真心唔明點解亞嫲嫲成日都同我個女講（係呀， 爸爸/媽媽唔要你呀？）係咩玩法呢?
背景：除咗個女我仲有隻貓， 咁啱貓貓呢排皮膚有問題， 成日r到損晒， 食咗藥同揸完藥膏都時好時唔好， 而隻貓係比較痴我嘅， 同貓貓成日係我張床到瞓， 所以我放工返到屋企， 嫲嫲已經係度抱緊亞女， 所以我就會睇隻貓先， 之後嫲嫲
會同個女講話我要隻貓唔要佢次次黎次次都咁講， 我就黎又忍唔住會俾面色佢睇， 真心想知你哋屋企d長老係咪咁教d孫?
我估
係老人家有無文化修養嘅問題
我最近見到有老人家當住兩姐妹（4歲7歲咁上下）面前話：姐姐靚過妹妹，loop幾次
個媽咪好尷尬，唔知點答
個老人家好似係個媽咪契媽
1個讚
其實佢未必有心離間你，因為我阿媽同老公都會咁亂講嘢，出於衰多口，佢心入面其實係希望你關心個小朋友，佢唔知你內心點諗，以為你真係唔理個女，咁你就要解釋番比佢知其實係咁咁咁。
一般係呢個時候，我都會語重心長咁教育番個大人：「拿，你唔可以咁講嘢架，我知道你唔係有心離間，不過小朋友聽到會信以為真，會傷心，而我聽到都會誤會你，會唔開心⋯⋯（然後解釋番當下點解自己冇理小朋友）」
個大人自己都會唔好意思，因為佢真係講錯嘢，我個女仲係bb未識聽人話，但我都要由衣加起教育佢哋。
6個讚
記得陀住一個時99同我女講，第日媽媽唔要你喇！
我當住老公面剷到佢上天花板
利申：我哋關係良好，但我99知我惹不得。
5個讚
真係唔明老人家，乜都要比一餐，邊個食飯快、飲湯快、食得多都要比，痴線係咪想濁死佢。
我講多幾次，唔使鬥快，但要食得好食得夠，佢就知自己講錯嘢。
我女由細到大都慣左我係會顧左啲狗仔先，佢細個會呷醋，到大左以家變左同我一樣。
動物係弱勢社群，先照顧係冇問題，况且又唔係真唔錫個女。
你奶奶講下啫，啲老人家係咁口X，冇悪意既。當年我媽都成日話我嫁左俾隻狗
我媽以前都係咁，有次我 我妹 同佢個朋友個女(細我兩年)一齊食瑞士卷，人地食得快過我地兩姐妹，佢黑面口up up"你地第日都係要跟佢搵食"
完全唔明佢句野咩意思，唔通食瑞士卷快就叻d嘅咩
1個讚
痴線
點解你奶奶講嘢可以咁唔經大腦
咁樣嚇小朋友佢哋會好驚㗎
啲老人家係咁，真係好老土
我老爺都試過同我女講，你老母唔要你喇
我啲火即刻嚟，同佢講，首先我係佢媽咪，唔係佢老母，另外你再咁講嘢我唔會再俾我女同你見面
其實乜事都無發生，佢只係純粹口痕
比較呢個概念真係好唔要得，細個嘅時候啲長輩好鍾意家庭聚會就叫啲小朋友埋嚟度高，拎成績表比較成績，係咪小朋友矮啲成績差啲就要比你哋當眾笑？
不如呢啲長輩又比較一下人工，比較一下戶口有幾多錢？
而家啲小朋友大個，已經唔鍾意同呢啲冇腦嘅長輩聚會
3個讚
唉， 我唔可以咁樣爆我奶奶架， 我老公好孝順嘅， 之前已經話我好俾面色佢亞媽睇， 搞到佢好尷尬喎， 叫我唔好怪佢老人家唔識野， 總之有咩野， 就係（老人家年紀大， 算啦）
其實如果佢再係咁講， 我就唔會俾佢抱我個女
佢係唔會覺得佢會嚇親個孫嘅
呢d大道理只可以我老公呢個做仔嘅講架， 如果我講咗又會攪到奶奶個心唔舒服架啦
1個讚
其實佢不嬲都唔係好想我哋養埋隻貓， 不過我哋堅持唔會棄養佢先無計姐， 成日都話我哋搞咁多野
咁你除咗忍同呻，都唔可以做d 咩。
我個人就火爆嘅，佢話我連佢都爆埋
可以講老人家講嘢有時唔經大腦，但唔代表可以傷害我小朋友。
唔係針對99，我自己父母都係咁，
我一定會保護番自己個女。
要爆奶奶只可以做仔嘅佢去爆， 我係唔爆得嘅
咁做老婆爆得個老公喇卦？
咁下次返去捉埋呀囡一齊睇貓lor~唔好比到位你99入jie, 既然你位置咁被動。