我今年25，男友31，一齊左5年，感情穩定，視大家為終生伴侶，一早已有共識會想買左樓先結婚（唔會租）。係努力草錢同埋佢屋企人幫助之下， 男友覺得係時候可以睇下樓盤，筆首期係佢比，佢屋企人幫小小，我就日後幫下裝修同買電器傢俱，有可能落佢名，我就做擔保咁，咁我地都一齊上網搵資料，都有啲心水。其實成個搵樓過程我都好矛盾，一方面好開心即將可以有同男友既二人世界；另一方面又會諗：究竟我係用咩身份去同佢一齊睇樓買樓？我一直以黎既諗法都係，男方求婚，女方答應，大家都有左一個口頭承諾同確認，先再落去plan下一步買樓／結婚點，但係點解而家好似所有野都掉轉左既？我有問過男友，其實佢準備好未，佢心中既計劃係點，佢就答我，因為見而家呢刻有能力，有機會，覺得係一個幾岩既時機，所以就想買樓先，穩定左，再plan下一步結婚。我知佢既諗法係比較傳統，而且因為我屋企都算係小康之家，佢會覺得自己要先有樓，先敢諗娶我依一樣野，加上佢覺得我仲年輕，驚我父母會唔應成。但我有時會覺得自己好似好唔要面／自動送上門咁，人地都冇話要娶我，佢又冇預我要比首期，我就係咁同佢一齊搵睇睇樓，我憑咩比意見？假設當我地真係買左樓，我就可能會日諗夜諗住：呀…唔知佢幾時同我求婚呢？佢有啲小動靜我都會好神經質咁。定係我諗法太過睇唔開呢？其實咁樣係咪都冇咩野架？大家有冇咩意見／過來人分享？謝謝 
點解你要做擔保？
男友入息不夠嗎？
1個讚
未結婚，層樓冇你名，千其唔好做擔保
人
至多聯名買，第時要買多間先甩名
16個讚
係呀！計過要2個人先借到8成。
其實落邊個名都未太肯定，如果落佢，佢公屋就要除名，所以有機會只落我／一人一半／只落佢。其實落邊個名我都冇所謂，但如果真係只落我／一人一半，我就會覺得成件事都好奇怪，唔好話結婚，連婚都未求，就要去面對呢個step…
我自己單身，對於結唔結婚係冇concern
我只concern如果個asset冇你名，但做擔保人即係債務就有你名，咁最worst你係可以破產
但係既然層樓會落你名，咁就冇問題啦
結唔結婚呢啲，你地兩個都ok咪得
如果佢話層樓落佢名，但叫你做擔保人，就千其唔好制
5個讚
千其唔好做擔保
3個讚
如果佢求左婚呢？然後層樓落佢名，我做擔保人…
簽左紙先，婚禮可以後補
簽左婚書，層樓就係共同財產
9個讚
我自己當年直情買咗樓住埋一齊佢先求婚，冇乜所謂
但因為首期兩份所以我要兩個人有名
呢啲唔同人有唔同堅持，我就堅持要有我名，你就堅持要先求婚，最緊要你坦白講出嚟，男人通常唔點明 
1個讚
企硬啲，唔好怕計住計住咁，結婚一定講錢
如果呢個男人在錢銀上搵你笨，要你做擔保又唔落你名，快手飛左佢，你仲後生
2個讚
我都有婉轉講過呀…雖然佢好似都係有啲唔明，但我又唔想好似chur佢，顯到我好恨嫁咁，事實上我唔係恨嫁，而係覺得個次序唔應該係咁，你未求婚，未確切認定係我，憑乜野落去下一步？一到呢啲位，我好似好固執，轉唔彎咁… 
可能我太單純
咁就直接講，唔怕。佢真係愛你會即刻做嘢
2個讚
你上bd同亡國爬多啲文，了解下婚姻的錢銀瓜葛先再決定
冇生仔還可，生左仔啲錢銀瓜葛仲麻煩
慢慢研究下先啦，唔駛急住回應男友，你如果猶豫，咪話唔知係咪買樓時機，之類
你有無能力一齊夾首期？一齊出錢落兩個人名，即使第時有咩事都有保障
真係諗起都驚 
其實你咁後生，去英國/外國拼博好過買樓啦
我同佢加埋唔夠呀，同埋佢屋企人一早預左比錢佢，所以男友冇預我比首期，只預我裝修，電器傢俱。
呢度都可以洗你幾十萬，如果你介意不如照直講，落曬兩個人名啦
4個讚