲唔睇啲就自己作曬故仔信以為真咁。
記得同你家姊講聽番醫生建議，好好護理傷口。
我諗哩件事不幸中嘅大幸算係多左人知，希望有叻嘅醫生見到會主動幫你姨甥仔整返好隻腳。
期望下次聽到你嘅好消息。
我都係咁覺得
但有時又好難怪佢地
一來佢哋可能覺得轉介小朋友睇專科醫生會比較適合
二來急症室原意係用嚟救急扶危
唔係睇慢性病果d
1個讚
九月只係見醫生，都唔知幾時先可以入手術室，不過，知道傷口唔會惡化，你同家人都安心D
見到你地睇咗醫生，拎到有用嘅意見真係好喇
希望轉介信可以幫到你地快少少，如果有經濟負擔，返公院係輕鬆啲嘅，因為術後係要覆診覆得好密。
不過都俾多個資訊你，私院有種叫低收費床位，可以經政府醫院轉介過去做外科手術（不過全港得兩間私院有，詳情可以google），時間會快啲，手術費用就會在公院同私院之間。
祝福你們。
公立醫院Ok的，似乎佢媽媽不太懂，可能需要你幫下，有D人見到醫生係唔識問問題，你可以陪佢覆診。就算唔係親人，有需要就要幫忙。
小朋友係感受到你對佢的愛和關心，會影響佢正面的心理成長。加油，祝早康復。
1個讚
我都係追連登post先知你呢件事
其實嗰邊ge留言幾乎全部都係為小朋友着想ge，不過連登仔把口就臭D
其實都係為咗保護小朋友
始終小朋友無能力保護自己
呢排又咁多虐兒新聞
無證據顯示你家姐虐兒ge，你家姐都唔會有事
至於你同你家姐壓力
對唔住，對比起無辜稚子ge安危
大家可能呢排都比較杯弓蛇影
但小朋友出咗事就返唔到轉頭
我自己都有個5歲仔，我睇到你個post嗰晚我喊咗，你又del post，知道小朋友隻腳腫咗大半年，會唔會大半年無活動過
又唔知點跟進
好驚5歲小朋友隻腳要切
本來想話喺嗰邊留言話如果私家貴，公立又等得耐ge，會唔會眾籌捐款，駁你有上連登睇下見唔見到，最緊要幫到小朋友，但又驚鼓勵咗一D衰父母用呢招虐兒牟利
而家見你話小朋友一直活動無問題，而且有解決方法就安樂
祝福快D康復
8個讚
唔好妄自菲薄啊
有問題嘅係 this broken society 
該主題在最後一個回覆創建後30天后自動關閉。不再允許新的回覆。