你直接問佢 : 其實我係用咩身份做擔保人？
而家做擔保人…係負債…要諗清楚
上面的姐妹都講得好啱，呢個時勢，你哋又後生，出去闖下仲好，最多挨幾年，好過留係香港冇前途！
至於買樓，千祈唔好做擔保！一係你都夾啲首期，落兩個人名，女人結唔結婚都好，一定要保障自己！如果你比裝修傢俬電器，真係有啲笨！
1個讚
你地有無試過一齊住？同居嘅磨擦唔好睇少
樓落佢名， 佢俾首期、供樓， 你出裝修錢，難聽講， 好揾笨
唔好彩你哋上庭爭屋
法庭睇首期、 供樓幾多去決定業權，你冇份
因為裝修電器係純支出，唔計㗎
而且裝修費可大可少，三百呎全爆都要40 萬， 屋大啲再貴啲，其實呢筆錢夠你俾首期
點解你做8 成按，而唔係9 成按？
過唔到壓測的話，點解唔調低budget呢？
7個讚
好簡單者，雖然分開佢主你副係方便買樓，但因為未結婚，真係視為終生交往應該聯名買，始終呢個係顧及雙方心理既
買樓係咩嘢年代都係大事。
好好考慮清楚，才做決定。
雖然唔係太清楚你同男朋友嘅狀況，但係睇你寫嘅情況我覺得， 做女人都係要保護自己。
如果未結婚，層樓唔係聯名，我唔會出錢俾裝修費用。
我成日覺得朋友間錢銀數最好分得清清楚楚，夫妻間反而唔洗計較。
可能你會覺得我好老土，但可以免日後好多麻煩。
3個讚
同意！
一陣一個唔好彩分手，你冇份住層樓但就揹住個擔保名影響你一世（如果佢冇做加按或賣樓，都唔知點甩擔保）。
岩呀，淨係求婚你都信？做女仔唔好咁傻啦，唔係話男人，就算係女人都可以秒速變面啦！簽個紙有幾難，其他「傳統」都係借口！
如果個男仔愛你，應該幫你諗埋保障你嗰part，而通常一講錢就會用「信用」「愛」呢啲虛無嘅嘢黎威脅你，要保持清醒啊女！
樓上好多都講得好岩。
除左樓上所講搵笨之類野，
我想講而家多左人放樓，點解，因為有d人想有一筆資金靈活調動，有乜風吹草動，有筆錢係手乜都易話為d，而家個市唔穩定，當層樓有你名，你就孭住二十年樓債。
二十五歲，仲好後生。。。三思
見到都替你驚
第一 off topic ，樓上講得岩，依家香港呢個環境，考慮清楚係咪仲要留係香港置業，呢到仲係咪一個安定既地方？ 呢點要想清楚
第二 層樓，一係就兩個人名，咁你都要付出/擔保好正常，如果無自己名，咁所有首期，裝修佢自己搞掂，你只係女朋友，得閒上去坐下囉，一齊住咪交下水電煤（自己有份用）咪ok .你又唔係老婆角色，仲有，如果層樓佢無打算落你名，而想你負責裝修買家電，你知唔知呢到佢係可以呃緊你幾十萬坐亨其成唔洗理？ 幾十萬夠你外國樓首期呀呀妹！ 你咪傻
第三，結婚既野，你好明顯係浪漫個頭，唔好話未求婚，求左都可以變，你要知道，人會變，月會圓，我都唔敢寫包單愛我老公一世，買樓一回事，結婚認定係終身伴侶另一回事，偏偏好多人係要兩樣野拉埋一齊黎講小事複雜化！ 乜都同樓掛鉤真係好可悲！
第四，都未同居，講真一齊住先見真章，唔一齊住永遠唔會知係咪真係夾嫁！拿，我知大把人實係道德高地修女上身話女人未結婚就住埋好蝕底/男人無結婚意欲乜乜77，作為21世紀過來人話你知，收嗲啦，生活係自己既，你理得人點睇，最緊要大家舒服，你結左先發覺唔夾/變心/離婚比比皆是，同時大把人無樓，兩老婆捱岀頭來又有
呀妹，男人既野，唔好聽佢講啲乜，係要睇佢做啲乜，收埋對耳仔，放大雙眼睇清楚，只有做岀黎既先係真！（ 呀妹，我好愛你，我會努力為我地打算嫁！) 我呢個39547既人都同你講得岀啦？！咁我乜都唔洗做你又信我既？ 妹豬，你真係要諗清楚，唔係叫你唔信人，但每個人都要保護自身呀，呢方面，你男朋友就做得比你岀色啦！
17個讚
我自己先註冊結婚 樓要加名 一切攪掂先擺酒
買樓一定要有自己名 而且你仲有做擔保
應該是聯名就最理想
擔保人？
你只係女朋友，擔保人呢項好似都未必過到銀行呢關啦
不如問下銀行先？
塊引用
加上佢覺得我仲年輕，驚我父母會唔應成。
塊引用
佢覺得你年輕驚父母唔應承，即係無信心短期內可以同你結婚？
咁點解佢又覺得你父母會應承比個女未結婚無名情況下做擔保？ 仲要幫手出裝修同買電器傢俬，可能父母印象更差
如果你唔知點開口，係我就會話父母唔贊成
btw雖然我都30歲至結婚，但識25歲結婚0既亦大有人在，不算話非常年輕，如果係穩定會結婚0既，想早d買樓可以早d簽紙結婚
6個讚
你真係講得好好，我24歲既時候去左Wkh 之後係因為愛情返香港，但返到香港都係分手，呢個決定係我人生中一個遺憾，仲要對方係出軌渣男，完全唔值得，所以做女仔真係要識得為自己打算！
1個讚
作為過來人，當年拍拖五年多聯名買樓，當時大家都諗住係一世伴侶，但係就未求婚，一齊住左兩年，點知生活上差異勁大，完全唔係我想要嘅同居生活，最後仲因為佢有第三者而分手！
結論係，婚前同居不是壞事，可以更加認識一個人，但係層樓一定要有自己名，有咩事都有個保障！
1個讚
問題所在，點解佢間屋要你比裝修同傢俱？
如果佢諗住同你同居，咁間屋你又無份？
如果間屋你無份所以唔使你供，咁點解你要負責裝修？
如果佢諗住你可以去住吓，咁你只係客人，點解要出錢？
如果係諗住會娶你，你哋嘅共識去到咩程度先？計劃一日未落實都係計劃，佢都係得31歲，夠膽擔保自己一定會娶你？
你先25歲，唔好咁傻，睇定d。呢個男仔我覺得為咗層樓好急進，講得衰利用你，佢自己有幾多斤兩自己知，唔會唔知自己利用咗你。為咗要而家買樓，佢可能會justify 自己，覺得真係分手先算，而家又真心中意你無所謂
唔好咁傻，你已經拍咗5年，同居後乜新鮮感都無，仲係咪會結婚？我係你用個藉口推咗佢唔同居，唔同居就唔使出錢
10個讚
問題唔係個男一心想呃個女，係大家唔知將來發生咩事。如果個男同居後生厭，唔想結婚，之後識另一個。。。呢啲嘢唔係大家控制到
3個讚
25歲仲大把時間，慢慢睇定D
未正式結婚就買樓有D危，至少都簽張紙或者聯名買
樓主，唔係話你男友會呃你，佢可能真心愛你視你為結婚對象，只係人嘅嘢話變就變，男女一樣一，要保障自己