https://lih.kg/2465720
估唔到發酵成咁，自己喊咗成晚驚累到家姐唔知幾時比人拉 
我無連登acc所以係到澄清返希望jm幫手fw返
首先對唔住，我嘅先入為主唔中意我家姐，所以之前個post係矮化咗佢
我係100%相信佢無虐兒，佢有時連大聲d鬧個仔都唔會，小朋友好痴佢，小朋友嘅行為係好真實
第2，對唔住係我一知半解就開post問，我原意只係想問有無好嘅醫生介紹，所以提供比較少嘅資訊
第三，見到facebook 同連登都話慳幾百蚊咩醫生都唔睇，有隱瞞
- 當時燙傷已經即刻去咗醫生，亦有遵從醫生指示洗傷口覆診（佢仲好驚去洗傷口，因為每次都要擦走d死皮）
- 做物理治療係醫生叫嘅，係洗傷口之後嘅事
- 小朋友今個月已經開學，老師係知道
排到公立9月應該係傷口變成肉芽嘅問題，小朋友淨係覺得痕，可能後續處理得唔好
無諗到引起咁大迴響後
雖然我真係好唔中意我家姐，但小朋友受傷之後佢都受咗好大壓力，我原意真係幫佢而唔係好似而家咁害佢
我真係好驚瞓醒之後唔知警察定慌張西望幾時拍佢門先
亦都好擔心網上嘅言論令我家姐唔開心（雖然我哋感情唔好）
del po原意係想件事唔好發酵，睇嚟我做錯決定
對唔住我真係好後悔開咗個post 我哋今日會去睇私家醫生做評估
11個讚
根本不涉及疏忽照顧或虐兒，也一路有睇開醫生跟進，根本就是你自己喧賓奪主，個仔又不是你嘅，真係皇帝唔急太監急，簡直係不知所謂
其實好多人都好關心同緊張個小朋友
你都係一樣先至會出post啫
平常心,勿擔心
5個讚
呢個係我原po個問題，就係希望有人介紹醫生比我，我改返d字句
引起咁大迴響同誤會我真係覺得好唔開心，我亦無怪其他人
係我做錯咗
可能有人會錯意，但的確傷勢好嚇人，所以大家都比較關心！
但有追post都感覺到你係關心小朋友！
依家只係希望小朋友可以盡快接受治療，唔好影響日常生活！
3個讚
我唔覺得你有話過家姐虐兒，不過真心︰忽略佢一定有，仲好恐怖添
你冇做錯，唔需要怪自己
4個讚
有時候睇眼漏一定會有，
小朋友禁活潑，
跑跑跳跳整親在所難免。
1個讚
唔好唔開心同太緊張
大家都係關心小朋友
希望你姪子快點好
希望你生活回復平靜
2個讚
好多謝大家安慰，搞成咁我真係好內疚
小朋友個傷勢係幾震撼，所以大家嘅擔心係正常
加上臨臨件事 見到呢d post 提高警覺都正常，亦都係好事，不過發生係我身上就
因為出post 前2日我先知個變成一舊嘢，加上聽到佢話9月先覆診，我真係好嬲同好無助，所以先咁
無諗到搞成咁
無論係家姐定我都好有問題，但我真係好擔心我家姐睇到d comment，因為小朋友整親無人想，我都覺得後續嘅處理佢真係做得唔好所以變成咁，但佢已經好大壓力，唔想再加深佢嘅傷口
1個讚
你要有心理準備，可能好快有警察check到你ip上門要你協助調查，然後拉埋你家姐，小朋友送去保良局暫托
嗯嗯，我已經同咗佢講聲陣間可能有警察上門（可能聯絡我先）
1個讚
明白你作為姨姨係出於關心小朋友同一片好心，你當時一心想幫佢。
但係原來100人入面有1個花生友已可以將件事搞大，令一個求助個案變質 
你只係諗得唔夠周全，低估咗互聯網威力，希望你唔好太自責!
換個角度睇，件事唔發生都發生咗，依家引起咗關注，如果有記者問返醫院，可能因為咁而醫院會俾個快期搞，盡快幫返小朋友。而亦都希望家姐以後以此為鑑，跟緊啲小朋友嘅事。
Life goes on. 希望盡快雨過天青。
Blessings
9個讚
