我同男友既職業，去外國都會搵唔到食，但係一日留係香港，就有住既需要，買左樓再見步行步。 
其實成浸伏味
因為首期可以當買樓投資，裝修呢啲係支出，冇得計投資
萬一有爭拗都係計首期
你出嗰啲裝修就唔計
你當我小人之心 ，如果佢會落你名就應該唔係小人掛
9個讚
你先25歲，又未有計劃結婚，睇唔到有咩需要咁心急而家買一層無你名嘅樓
1個讚
件事可分兩部分去睇。
買樓果part, 只睇帳面同數字，唔應該落兩個人名，因為free一個名出嚟將來可以開多間。如果落晒兩個名，第時拆名要比多次里印，好唔抵。
至於擔保，唔止你份糧借錢要打七折，如果將來要借錢再開多間，你借貸能力會受影響。所以最好首期比多少少，其中一個人頂晒上會。
至於未結婚就買樓呢，嗱先旨聲明，我信世界有真愛，但唔代表唔應該保障自己，或整d陷阱試探佢。如果結咗婚，就算層樓只落其中一個人名，離婚都可以對分，呢個係保障。
至於同居，萬一分手，只要證明層樓你有份供，都可以要求分返，但手續一定麻煩好多。而你所講話首期佢出你比裝修，簡直係最笨嘅做法。裝修係純支出，並唔係供樓，唔可以證明層樓你有份供架。所以無論點，你都要出份錢比首期，裝修開支一係減一係兩個人分擔。我都係果句，我信世界有真愛，但唔代表唔保障自己。
所以如果買樓只落一個人名，我認真建議唔差在簽個字結埋婚。依家疫情只簽紙唔擺酒簡直係理所當然，係千載難逢嘅機會，JM你認真諗諗。
15個讚
你睇下FYY！
好彩個男人做醫生，唔會食左層樓！
但係食左都只怪自己傻！
老土講「唔怕一萬至怕萬一」
1個讚
求婚只係一個儀式，有共識結婚而買樓當然係一人一半。我當年都係咁，買咗樓一年先結婚
1個讚
我都諗起佢，我老公係男人都覺得個醫生搵佢笨，然後笑個醫生娶人造人
4個讚
其實除名會好大影響嗎？
有機會搬細d單位
我覺得要睇你信唔信得過你男友為人
我當時就係，未求婚，見樓價岩入紙買樓花
落男友名，我做擔保
因為相處咁耐我知佢唔係呃錢既人
最後都結左婚喇
2個選擇
一係就先結婚, 後買樓, 咁到時就可以淨係落佢名, 你做擔保
一係就先買樓後結婚, 但層樓要有埋你個名
冇其他更好既選擇 
絲打要保障自己, 唔好咁傻豬
7個讚
人會變, 月會圓
7個讚
既然佢好似唔明咁，直接同佢講屋企人話唔ok咪唔洗解釋咁多
小妹妹，睇得出你諗緊嘅仲係煩惱緊”愛情””浪漫””同朋友展企人交代求左婚啦要嫁啦”呢d憧憬。但結婚係一世，你以後要對住呢個人一世，睇清楚呢個人做人處事，係咪真係心地好，係咪真係對你公平。25歲仲後生，對自己好啲。
我有d擔心你，做女仔真係要識保護自己，為自己將來諗吓。記住記住記住，唔好做擔保人。有咩事你同屋企人交待唔到架。
住樓方面，一係就佢買樓，佢自己揀，佢自己負責裝修。最多第時結婚後供樓你比幾千當交租。你哋都未結婚，現階段你唔應該比任何金錢費用。
一係就你比部份首期擺埋你個名，當大家一齊投資。咁裝修同埋遲啲供樓就大家共同負責。
但係千祈唔好佢比晒首期，你未結婚就出錢裝修。
同你屋企人商量吓，佢哋見世面多d，唔好因為急住結婚做錯決定。
16個讚
如果父母係長者，都未必要搬
3個讚
我覺得咁… 求唔求婚都係其次，反而你依家好似好多野都唔明朗，兩個人一齊生活，真係有要傾清楚，有共識將來可以行落去。
當年男人老家附近有個適合既單位，佢屋企人覺得機會難求，即刻比首期我地落訂。
但係買左之後，男人先同我交代佢既財務狀況係幫唔到我供樓，最多比下水電煤…
好彩層樓寫我名，我自己仲叫供得起，如果唔係真係上錯賊船… 攬住一齊死。
1個讚
全裝都可以用您30萬囉…如果冇您名，就要承擔風險
1個讚
我好少係呢啲題目講野，因為有其他人講得更好。
但我想同你講，買樓件事你唔太想，但咁大件事你都唔可以stand firm say no, 第時結左婚好多件小事你更唔可以stand firm，咁你就好弱勢，就算結左婚都會有機會唔開心。唔係教你要做強勢果方，但作為女仔，有啲位要保護自己，要表達自己既意見，對方都應該學習尊重。
17個讚
題外話, 但係我認為係比買樓更重要的事:
比著我係你, 25歲咁後生, 香港咁樣環境, 一定唔會立心困在大灣區成世.
就算你要再進修先移到民, 亦一啲都唔遲. 轉埋行都未夠30
而且外國移民, 年輕會加分, 咁技術分相對要求冇咁高.
就算唔轉行, 唔移民, 都起碼去個working holiday. explore 下, 諗下人生有咩可能
如果留在香港, 你諗唔諗住生仔, 買樓都猛猛緊, 又冇錢又唔移民, 生仔就害左佢.
咁困在大灣區, 又唔生仔, 平平淡淡做順民一世, 你甘心嗎?
咁如果你諗完, 都係留在香港, 咁就繼續你的買樓計劃.
如果你想衝出香港, 而男朋友阻止你, 你就要諗, 如果為左佢, 留在香港, 萬一過幾年佢出軌, 或者性格唔好, 本身對你唔好, 咁你點, 咪乜都冇, 好男人又冇, 移民夢又冇. 留在大灣區過一世.
做人千其唔好懶, 懶得為自己人生打算, 懶得為自己人生負責. 男朋友話點就點, 第時到你唔後生唔靚女就冇哂bargaining power.
中女真誠建議, 希望你聽得入耳.
9個讚
冇錯，唔好比層樓困住自己
結咗婚一兩年穩定咗先揹樓債。一兩年租每人每月幾千蚊有限錢，都叫可以拍下拖食下飯，培養多啲感情，而且而家事業搏殺期，要跳槽都唔需要顧慮太多，驚轉左新工又俾人炒嗰啲
供樓好大壓力，你要為左入息穩定，唔可以斷供，打工受氣點都要忍，又唔敢隨時轉工，兩個人咁大壓力實多磨擦影響感情。
1個讚