上曬報了
有醫生回應了 
唔知樓主同姨甥仔今日睇完醫生點呢？
兒科醫生張傑認為，這種情況罕見且不尋常，因為如果當初小朋友的傷勢如此嚴重，公立醫院理論上並不會安排如此長的輪候時間。
他又表示，簡單從照片觀察，不排除傷口或已發展成疤痕增生。疤痕增生是指，一些傷口在癒合後期所長出的一些額外組織。
如果證實屬於疤痕增生，他直言治療將更為困難，而且或有機會跟小朋友的遺傳性皮膚有關。「如果真的是疤痕增生，而體積又這麼大，是很難處理的。因為不可以随便動手術。除了外觀影響之外也影響該部分的活動情況。」
我好明政府醫院點，我早年身體有事已經被當人球，甚至急症醫生開口罵你又黎？次次昏迷到院前都醒得返，醒唔返先再黎啦
做花生友好易，批評仲易。
雖然咁，但我都覺得佢阿媽應該一早帶佢睇醫生，同埋我好懷疑佢無著壓力衣，我自已識既朋友都有燒傷，仲係幾乎燒死果隻，出院後佢長著壓力衣，個傷口都好靚。
1個讚
希望小朋友得到適當治療，日早康復。
樓主都係一番好意，雖然係攪大左件事，但至少依家小朋友可以去睇醫生。
2個讚
相信樓主同家姐已經收到哂各方意見
亦已經有後續嘅治療安排
我哋不如俾啲空間佢哋，好好復原，繼續努力生活
祝福!
8個讚
o noo, 真係如樓主所願，搵到醫生比意見了。。。
可能比人拉左
唔見左人
唔岩聽都要講
當小朋友整親後有即時睇醫生，都要好留意傷害情況
你家姐好明顯冇理，真係無藉口去賴其它
所以你家姐係好錯同好不負責任同好差
希望小朋友得到合適治療，快d好返，唔會影響佢日後生活
1個讚
其實我覺得肯上網問已經好過嗰啊媽
咁嘅情況都覺得可以等到公立俾佢個期（9月），要等多5個月啊。點解覺得仲可以慢慢等。
上埋
班連登仔有講個媽似係冇聽醫生講點處理傷口疤痕著壓力衣搞到咁：/
睇完報導醫生comment,傷勢真係嚴重無誤
應該一早再尋求其他私家醫生意見
拖到咁仲要樓主上網問，搞大左先有solutions
一定係父母責任
樓主帶完姨甥仔睇醫生，醫生點講啊？
Hello 大家好，上嚟係update返小小資料，知道好多人都好擔心小朋友嘅情況，托賴仲未比人拉 
唔好意思上咗新聞，我唔想透露太多，同埋醫生d terms有可能會講錯，因為我無抄note 
大約係咁嘅意思
如果令大家誤會係咪扮睇咗醫生或者咩further資料我就唔係好方便再講，只係想真心關心嘅jm放心
首先，學校其實一路都知道小朋友嘅情況，我家姐亦無隱瞞傷勢個d
第2, 今日已經去咗私家醫院到睇，亦都有將過去傷口進度嘅相、搽過咩比醫生睇
醫生大約節錄就係：
小朋友係疤痕膚質，傷口好易會生肉芽
4個option去處理呢個傷口，有2個因為會好痛，唔建議小朋友做
另外2個建議就係植皮，用自己嘅皮定人工植皮
如果係自己皮，會係大脾取樣，咁即係大脾會有個傷口，除咗同時多咗個傷口要護理之外，呢個傷口亦都可能會變成隻腳咁，同埋大脾有傷口可能會長時間影響佢行路姿勢
人工植皮就係佢最highly recommend，同埋植皮後嘅護理係最煩最多，當然價錢係最貴，佢就建議返我哋去公立醫院到做
今日亦做咗好多活動test，小朋友雖然個疤痕咁大，但見佢行路郁動關節同肌肉都ok，傷口亦都顏色變深，應該就唔會再點樣變大，而家都係美觀嘅問題為主
咁佢就話我哋可以考慮一下嘅
我哋情緒都ok，仲話唔知醫生有無睇完新聞一見到就話：哦～原來係你
多謝大家嘅關心，網絡世界真係好恐怖
我以後都唔敢再亂po相同問問題啦，希望大家引此為鑑
19個讚
睇咗醫生搵到方法解決就好啦，最緊要小朋友可以健康無患，雖然今次有啲小風波，都算過一段落，唔好放係心上 
2個讚
佢建議你哋去公立醫院做
都算有良心
但要排幾耐?
佢有冇寫轉介信?
1個讚
希望小朋友快快康復，你都唔好太自責，網上世花生友有好多，真正關心既人都唔少，等你將來再報小朋友<已經康復>既消息。
6個讚
你都係心痛小朋友, 想幫佢je
如果唔係你幫手, 都唔知仲要拖到幾耐
2個讚
知道小朋友情況向好，就放心了。
男孩子好易受傷。
如果體質有影響，我諗小朋友同媽媽都可問醫生學下日後如何處理傷口。
未來有排行，小朋友加油吖～
1個讚
有同佢講我哋窮人唔小心生咗仔 
所以醫生都話有經濟負擔就去公立會好d
轉介信都有但係佢話因為已經係疤疤處理，所以就算快極都係早9月少少，唔好太大期望會即刻做到手術
政府野，個期俾得急你先驚，因為一定大件事，而家睇左私家，知道無咩事，唔好諗咁多。
1個讚