我同男家屋企人一齊住，本身我個人唔係好叻講野，唔識賣口乖果種人。我老公嫲嫲好情緒化，成日小小事就嬲，講野唔啱聽就發脾氣，無人特登激嬲佢，係佢小事化大，無限發揮。
呢次係佢嬲左，我同我老公都無做錯野，我老公一貫做法係唔理佢。如果咁情況下，因為我ftm,好多時間都係屋企見住，到底我使唔使氹下嫲嫲?但係我又覺得自己無做錯野，又唔想嫲嫲成日覺得一定要就曬佢，（宜家就係所有人都就曬佢，搞到宜家咁)，而點解問要唔要氹佢，都係為左我老公。
另一樣就係，分開兩樣野黎講，平日好地地，你地會唔會做d咩氹下男家屋企人? 我老公成日話我係屋企人無表情，叫我同佢屋企人打好d關係, 但真心果句，佢屋企人始終係佢屋企人，我唔想係屋企都要戴假面具做人。
我借左聾耳陳隻耳，由得佢鬧，由得佢嬲，只要唔阻我生活就得，日日保持笑容扮儍哦哦哦過日子
有能力就搬
冇能力就忍
住係人度，又想保持自我冇表情？(人哋睇落就係黑面)，最好都係搬走啦
唔會，唔叻做呢d嘢
ps 非一齊住
我都面對呢個問題，佢屋企人始終係佢屋企人，我老公就成日想我同佢屋企人打成一片，但係無察覺到佢屋人無當我係屋企人，只覺得我係嫁入嚟嘅外人
我無同住，所以都好啲，間中交戲
如果同住，佢哋又對你好的話，間中氹兩句都可以嘅
搬
係呀，同感，我有次同我老公講，話我感覺自己係個透明人。
我老公叫我討好下佢地，但佢唔明既，佢感受唔到既係佢屋企人對我既態度。
係呀，你講得啱，正正就係咁。我都無咩野，無lala要有咩表情，就比人話黑面，我就真係黑人問號至真。
唔好浪費心機啦，討好？點解佢哋自己又唔包容呀？吓吓擺款，最憎
利申 非同住
如果係我
唔會氹 做自己 正常 做好本份 唔駛做多
偶然一次交下戲笑下 佢地可能仲開心
賣定先冇壞
雖然我明白你道理、但你住人屋企又無咩可能唔做下樣、仲要ftm日日係度、更重要一點係我唔會當果度係屋企
當然唔氹，你氹左等如起個舞台比佢發揮，鼓勵佢繼續做drama queen ，有排山你受
三代人同屋，365 黑面攰到喊
同住嘅話，如果對你不薄，氹下無妨
同住對你唔好，咁就唔氹
唔同住就完全唔使理 
係呀，宜家就已經係，佢d仔女，孫女個個都知佢係咁，（對左咁多年，又點會唔知)，但個個都就曬佢。重點黎啦，我又唔係同佢好親，我無必要負責佢既情緒，唔想氹佢。佢唔止drama queen, 簡直係queen, 其他方面都覺得自己大曬咁。
應該係四代、老公阿嫲喎
老人家，如果唔過份當敬老，如果又藍又廢又過份，就唔會理佢了。
當然自己都要有基本禮貌。
呢啲嘢睇能力，你叻唔叻讀心術？叻唔叻聽佢心底邊一句？
你話你本身性格唔叻做呢啲嘢，咁唔好搞咁多嘢。保持禮貌就算，尤其係你老公面前，噓寒問暖下就夠。