生兒育女後家庭重心往往轉移去小朋友身上，近日有感夫婦關係愈趨平淡，自己呢幾年懶到過時過節乜野慶祝都冇去預備。
大家有冇一啲日常生活習慣可以令夫婦都多啲感受到雙方既愛？
歡迎留言分享 
2個讚
節日一定要慶祝，一定要有儀式感
同埋好多身體接觸，攬攬錫錫每日都真係要有
10個讚
我老公一返屋企我一定笑笑口去開門，煮緊飯都會停低出去
雖然佢有鎖匙，但我想開門比佢等佢快啲入到嚟，特別係佢拎住嘢/天氣凍
然後話：返嚟拿老公？入嚟啦
算唔算
？我諗佢會覺得我 welcoming
13個讚
呢個 post 好好
1個讚
我會成日喺後面攬住老公、係咁話好掛住你、佢出門口返工當佢去行船咁難捨難離。
小朋友同工人姐姐訓左、我仲會非禮佢。
有小朋友、我覺得能力範圍內、請姐姐、請唔到都請鐘點、日常家務同照顧小朋友嘅鎖碎事最磨滅夫妻關係。
就算姐姐同鐘點都唔得、長老又幫唔到、就要同朋友、親戚、同學家長建立下關係、喺小朋友大少少、互相照顧下大家嘅小朋友、放鬆下。疫情前、我小朋友的幼稚園同學、間唔中會上我屋企食飯、咁同學嘅爸爸媽媽就會出下街。
4個讚
有朋友老公夜晚會自己嘆下啤酒、
佢會長期雪定隻杯喺冰格、啤酒同nuts 常備。晚晚差唔多時間就set曬出嚟比佢嘆。
2個讚
每日咀咀，even 小朋友面前。
每日講我愛你
要有節日儀式感
要盡量安排去拍拖、even 只係1 hr 去吧飲杯嘢
間中製造驚喜
1個讚
驚喜真係好多年都冇，有乜好計？
1個讚
我唔定㗎！
可以係小禮物、可以係情趣內衣、可以靜靜book間對你哋有意義/ 紀念嘅餐廳食餐好。
就算係房事 都可以（你洗乾淨晾乾響床等佢，但果日可能你扮晒冷平淡）
1個讚
我本來以為節日冇再點慶祝好正常
儀式感3個字提醒左我
多謝你
2個讚
又幾正喎
我喺佢生日嗰期 book staycation，但 book 完冇耐就爆比佢知
情趣內衣…要試下，好耐冇
餐廳又係冇乜有紀念價值
好多謝你
2個讚
我試過大家差唔多成個星期冇行埋、趁姐姐放假果日、我自己落街買早餐（佢仲訓緊）果陣送小朋友上婆婆度、之後返屋企過左大半日二人世界。
2個讚
攬攬錫錫的確少左
多謝提醒
我自己認為，就算間單、去茶餐廳食個tea 都可以好有儀式感。每年都發生雖然有D 平淡或者理所當然，但世事無常… 平淡可以變成美好回憶
3個讚
我同老公間中會去第一拍拖嘅餐廳或者酒吧！
就算真係冇，咪搵D 特別少少嘅餐廳、私房菜試吓
你講得岩，我而家正面對呢個情況
日常家務，照顧小朋友嘅鎖碎事最磨滅夫妻關係
暫時未有人幫到手湊小朋友
可以做住攬攬錫錫呢啲先
同個仔講開I love u時順便同老公講埋
2個讚
節日就真係冇點慶祝，不過生日同結婚週年紀念就一定會食好啲
我做啲細微嘢，例如會夾菜比佢，話知道佢鍾意食葉。呢排凍又會 check 住佢著幾多衫，要佢夠暖
1個讚
我有個親戚係咁架
明明有鎖匙都會噤鐘
就係想有種有人welcome佢返嚟嘅感覺
每日問吓佢你今日點啊，好老實講有時都係扮聽，但可以比到佢一個工作上面嘅抒發，令佢覺有野可以同我講
佢日日都同我講至少半個鐘關於佢工作嘅嘢，有時仲好鬼長氣
非禮佢同情趣內衣梗係唔少得。我老公過咗50，對食嘢又冇乜興趣，就算我book間幾好嘅餐廳，對佢來講都係一餐飯，反而曳曳就好似係佢嘅「人生目標」咁
