係咪我太弱雞？我一星期跑一兩日，每次20分鐘左右，有時狀態好就跑30分鐘。但通常30分鐘對腿會開始攰同軟，返到屋企好似跛咗咁
係我太少運動？少運動來講算正常嗎？
定我腳太少肌肉？
有無做熱身？ 我發現熱身對做運動好緊要，跑前跑後都要做
我係短跑唔得,長跑反而好d~
跑步唔係用小腿力（行路都係）
應該係用pat pat位帶動大腿發力
你用咗小腿力即係pat唔夠肌肉，所以個pat會平會扁，無翹臀。理想身形應該係pat圓集中，大腿正常粗幼，小腿幼
照你呢個跑法小腿肌肉會越黎越發達，越黎越粗，拉筋都無辦法解決呢個問題
我15mins已經無氣無力
太小做運動
有冇咩方法減小腿肌肉定無得救
唯一解決方法就係練pat練dd大腿，呢兩個地方有肌肉有力，平時行路就自然用咗嗰兩個位。小腿肌肉唔用就會縮，就會變幼，至於脂肪，要靠飲食控制。整體脂肪+肌肉少咗，就肯定會幼
4個讚
u做完一定要拉筋，會冇咁累同冇咁酸
練Pat 係咪要做深蹲
深蹲做唔啱d力會大部分去咗大脾度，即係大脾肌肉會發達過pat
無專人指導唔好亂咁做
深蹲練pat效果亦好微，普通人自己練就只練到dd
最理想係pat肌發達，臀線會提升，望落pat圓腳長咗，大脾有d肌肉，小腿幼
做橋式，抬起夾實屎忽拿收緊腹部，會感覺patpat肉有收緊。
無收緊可能patpat肉瞓左。
不過想知patpat肉有無瞓左可以搵PT佢地會教你用正確運動去練番瞓左個舊肌肉
1個讚
我唔想請教練 咁可以點練pat肌
呢個我有段時間都有做 相對較輕鬆又可以收埋肚
你呢個問題=
我想減肥但每日食好多零食，可以點減肥
我答唔到你
但我可以答你如果你自己練，練唔到你想練嘅效果（pat夠力但小腿肌肉會慢慢縮）
亦未必練得啱
樓上JM講做橋式都可以，但橋式做唔啱個力又係去咗大脾度
練Pat本身就係一件好難嘅事
但我係鴨c忽喎
我下次試吓刻意用大脾pat關節跑，睇吓會唔會好啲
咁我放棄啦 
鴨C忽可能係盆骨前斜（姿勢不良）
唔係臀部肌肉大令pat翹
我見你跑步d力落曬小腿度就知道你應該係連行路姿勢都用唔啱肌肉
因為我之前都係咁
其實既然想改善身型，但又唔想付出，點解呢？
呢樣嘢同自己唧暗瘡同出去俾人清一樣道理，人地係專業呀嘛
問題係無錢嘛 同埋我小腿肌肉唔算勁
1個讚
我本人C忽無力，仲要一邊PAT肌肉正常，另一邊PAT 肌肉係完全無用過，我除左橋式，仲要局部訓練一邊PAT。
不過好肯定我做左橋式一個月，係感覺到PATPAT肉有出力會拿實，企係度會感覺到PATPAT 挺左。
一日做５次橋式，每次要維持２分鐘，都幾難捱個２分鐘