往年停課功課上無咁壓迫，好似係提早放年假，又啱啱疫情學校未準備好網課可輕鬆過年，再以前更加好，小朋友返學我可以大掃除辦年貨。
今年特別辛苦，zoom到年廿九，呢段時間zoom完食個午飯後立即做功課到4點幾起碼，根本一直要陪住佢喺屋企，大掃除怕阻住佢上堂，又唔敢留佢一個喺屋企去買嘢，下午亦都如是，如果出咗去功課就做唔切。
我仲未大掃除同埋預備糕點，以往日子一個人炒十幾斤糕，外家已經問定要糕唔知點算
我同我媽講今好忙唔知整唔整到，佢一句撻埋嚟佢仲食得幾多年，你唔洗做有老公養個小朋友又咁大唔洗餵奶！什麼zoom真係唔洗解釋佢唔會知係咩
頭髮都未整，利是都未唱
尋晚臨瞓喊咗出嚟，屋企嘅嘢真係趕唔切做
好無助，呻完
1個讚
依家都好早咋喎。
媽媽唔好比禁大壓力自己。
放鬆… 如果平日有執屋, 大掃除係咁意得啦… 至於糕點, 買現成可以嘛…利是就仲簡單啦…唔講究要新銀紙, 呢幾日就盡量用大紙打散D 廿蚊/50蚊紙 返嚟… 留起佢包咪得囉…
2個讚
放鬆啲，仲有時間做，搞唔掂就出去買榚，唱唔切錢試下叫朋友唱嗰時幫手唱埋，一樣一樣搞掂。
d糕咪出去買
1個讚
放鬆啲~~~ 新年規矩好死架咋
有時間就做足 無時間咪簡單做囉
平時都有清潔屋企 唔洗特登大掃除啦
又或者傳統係要執下嘅話 趁星期六日爸爸媽媽仔仔女女一家人一齊執囉 有人分擔下又可以有家庭樂 再唔係請個鐘點姨姨 年尾做幾個鐘又得
糕點就買現成啦 壓力大時要識得say no
辦年貨都可以上網搞掂 我今年買禮都係網上訂送貨 簡單方便 唔想聚集唔諗住見果啲 咪直接送貨到人哋屋企囉
有咩做唔掂 就叫老公幫手 
3個讚
1)大掃除 - 斷估平日你都有打掃屋企，繼續保持清潔即可
2)糕點 - 冇時間整嘅話，買現成，幫襯黃店
3)新鈔 - 排隊換新鈔好似已經完咗，現只有迎新鈔。
4)整頭髮嘅話，今個星期六/日，老公係屋企睇仔女，你去整髮。
2個讚
糕就去買算啦，話真係忙到無時間整，唔唱新銀紙，直版就得，收左咁多年利是都無計較過係咪新。
教小朋友已經夠辛苦同大壓力，其他野放鬆下。
放鬆啲，仲有時間襯星期六日老公放假叫佢幫手一齊做，換錢果啲叫老公平日lunch去換。屋企大家都有份，分工合作。
,清潔打掃每日做d,我都係咁,分左幾日抹窗洗廚房 
廢事堆埋一日做 
或者分d比屋企人一齊做.糕就現成啦,一年半年,最重要係份心意.利是就買餸買野唱d用.而且今年疫情都唔會有咁多拜年活動,應該比往年用小d.
2個讚
加油 大家一齊頂住
u are not alone 。 今年都不使點派利是，我直情冇唱。
打掃清潔日日做少少,買野上網買,只係整2底糕俾你呀媽,其他買就算~
首先放棄大掃除啦
跟本就係做到啲女人扒喺度
仲有啲糕整咁多做咩，我自己都打算每樣一底就算，太多啲人跟本唔珍惜。年年到初四開始仲食糕就苦口苦面
今年完全無過年氣氛。亦無興誌去粉色間房過年。
你阿媽…要你做咁多野
好慘，只做最必須的啦，湊小朋友已好辛苦，主婦好多嘢做，真的唔好勉強
整糕？唔整啦，幫襯黄店算啦。
我都未整頭，因為R損左個頭皮，應該都唔整了。
請左鐘點黎清潔$500/3hr，其實都係求其，懶得自己做。
新銀紙年年都冇預備，又唔係派好多，上年仲係payme利是添。
得閒咪去買下糖果年貨，我先唔會做死自己。
記得以前朋友個媽6,70歲，過年前做一大堆嘢預備過年，然後又團年飯又開年飯，終於一睡不醒，中風。
多謝各位留言，啱啱同老公傾又喊咗一次
網課真係玩死家長，整日人盯人咁困屋企，又加上疫情同埋過年，就算留小朋友上堂自己一個落去買麵包都係心虛，完全無位走盞
年糕實屬我呀媽情感威䝱，買比佢就一路食一路咒，年中又講年尾又講一定要我整，因為咁多年我包辨，佢哋唔會去想知我有無壓力，你整開就你㗎啦
包利是先過引，每年唱二萬比老公派，佢工作好忙真係無可能去到銀行，又唯有我同佢唱，我只想快啲放假可以全加速做嘢，肉酸啲講一家三口內衣未買新，我以前有年無買新底褲真係年頭衰到年尾。仲有學校排山倒屎咁比功課。做完都八！九點，每日如是，我可能有仰屈症唔定
3個讚
其實我今年反而無咩野，因為上年新年已經爆發，上年都淨係派左少少利是，今年用返上年淨返果d