關於夢,解夢,睡眠

之前在另一個神秘學post 講過少少關於夢,因為小妹都有研究開催眠、解夢、中醫,見大家好似都有興趣知多D, 咁我開個post 拋磚引玉引D高手出來一齊討論下~

DreamWork其實是一個好大的體系,有不同介別範疇
e.g.催眠會有,心理學有,shamanism會有,Neuroscience 有, 道家有,印度有dream yoga,唔知fbi定cia都有研究夢

咁我本身識識地催眠,有上過解夢課程(心理學潛意識角度為主),最近2年跟一個墨西哥的shaman 學緊古墨西哥的 Nahualism dream planting。

呢套口耳相傳古文化,mainstream比較少人知,他們相信夢境才是一切真實的源頭,我們清醒狀態的"現實"只是一面鏡。這有點像心理學話,表意識是潛意識的expression的說法,好多心結係隱藏在潛意識中。

呢套學問相信要改變現實/人生,首先由train自己可以駕馭夢境(lucid dream 清明夢,即inception咁)開始,因為在夢境中可連結集體潛意識,也包括祖先,大地,一切有靈之物 (唔使太驚住:laughing:); 夢境也可理解為連結其他時空的window。

當我們可以主動programme 夢境的方向,就可以解除limiting beliefs, 自我設限,甚至前世或祖先殘留給你的限制(呢部分我唔知點verify, 所以我無理住)。 之後就可以改運,manifest 好運,或者改善健康。個人認為屬於比較接近自我催眠的practice.

至於解夢,要首先講下幾個夢的類別:

  1. 日有所思,夜有所夢: 潛意識在我們熟睡時是最活躍的,所以也可以理解潛意識為一個自媒體咁,睡了都會整D片比你睇,題材會是你係接觸過的資訊database中搵料來炒埋一碟。如果發夢時無咩特別感受、情緒或聯想,唔需要特別去解。通常亦會好快唔記得(因為無厘頭)。

有時日頭諗唔通的0野,發夢會有靈感。

  1. 補償夢: 例如好渴望飲忌廉雞湯但減緊肥,會發夢去食大餐:rofl:

  2. 與健康有關的夢: 例如有個個案是發夢夢見全身有蟻咬,後來去驗,有糖尿病

中醫都有唔少同夢有關的, 如經常發夢夢交(即春夢), 是心腎不交, 這種體質仲會好易被嚇親,半夜札醒。一般係用腦過度消耗精神太多,又四肢不勤的人。 調理一下好快好

另外就可能係當下的身體有關的,如發夢找厠所,或好熱時發夢火燭,聽到房外的聲音會變成夢境情節等

以上1-3類都無connect 其他時空的,是比較個人的夢。

  1. 心理integration 夢: 呢個開始比較重要及認真。一些與個人成長有關的夢。如回到過去,但你的狀態唔同了(如而家是成人身份回到童年), 你用另外的方式重寫你的個人歷史。

  2. 大夢: 不是關於你個人,是關於一個地區, 人類,地球的夢。預言夢,或者夢見有智者傳message 比你都算呢類。

講住咁多先~

12個讚

試過個人心火盛,燥到連發夢都剷梗人:see_no_evil:飲中藥之後即刻冇呢d夢發

2個讚

想知發夢見到先人又代表咩呀:pray:t2:

如果你信有靈魂的話,有可能真係報夢;

亦可能係你的潛意識中有智慧的自己,透過先人呢個角色同你溝通,想比一些啟發你

或者是現實生活中你跟某人的關係,與你跟這位先人的關係有些相近的元素; 一些repeating pattern

睇下邊個方向比較接近?

夢中的你的感受,和這個人物令你聯想起什麼都重要

1個讚

LM

唔知點解間唔中就發夢要去考試
但次次都係遲到

但已經冇讀書好耐

1個讚

發夢見到多年無見既同學,但當時完全唔熟,畢業後又無見過,代表D乜?

次次夢到D野都好奇異

我以前間中會夢見我中學同學一家,最近就冇乜。。。唔知咩意思。。

係咪呢排趕deadline? 通常呢類係壓力夢來

我已經好耐冇再夢過要去考試了

點知最近一月二十號deadline呢排居然又夢返

而且夢裏面情況係非常不順利

我醒嚟後心諗

冇理由㗎 今次毫無懸念肯定係終極一戰啦 唔可能再有意外啦

點知事實證明個夢應驗咗 :ghost:

真係好唔順呀

連哩個deadline都失埋 :face_with_head_bandage:

1個讚

晚晚都發呢d夢,訓醒or扎醒果刻仲記得少少,不過除非好刻意咁去還原個夢(通常都冇乜邏輯),如果唔係起身就唔記得

btw, 由於由細到大都晚晚發夢,所以到最近幾年咁岩同人傾開計先知原來有人唔係經常發夢架喎

有幾年經常夢到去咗一個唔似我哋空間嘅地方, 因為佢哋全部係灰灰白白嘅建築物, 全部係正方體但係8隻角都係圓角, 仲會不停自轉。所有觸摸到嘅建築物同我感覺佢嘅比例係好大分別, 例如我捉喺手感覺佢好似粒骰咁細, 但視覺睇到佢好大(最少3m x 3m)。

我稱嗰d為建築物, 只係因為我喺佢哋旁邊, 佢哋好大, 好似幅牆咁, 實制係咩我唔知。

依d夢發咗連續幾年, 有時連夢幾日, 有時隔幾個月, 之後就無再發啦。但依d 夢每次醒咗都仲好大感覺, 好似若有所失咁。

成日發夢喺夢境裡面好眼瞓,會一路正常活動一路嘗試睜大眼,但一定睜唔大,係咪只代表我個人經常性好攰?:sweat_smile:

1個讚

又冇喎

有一排成日發夢見到一個曾經好fd, 但已經多年冇聯絡嘅朋友
夢𥚃每次都同佢傾得好開心
好似以前咁
點知有日佢竟然搵返我
大家喺whatsapp度傾返計

另外
間唔中發夢一個外國朋友嚟香港
每次大家同一個場合
但大家都唔想同對方講野, 好似陌生人咁
最近果兩次發夢同佢有計傾

好多年前發夢去了某公司做野
果陣一心諗住當時份工做一世
更加冇諗過有機會去到呢間公司工作

點知幾年後
轉咗嚟呢間公司做

留po keep record,坐等上堂學野 :heart:

有段時間我晚晚都發夢,一訓著就睇8個鐘VIDEO。
O係夢入面有時係第一身,有時係第三身睇自己緊乜。
同阿媽講佢話我係濕熱,叫我祛濕,之後無特別調理就無再晚晚發夢,仲訓得好好。

D夢有時好似劇集咁,每晚都有連貫性,醒左時都諗今晚會唔會發埋下集,醒左仲有D失落,好似睇劇集睇唔到個結局咁。

呢個人你會點樣形容佢?
可能係潛意識借呢個人的樣來扮演一個閒角; 咁個夢的劇本係點,你同佢的互動又係點?

無確實答案ga, 好靠你自己去將d keyboard 串埋一齊,因為人人的潛意識聯想方法都唔一樣

同樣,呢一家人令你有野感覺,聯想? 例如代表你個人歷史中的某階段,是否有些遺憾或感慨,有些應處理未處理的事情之類?

或者佢地家人之間的互動,同你而家現實生活的家人互動有無類同/相反之處?

呢類就堅係心靈相通啦~以前曾經好friend 一定因為係頻率接近,對於親近的人有telepathy 能力是好好的事:pray: