想請教一下
如果想行一親一語
eg我英文,老公中文
咁3個人一齊講野既時候應該講咩語言?
因為大部分親子時間都係我同老公共同在場
Thank you
1個讚
要睇老公英文叻唔叻同肯唔肯講。
老公唔肯講一家親子時間就只能用中文。
佢肯講,英文都唔錯
而家我地係全英
有IS offer所以想轉返一親一語
如果一家親子時講英文,咁幾時會有機會講中文?
咁無理由不斷又中又英各人各自講唔同語言
好想知大家係點實行
我屋企語境比較煩，所以同老公、亞女一齊就英文、用自己平時大家最舒服嘅共通語言。
嚟緊我會有個細嘅出世，我更加要面對3-4 語家庭語言。
試吓搵一D 書 或者資料關於OPOL(one person one language)，希望幫到你
三個一齊最好都係fix一個語言好d，唔好又中又英。
我屋企係咁，但係我個仔歲半仲未識講野 
1個讚
我都唔贊成又中又英
但如果3人一齊時只講中/英
咁好似無時間講另一語言?
因為我地99%親子時間都係3人…
1個讚
Thank you so much
我會研究下
1個讚
如果屋企係英文主導，又唔想小朋友亂。
應該係去公公婆婆爺爺嫲嫲屋企玩個時講番中文…
其實都唔會，語言一向係語境最緊要。
我呢度好多土生土長大陸人，屋企只講普通話/ 方言，但學校就意大利文，所以2 種都流利。
年紀細，最重要係唔好語言混淆，我同我女只講廣東話、加上係佢母語。
每星期只見4大長老幾個鐘
應該好難學到中文
我意思係唔贊成3個人坐埋一齊食飯時
我講英文,爸爸講中文
佢就不斷對我講英文對爸爸講中文
我都有諗過轉全中
但有d擔心黎緊一年學都未必有得返
佢每日得30mins zoom(英)
而屋企全中既話
英文仲keep唔keep到?
1個讚
全英語境，你同先生都必須要same level 先好，否則小朋友都係以佢自己吸收能力去pick up 自己最鍾意嘅語言，我身邊太多、見唔少。
我同先生暫時共識係，將來會用英文作為共通語言、但其中一方，就用自己母語/ 選擇語言，去重複一次。
我地遲早會轉返全中
因為我地英文再好都始終唔係native
英文就留返比學校
但只係擔心如果黎緊成年無得返學
屋企咁快轉全中
佢英文會退步好多
所以先考慮暫時一親一語
其實如果而家可以正常返學
我會直接轉全中
2個讚
我自己親身體驗，每日抽一個時間，全英文教學、溝通，其餘用返母語。
雖然唔係所有小朋友一樣，但佢哋嘅吸收力超乎想像。
我女讀語言高中，同時pick up 2、3 種外語（唔計英文、普通話），只要肯努力，一定可以。
你呢個提議唔錯,分時段黎轉channel
Thank you so much 
2個讚
過程中，個小朋友未必全部嘢都明，你慢慢用多啲簡單語句同身體語言解釋，甚至用英文教佢點樣用英文發問。咁樣就可以較順利變全英文。
當佢地大D、高小，甚至可以自己轉channel 。
我小朋友2歲幾
而家我同老公有時傾計講中文
佢都會用英文問我地講緊乜
我會用英文解釋返句中文比佢聽
我諗我一開始轉中文同佢講野
佢會成頭問號
過渡期我都應該要用英文去解釋中文
1個讚
如果係咁…
其實你小朋友已經pick up 英文係佢自己最舒服語言。
未入讀is前谷好英文先
開左學3-6個月後覺得佢ok，就全家講中文
其實佢而家唔係好識中文
我唔洗佢中文好叻
因為揀得IS我預左佢母語會係英文
但佢一定要講聽/講中文
而且我地無打算一直都同佢用英文溝通
1個讚