鎖碎事又冇得唔理，我成日話要傾傾傾，變得好事務性
上兩個月呀b有日去左返學，兩公婆難得有獨處時間，都用左黎傾K班報名既野
睇左大家既回應，我發覺如果自己心態上唔調整一下，只係在眼响日常家務鎖碎事上，係好難用心去感受愛
1個讚
其實我都唔明、明明未有小朋友都係自己做家務、但只係多一個小朋友、就多左幾倍工作量。
我老公有時仲要懶、小朋友出世到兩三歲果時仲有種憎死佢嘅感覺、嬲佢嬲到直情想離婚。最後請左姐姐好好多。
經常擁抱和親吻，時常贊美對方和撒嬌，感恩對方的付出。
1個讚
外傭其實係香港夫婦的救星.
冇左外傭大部份香港人其實完全沒有條件生仔.
我見身邊朋友 + 亡國 / BD 例子.
我見夫婦關係, 生完仔仲係恩愛的,
- 一係FTM + 工人, 當然呢啲經濟條件好好的case, 起跑已經贏左大半
- 一係working mum + 工人, 老公+長老都神隊友
working mum + 工人+豬隊友 都係做到我啲女性朋友一肚氣
ftm 冇工人更加唔得, 困身到爆, 如果本身經濟條件一般, 老婆ftm 又辛苦又困身, 老公一個養3個再加長老經濟壓力又大, 都係遲早壓力爆煲.
其實生完仔, 家務9百萬樣野要做, 你仲要求關注老公情緒, 性需要??? 而個老公豬隊友, 掛住打機, 你唔剪斷佢條電線已經好俾面了
相反, 如果老公幫忙湊仔, 體諒老婆辛苦, 一同參與親子活動. 老婆通常都會好appreciate.
所以如果經濟條件一般, 都會建議做working mum, 請工人, 再慢慢訓練老公做神隊友先. 然後先再滿足老公的情緒/性需要.
訓練過程俾啲滿足感大啲的工作俾老公做, 例如陪玩. 餵食. 滿足感最低的當然要俾工人做. 咁老婆個人輕鬆啲, 自然開心, 老公自然想親近老婆多啲.
3個讚
我明白，大部分男人都懶，覺得放工就嘆，係個女人做晒，但明明老婆都有返工
我就係鬥賴皮嗰種，你懶我一定懶過你，你咪使旨意我會最後唔扺得做返
我老公知我非善類，佢計過條數知道自己冇so，最後決定唔生
ml
我諗好多夫妻出事、都係小朋友出世之後大家對小朋友照顧的standard好唔同。我老公係餵完奶唔掃風、換片如果係weewee抺都唔抺、當年同bb沖完涼、就放低叫我著衫、佢話呀b郁嚟郁去著唔到、話佢死死氣著、又唔揸cream, 半夜bb喊、踢都唔郁。
真係冇偈架喎. 你諗下個男人平時自己痾尿都唔抹weewee, 自己都唔搽cream, 點會咁神心幫bb 做.
都係叫佢陪玩算.
所以解決辦法都係請工人.
當然個男人點解想生仔係好重要因素, 如果係真心中意小朋友先生, 咁起碼會陪玩先啦.
如果係為左傳宗接代/養兒防老, 咁就死症. 唔駛旨意佢會理小朋友.
除咗佢自己粗心大意之外，我覺得奉旨要個老婆執手尾呢個原因我最唔順
成日痴實佢，攬實佢。
返工都會欠唔欠msg話掛住佢
朋友老爺奶奶係退休老師、真係補習都慳返
好幸福.
根據我在亡國觀察, 處理小朋友學業最辛苦, 辛苦過湊初生
其實老唔老奉係睇bargaining power.
好似你又冇生仔, 兩公婆都有返工, 你如果十分極度不滿, 係唔難離婚. 咁佢就會怕失去你, 而作出遷就.
如果生左小朋友, 就難啲離婚, 好多男人就開始hea. 如果個女人仲係ftm, 咁男人經濟壓力又大, 好容易就對老婆要求多多.
如果男人係富豪, 女人係闊太, 咁老公反而忌老婆三分, 因為老婆可以分身家.
但係如果男人係一般條件, 老婆分左身家又過唔到世, ftm 又好難重投社會, 咁樣老公就食住老婆.
所以如果一般經濟條件, 女人最好係做working mum, 保留可以走的後路, 有bargaining power 先有得講平等, 講恩愛.
如果唔係, 啲咩性呀, 老婆嗲老公, 賣口乖, 呢啲都只會變成老婆單方面迎合老公.
所以要研究的不是一啲表面工夫, 而係夫婦關係的結構性問題.
4個讚
冇錯，其實婚姻都係好現實嘅考慮
我仲愛佢，點嗲佢都得 (我係呢個case)
冇咗佢唔得，再嗲啲
可有可無又唔係好愛，自己搞得掂，睬佢丫
1個讚
對住老公要：「付出多得到少不介意豁達」
對住小朋友要盡能力比耐性資源、然後要抱住「你若決定要做最尾一名 絕對允許」心態
好同意好多野女人單方面做咗、個男人唔配合嘅、所有嘅愛都有磨㓕嘅一日。
咪係、飲完野唔洗杯、廁所紙用完唔換已經死得。
對住子女, 絕對係只求付出, 不求回報, 因為係母親決定帶佢黎呢個世界
[雖然一開始係男女做愛搞出黎, 但係如果個女人想落, 個男人都阻止唔到. (講緊香港法例, 話說係呀可, 有啲國家好痴線, 唔俾人墮胎, 或者要老公簽紙先可以墮胎. 超慘, 生於呢啲國家, 上床真係要考慮清楚. 太大風險)]
(當然我冇咁無私, 所以冇生)
對住老公就唔同喇, 如果沒有佢好過有佢,就一腳踢開佢費事眼怨. 當然有左小朋友, 個容忍程度會高左. 始終想盡量俾個幸福家庭俾小朋友.
順番呀 ＞同老公講I love u 順便先同個仔講
可能係老婆一手一腳寵出來
可能基因遺傳，或者有樣學樣學老豆，做大爺
可能由骨子裏自私自利， 一世要服侍
1個讚