take it easy~ 知道你辛苦同忙，抱一下！
有得hea做就hea做，例如大掃除咁，既然疫情都無咩拜年嘅話，掃下地拖下地咪當做左囉。
整糕嘅話可唔可以weekend同小朋友一齊整？唔整得多，就整少少，叫做「塞住老人家把口」
（咁講好衰）同埋唔好整太好味，太好味下年又繼續整
2個讚
可能樓主就係整得太好味，佢娘親週圍送糕好有飛屎，所以點都唔放過佢。
其實真係理得佢丫，Touch wood講句唔通我病左都要夾硬整咩。
1個讚
你咁仁慈嘅，就今年同佢講唔整喇，以後都唔整，買俾你食就食唔好咁多嗲。
3個讚
買家庭式小店當自己整可以嗎？
個d.個包裝都係石紙兜同膠蓋，同屋企包裝一樣嗎？
問起個味唔同左就話新食譜。
湊小朋友已經好辛苦，無謂俾太大壓力自己。
如果要唱二萬都唔算少，試下打去附近銀行分行/銀行個人經理(?)叫佢留定，搵日經開銀行就去攞。
內衣呢家嘢，睇下可否上網買，然後送貨/叫老公pick up啦。錢解決到嘅問題，有限時間內當新年高興錢。
1個讚
我個中學，zoom都3：50。（lunch 2hrs), 吸塵都要4點後。
我啲細路，佢哋7:45開始zoom，7:20吸塵拖地，之後搬檯搬凳，而家我先至慢慢食緊早餐。佢哋一早食晒嘢梳洗曬
仲有個細，6：00起身送返學🤦
剛剛返到家樓下食早餐
1個讚
其實今年過年真係要重新計過，係唔係仲需要做咁多野…
好多所謂傳統，未必需要繼續…
我諗起以前我奶奶成日上嚟湊孫，過年就會指點我要洗乜洗物、抹窗抹書檯，指定幾時一定要洗好抹好嘢、買新衫、我個人就好鍾意整糕，佢就鬧我傳統大掃除完先可以整（即係玩我），我偷步喺夜晚整，佢就哦我。
我最記得抹完窗，抹唔乾淨啲水漬，佢就鬧我，話我呃佢抹咗窗！
我奶奶而家都無再上嚟，啲家務我一於小理，做咩搞到自己咁辛苦！做咗又無人欣賞。執屋、丟舊嘢、抹窗其實平時都做㗎啦！天氣好，有心情咪做囉
3個讚
Totally agree，唔需要做足咁多，自己睇住做就得。
1個讚
完全明打你感受，我自己一個湊小朋友，好多朋友都唔明我有幾忙，成日以為小朋友zoom唔洗返學，我就好多時間咁，其實真係連落去買小小野都要等佢上完zoom，仲要食埋晏先一齊去到買餸，一返屋企就要立即做功課，如果唔睇住佢做，天黑都未做完，睇住佢做，自己又做唔到其他野，真係新年野都未得閒買。我都係呢兩日先上午抹下屋企
1個讚
佢要你整咩糕?整幾多底?睇下大家有無咩簡單食譜介紹俾你,唔駛整得咁好食啦
小朋友唔返學,家長先最唔得閒呀 
1個讚
相信樓主一定整糕整得好好食！
完全明白你 有好多野做果時真係會崩潰 仲要咁大個deadline係度
不過逐樣做 一定會做得切 可以網購既野係佢zoom果時快手快腳禁晒d hktvmall
有d可能貴d 或者會諗一諗 出去買都好方便 但少一樣就係少一樣
新內衣果d都可以網購！marks and Spencer都有而家仲有折
基本上我無打算今年要過年，唔係好朋友嗌我出去食團年飯（二人午餐），我根本唔知下星期過年
日子都係咁過，我鍾意做就做唔做就平時咁，舊年都無團拜啦⋯⋯今年繼續
1個讚
放鬆D啦~~整唔到咪唔好整
換個角度諗,今年年都唔係好需要拜…又唔使出去同親戚食飯應酬
又唔使比佢地黎我屋企指指頭頭,我覺得仲輕鬆左
因為冇人黎,年貨都唔使特別買
今年我都唔會拜年，只係買咗禮盒車去比長輩送禮之立即走，但心始終好緊張想屋企靚靚咁過，同埋過年我習慣一次過換床上用品，另外買年花，可能係種情意結
自己過得舒服便可，經常要顧及別人感受好辛苦
我唔洗返工，都唔整糕，兼唔派糕。今年有疫情，年都唔會拜年。今年會試下連藍阿媽都唔見。佢其實都奈你唔何，老公唔嘈你，你夠膽做就得。
叫阿媽去你屋企睇住小朋友，方便你自己專心做。