佢唔舒服都冇辦法架，我會做正確嘅事
反正佢都令你唔舒服⋯⋯一係你就真係唔好放係心
你女幾大？
唔好理佢動機先，你應該當面直斥其非。
佢咁講嘢唔只離間母女感情，仲會令個女冇安全感，甚至對隻貓有妒忌。
下次佢再咁講，你要即刻stop佢，例如：乜你咁講呀嫲嫲，我十月懷胎痛咗十幾個鐘先生到個女出嚟，佢未出世我就期待準備，我邊樣唔係為佢操心，佢係我心乾頂嚟架，愛佢仲多過自己。做人阿媽一定最愛自己小朋友，你實知格… 云云，等佢知你好介意（冇阿媽會唔介意）。
2個讚
很多老人家無咩讀書, 不懂是非, 亦不會從別人角度去想.
他們在弱肉強食有你無我的環境下長大, 只有鬥贏別人才可留低甚至生存, 今時今日還在世就證明有相當的能力.
鬥爭和較量又是離不開的. 他們潛意識就是要拿甚麼都比較一番, 人和人不能比較就拿動物來比較, 不分高下唔清唔楚他們心裏不安穩呢!
我理得佢，總之佢一講我會好大聲stop佢，係近乎惡嘅程度
關乎教壞小朋友問題，我寸步不讓
亂講嘢丫拿
如果長輩講有違我教育方針嘅嘢，我會溫柔禮貌地補多句，講多兩次啲長輩就唔會再講，仲講，就講到佢唔講為止
例如呢個情況我會話「爸爸媽媽好錫你，一定唔會唔要你㗎」「媽媽又錫你，又錫貓貓，你哋兩個都咁可愛」
長輩聽多兩次就無癮
1個讚
雖然我無小朋友但好認同你個做法(´▽｀)
首先解釋同安慰咗小朋友先再屌返或教育返個大既
1個讚
佢咁講野都幾黑人憎… 可能佢想你個女痴佢多D, 不過下次你都可以一番屋企叫左女女個名先,等個女都知道你第一個諗起佢
「係呀
你再係咁講嘢，我就唔要呢個嫲嫲㗎啦」
1個讚
老一輩係咁講野，目的都係想孫仔孫女聽話聽教痴身/父母痴返個小朋友。
我會選擇講「你再咁同佢講呢句，我唔要你喇！送你去老人院！」
再唔係就之後表達你好唔鍾意呢句「我同你一樣都好愛阿女，我唔想佢亂諗野覺得冇人鍾意佢。下次唔肯再畀你湊驚聽到你講呢句！」啲老人家一定話「咁少事冇野嘅」，之後就搬個故事出黎「阿女同學 XX 個婆婆覺得 XX 唔聽話，話打電話拉佢坐監/爸爸媽媽唔要你，嚇到 XX 係咁喊，唔肯見婆婆。你唔想阿女喊住唔肯黎你屋企，就唔好再講」動之以情搞掂佢。
唔好意思，令我諗起我99成日同我小朋友講，媽媽鬧。因為99成日係小朋友食飯前比零食佢食，我就話唔好食啦，要食飯！99成日就話：媽媽鬧啦！媽媽鬧啦！
我心諗，獲獲都係食飯前比零食小朋友食，仲邊會食飯！點解一定要媽媽鬧，你自己（即99）唔比小朋友食咪得囉！
唔係爆，係糾正，同埋一定要當面，到你老公就算肯話佢阿媽，但呢個舉動你女唔知，所以佢唔知呢樣係嫲嫲講錯，一樣冇用。道理同教bb教貓狗都係，你唔即時制止佢，返到屋企打到佢喊，佢都唔知衰乜，改唔到，就算你講返今朝乜乜乜，佢都唔會記得/知。
不過你可以用開玩笑口吻，聽到嗰下即刻抱返住囡囡，跟住話「唔會呀嫲嫲，都錫哂囡囡㗎，所以囡囡都要一齊錫貓貓呀」之後抱開佢睇貓貓之類。
利申：我養咗狗好多年，而家有咗bb，有個街坊同我隻狗好fd，成日同佢玩，佢發現我有咗之後同我隻狗講「就嚟唔要你喇」我都會笑住同佢講返「唔會呀繼續錫㗎」咁樣，雖然我隻係狗，我都覺得佢識聽。
1個讚