互相尊重，人哋對我好我都會對佢好。
如果叫完佢哋無反應，感覺當我係外人，我唔會無啦啦阿諛奉承，隨時俾人話我扮哂嘢。
至於個阿嫲，佢要扮皇后，我絕對唔會做妹仔，阿媽湊到我咁大俾你鬧㗎？
題外話，竟然可以四代同堂住埋一齊，樓主應該係大戶人家。
1個讚
唔係呀，不過唔係住係香港。就係係大戶人家，咁情況，可以既話，我寧願搬走。
數少左⋯⋯訓練EQ AQ 課程
Ignore 係一個好方法呀，佢發脾氣時適當無視，出街、扮去厠所、執野、做家務、瞓覺等等，起初佢可能會發更大脾氣引你注意，你繼續扮無野，等佢變返「正常人」，唔發脾氣時先做返新抱本份關心佢，鍚鍚佢。
呢個係一個evidence based 既心理技巧，如果你堅持做到以上，持續一段日子，佢就會減少（至少對你）發脾氣！
2個讚
睇唔明，男友定老公?
未婚生仔但同住? 定係已經係老公?
老人家係咁，係一個大細路，可能係腦退化初期，要留意下。
氹人同有無做錯野無關連，無必要炒埋一碟。
你覺得老人家唔多出聲好似心情唔好，咪用粒曾孫黎做橋樑，叫下bb嗌太嫲之類。
唔係咩氹唔氹，一齊住希望你同佢地打好關係好正常，無人想返到屋企家嘈屋閉，相信樓主都係想平平靜靜過生活。
我同住，該做既表面功夫會做，心入面我都當自己係佢地既外人，所以佢地點樣我都係保持心靈距離。特別係買野既時侯我成日都提住自己唔洗對佢地咁好。
有日我返到屋企見到99係眼濕濕，我問左兩次佢都話無事我就唔會再問，之後到老公返黎99先拉佢入房傾計。
外母唔會咁樣對女婿，但男家係會咁樣對新抱
我有朋友嫁左台灣、個奶奶嚟親佢屋企都訓話一個鍾、之後佢學醒左
每次奶娩開始訓話、就拎個個蘋果、梨呀開始批、然後同佢講：「媽～這蘋果大小剛好，你吃吧」、塞住佢個口
又訂左個木桶、奶奶嚟親就幫佢浸腳
本來佢諗住逆來順受、但之後頂唔順、都係要駁下咀、一啖沙糖一啖屎、奶奶先冇成日揾佢麻煩。
已經係老公。
個情況係嫲嫲嬲左我老公，我係諗我要唔要開口氹返佢，但係又唔想佢下下都以為個個都一定要就曬佢。
如果係一個後生既我都會咁諗，但依個係7,80歲既老人家，我會放棄。
又唔係嬲你，唔洗氹。
都係果句，用粒曾孫做橋樑，佢嬲極都唔會嬲粒塞。
你朋友好幸運，台灣好興同99 一齊住
點解要咁熟，搬
我就唔會，保持基本禮貌，同保持距離，做返自己。
如果激嬲人果個係老公，佢都唔氹唔緊張，你做咩要多事土理佢地
可能我年紀比呢度嘅會員大一截，做人處世比較老土。我自嫁咗，都當我62/99係自己親人(佢哋依家已過身)，我哋係唔同住。
俾咗我係樓主，我會氹，話晒同一屋簷下，相處愉快，對大家都益。
1個讚
有時唔係新袍唔想氹，有邊個嫁入去同想人哋過唔去？但係有啲人你氹姐，人哋唔受仲要比hard feeling 你。唔係人人都好似你/你老爺奶奶咁好。
我明有啲人真係好衰兼擺款。咁如果62/99係難相遇嘅，做足自己本份就ok.
不過如果99/新抱相處得好，老公煩少D嘢，咁夫妻關係都好的。
奇怪點解只係講男家人點難頂，
好似冇人講下啲外母點難頂既…
自古流傳落黎，都係咁，因為好多時都係女方嫁去同男家一齊住，比例上係多d。咁當然都有難頂外母，你有無野想分享/呻?
都有個案
只係有啲奇怪，好似講到通常都係做新抱既係弱勢咁，一則現今已經男女平等咗好耐，如果女的一方在經濟上係強者，難聽啲講叫女尊男卑，根本就唔需要受男家氣吧？
1個讚
無錯啊 現今社會“應該”係男女平等 但好多守舊嘅長輩都接受唔到男女平等
結婚應該係兩個人情投意合承諾以後一齊生活互相依靠共渡患難 但有啲長輩依然覺得女方係 “嫁” 入男方 地位有高低之分
有時唔係強勢弱勢嘅問題 而係有無互相體諒同尊重
就算女方經濟能力比較好 亦唔應該係女尊男卑 如果真係視作一家人 都唔應該分尊卑啦 同埋點都會畀面老公 唔通一日到黑大大聲同老爺奶奶講我搵得多過你個仔咩。。。
1個讚